SEPGUAL HA

SEPGUAL HA

Pastor Dr. Dongzathawng

Fellowship of Thirsty Souls and Hungry Hearts!

Text : “O Lord, revive thy work in the midst of the years, in the midst of the years make known” (Hab.3:1)

Introduction:

Tulai Shillong Gua Ju Ju jel. Gua nuai a tate school a thah leh la khu ngap lei ngap louleh a louthei lou himai. 

Ka nu zong awl awl in hoi ma lam ma naw! Hing thum sah jel vo.. 

Tulai message gel man di chi hilou, Mailam progm ading in sermon ka ki prepare hi.

 Tuni message khu a kisua sa ahi.   Neukhat modify in ka hing sua ding hi.

Tulai khangthah ten sepgual bang ahi zong thei non lou un, tampi ading in a khatveina jong ahi. Ahin tua NEW GENERATION te sepgual bang ahi chi ka gen sah pen ka tha nuam mama hi. 

Ei NEIGM (ECCI) nuai a kikhaikhawm leh a bajam a um kha te ading in kum chin a september ha ang tun leh sepgual ha ahi a. Hipen ECCI nuai or Lamka lam ten tradition dan a ki pai tou ahi ta hi Khenkhat diah diah in ngaipoi maw seng seng sepgual ha in I Mangpa Jesu hing pai leh zong “ana khawl phot aw! Ka sepgual uh hing jou phot va ung” chi ding khop in serious uhi. Tutung  Camp ka jou ua Kho 1/2 ah  hing chial pawl um hi. Ngap lou sasa ki ban ding ade aw chia ka ngai tua lai un lamkai ten himi mission month ngai poimaw seng un progam dang mong mong subuai sah ut lou  uhi.Alang khat ah  Ka kipah dan hilou leh ka lel ding dan…

Neu lai hun te bang phawh in um a, lunghel huai hi. Valnou lai vei a Lamka a, Zomi Colony ka  veng ua, alang alang sepgual bawl a lampi a thaumei tawi a  ki phut lui lui lai lungsim ah ki lang hi. World Cup hun bang ahi. Hattuam chin in group ki khen in inn chin ki tuan hi. Tu in zong Lamka lam a hibang a a kibawl ding ki nep huai hi. Hoi kasa vang lah hi. Paitou pi jel hoi hi. 

Sepgual season toh kisai a ka mang hil thei lou khat ahileh Rev Haozalian a ji te gam Philipines jin  inn hing tung hi. Tua hunlai khu ka Hattuam uh dam lou hi. Aman zong hing tun ding huphul mama hi. Ahiin ahing tun tun in sepgual ha toh kituah hi. Sepgual toh kana buai veng vung uhi. Ahing tun a athu gen Chet Chu ka thei non sih. A hin a huikhuo nop asat dan ka thei na lai hi. Ahi dih hi. Sepgual kha khu Lamka lam te ding a hunnop ahi. Hagau huikhuo in ahing ten pi hun ahi. 

Tutung sepgual Zoveng ah ka va pang Kha a ka sep gual  pan na lah ah nop kasa pen hi. Ajieh pen mipi hing pai khawm ten jalen tah in a lungsim ua um bang bang ngai dan te kum  uhi. A topic leh thupi in Ngai dan  gen na ding hun hoi tah hon sah hi. Tua ngai dan hing ki gen te khu nui jat leh huai in phattuam na lah tam hi. A nop pen chuh a hing pai khawm ten Jalen tah a topic te gen thei na ding chance Nei ua ki suangla lou tah in gen uhi. 

Sepgual  history leh a background va sui ding dan zong a um khawl sia. Ahiin kei mu dan in NEIGM a gingtu masa ten himi sepgual ha khu biah inn a ki khawm khawm lai pen biah inn khah phot a, ki the jah a, inn chin tot hun ding a ana jat uh hiding in ka ging ta hi. 

Tualeh sepgual chi um jie khu mi jousie pang chiat ding, Pasian thu kikum ding chi na hiding hi. Biah inn ah pen upa te leh pastor te mai in Pulpit ah thugen in mipi ten ham lou in ki ngaikhie hi. Sepgual hun ah pen leader ding tuam tuam kiguat in Bible thu a kikupna kinei in, mi jousie in pan mun ki nei hi. I buaina te ki kum khawm in, inn chin khen umlou in ki tuan a, koima peng lou in pan mun ki tang chiat hi. Tualeh thawlawm, tha phut leh bang bang e ki thaw khawm hi.  Tua chiin ha tawp chiang in sepgual ki tuakhawm na khawmpi khat kibawl jel hi. Tua khawmpi ah i sepgual bawl dante report kipia in, ki mu khawmna thupi tah um hi. 

Tu sepgual hun a thou doh jou lou, inn kuan leh khang lou but lou gingtu khu a lungkham huai mama ahi ta hi. Ajieh pen sepgual khu hattuam mimal chin, inkuan chin suhhal nading a ki bawl ahi.

Hibang sepgual ha a michin a buai vengvung lai a bang kibawl e zong phoh pha lou a, khawvel sil toh buai te zong himi message tungtawn a khang lou ding in Aman hing ve ta hen!

Himi i sepgual khu Tulai western leh Pasian thu lam a ana sang jaw te a toh ka suhtuah sawm chiang in sap gam a home cell, small church  small group achi te utoh ki bang ka sa hi. 

