Nichin Thumna Puitu

NICHIN THUMNA PUITU 

By Rev. Awnkhankhup | June 1, 2021

KI UONGSAH SIH UN 

🙏🏻🙏🏻 Zing chieng a bang hing tung ding ahiei chi na thei sih uhi. Na hinna uh bang ahiei? Tuimei bakhat hing kilang a mangkia pai bang giap ahi. Tua sang in Mangpa’n pha asah leh i dam ding a, tami ahiei, tuomi ahiei ibawl ding na chizaw ding uh ahi (Jak. 4:14,15).

Juda  gingtu  masa  te  khu  sum  dawngmi  ahi  tangpi  deu  ua,  a maban ding uh thei masa lou pi a  ki uongsah tah leh kam nuom tah a ham chiing  ut uh hi ding dan in a kilang  hi. Tuaziehin,  Jakob  in mihingte hinna dengdel dan leh tomnou sung dai ahi man a, koima ki  uongsah  lou  a  gamtang  ding  in  thu  a  hil  hi.  Tuni  hun  in  eite  lah ah zong tamthu a dih sem sem abang ta hi. I hinna kempa leh, hun leh ni tung a thunei i Pasian phasahna panglou in koima i gamtang thei ngaisih chi thei in kiuongsah hetlou in i um ding uhi.  ‘Mangpa na thubang zel hi hen, ka hinna tung ah thu hing nei in’  chi  zaw  va  ui.