South Korea,Seol a Full Gospel Church - leitung a hattuam lian pen ah homecell mai mai mun 20,000 ah ki bawl hi( latest hilou)  Tua home celll ah inkuan 10-15 lah bang ki gawm uhi,

Sapgam hattuam lian pi pite, a hatna thuguh uh khu home cell ahi. Mintuam tuam in ki gen hi: homecell, cottage meeting, Small group, small church,  House church, etc etc te himai thei. Pasian ni chiang a siing asaang in biah inn ah khawmpi bang in thupi tah in ki khawm jel ua, Nidang chiang aning ning ah homecell active tah in nei uhi. Tuami homecell te in a Biahinn( hattuam ) khu thuap in detsah hi. Or ki jom sah hi. 

Pasian ni chiang a Pastor in a puplit sermon mai khu Pasian thu  a jungkhaw na ding leh khanna ding ching jou lou hi. Tualeh hattuam te pen mi tamseng, leh lian seng in kal khat a ni khat BIah inn ah nakai 2 vel va kithuah in relationship ki siam thei ngei lou ding hi. Ahiin homecell a Bible thu khu thuuh deu leh chian sem in ki sui hi. Tualeh heart to heart sharing ki bawl thei hi. Biah inn ah mi tam seng in, hun zong tawm hi. Khawmpi bang ahijieh in thuuh tah leh nel tah a ki thua hun um thei lou hi. 

Ahiin homecell ah khat leh khat nai tah leh nel tah in ki thua thei hi. Hi home cell tuam tuam ten link hoi tah nei in Biah inn khu a huaikhawm tu ahia, Biah inn ah home cell tuam tuam leaderte sr Pastor toh ki mu khawm jel in tua homecell a gingtu mimal hahsatna homecell mai in a suhveng jou lou te Biah inn ah tut uhi.  

Eiten sepgual khu kumkhat ah ha khat mai i bawl ua,  Sapgam te ah vang a a kal chin a apai tou tou ahi. Ei ten BIah inn kai i thupi sah ua, sap gam te atamjaw ten Pasian ni jing kal mai hoi tahin ki khawm ua, hinanleh thupi tah in bawl uhi. A dang te pen home cell ah intimate leh deep deu in ki khawm uhi. 

Eite sepgual ha chiang ki hal in  ha dang teng  ah ki gam mang, kigam la, ki tum mang siang bang hi. Ahiin kal teng in BIah inn sang in hibang in inchiin ah homecell, small group Bible study etc te bawl lei Sepgual ha chiang i lim ua i hal bang un kum bul apat kum tawp tan ki hal tou ding hi. Sepgual bawl ki hi jing mai ding hi.  China House church te leh Muslim gam gingtu te ading in ahileh Biah inn Building nei lou ahi man un kum bul apat kum tawp khu sepgual ahi tawn tung mai hi. Khujieh in ama uh te hagau lam ah a ihmu thei sih uhi. A hal lou thei lou uh ahi. 

Ei te dan a Pasian ni chiang a angeina dan a  dress thupi leh Gari nal tah tah ki show na dan a Biah a ki mu khawm na ding China gam leh Muslim gam a gingtuten  hun nei lou uhi. 

Gingtu tawm nou, mun ning khat ah ki hun um lou sasa in ki mu khawm ua, ki hanthawn in, thum khawm in BIble sim khawm in, Pasian phat khawm uhi. Sepgual bawlbawl ahi mai uhi. 

Sepgual or homecell hoina khu Pasian thu gen ut, BIah inn a pulpit tangjou lou, upa te leh mi vantang ten hih homecell ah hun adei bang uh nga thei uhi. BIah in pulpit pen pastor or Senior pastor pa a ding mai in ki koi a, aman kal khat sung thum kawm in sermon ki prepare hi. Tua chin Pasian ni chiang in mipi te Hagau ann tui thei pen toh vah hi. 

Hattuam khu a hat tah tah leh Pasian thu jil tah tah na ding in himi homecell poimaw hi.  Himi homecell khu America te, leh South Korea te apat hing kipan hilou in. Laisiangthou a Nasepte laibu a hing kipan ahi.  Gingtu masa ten inchin ah, thumkhawm, ann siang ne khawm, ki fellwoship khawm, Pasian thu sin khawm chi i sim hi. 

Tunin sepgual kichi ngal a, thase deu a,  Biah inn  abawl veve, leh Pastor or upa te mai in pulpit a thu agen veve ua adang te a ngai khie mai ahi leh sepgual meaning um non lou hi. 

Sepgual ichi leh sepkhawm ding, koima khen lou a pang(participate) chiat ding, koi ma inn khen lou a suh khah chiat ding.  Bible thu ki um ding, thum khawm ding, ki pawl khawm ding chi ahi.

Abang abang hita leh tu ha sepgual ha ahi toh kisai in I changtel uh Habakuh thumna “Kumkimlai in zong hing halsah in, Kumkim laiin hing ki thei sah in” chi ahi. Aw, Pasian Hagau Siangthou kumkim lai, in hing ve in, hing su hal in, hing ki lah in, hing ki theisah leh ut huai na e maw!

Hibang a mawl tah a  Amin a iki pawl khawm na uah Aman amite hing kankhia in, hing ve leh ut huai e maw!

Inkuan lungngai leh hattuam thawmhau, leh mimal hagau a lungleng te lai ah I Mangpa Hagau hing teeng ta hen!

Mangpa’n simtute jousie tu sepgual ha in hagau lungleenna thah I lungtang uah hing khum sah chiat ta hen!

Sepgual man nuam! 

Shalom!

Topa Thupha!