LOYALTY pays at the END!!

LOYALTY pays at the END!!
Pastor Dr. Dawngzathawng
Devotional # 38 ( vol 4)
Fellowship of Thirsty Souls and Hungry Hearts

Thirsty souls simtute

Shillong Vangkhuo tavang nisa etlawm in asalh leh Tahsingkung hing dipdep in a tuam apat in Jingpha leh Pasian lungmuanna na tung ua um ta hen!

Tuni Topic: LOYALTY pays at the END!!

Text: “Your love is like the morning mist, like the early dew that disappears” Hosea 6:4

“The men of Ephraim , though armed with bows, turned back on the day of battle” Psalms 78:9

Introduction:

Janni tah saisa gaw (hou) ha ne in ka ne a, ka sung bang achi ta de aw ka chi leh Bangma chi vang lah sing ei. Bongsa hileh buai veng. Tulai Shillong khua hunnop dandan aw…. Neulai a Lamka a EL Sciem H/S kai ding a I kuan a Tedim road lampi tungtawn a Dawrte apat Hindi la kisa tawntung te i lungsim ah hing kilang hi. Pasian in khuahun (season) abawl te’n a thupina leh ahoina a silsiamte tung ah langsahsah Mai hi.

Tujingkal ka tate school ka va Thahjou in aneupen toh  park ah morning walk kang pai malam uhi. Nop na lawmlawm e! Kipah sengseng in zoo a Ganhing te leh Vate ka houpi malam hi. Ajiehpen tulai The Wonders of God by William MacDonald gel sim ka hi Jieh in Ganhing leh thilsiam te tung a Pasian khut nasep lamdang in thupi kasa hi.

Tu in thupi ah lut ta vai: 

1) I Bible chaangteel uh  Hosea 6:4 ah - Pasian in Isrealte Itna khu athupilou dan jingkal meibual leh daitui tomkhat jou a mangsiang toh  kibang in gente hi. Hosea laibu thupi khu “God’s Loyal Love” ( Pasian Itna detdou, beitheilou itna) bang hi ta leh Isreal te khu ji-ginumlou, ji angkawmkawm toh tekhin hi. Hosea laibu thugen ding ihilou ziehin ka genut tampi ki sum mai vang. 

Eiham a Loyal or loyalty ichi chiang thumal khat a hilchian hamsa hi. Khujieh in tekhinna toh hilchian ngai ding hi. Loyalty chi umjia khu Mikhat in MLA candidate pa khu Jui hen la, a Jui pa ang chinlou chiang zong nusia tuanlou in JuiJui henla, midang teng in a nutsia lai in zong aman bel tinten Nalai leh. Tuakhu ahi loyalty.  Atawp chiang tua a mijuipa khu hing ching khawngkhawng ta leh ama adingin hamphatna hoi penpen khu khenkhiah ahi ta ding hi. 

Tuami ahi loyalty kichi. Loyalty toh opposite khu Opportunist ahi. Amama vanvanna ding lam del kawikawi, ama luthawlthawlna ding lam del, ama neh na ding lam del kawikawi, tai kawikawi chi ding ahi. Hibang mi hattuam ah pastor leh i society ua leader I Nei tam mama ua, koikoi ahi chi Jong itheichiat uhi.

Pasian in ei mi Namte zong ama ading a i muanhuailou dan, i ginumlou dan, bang chihtuh in biahinn ah lamlam in revival bawlbawl nan leizong ama’n ih Itna uh a nepdan, a houhdan, a daidan, jingkal meibual, jingkal daitui toh hing tee leltah hi. 

Lamka gingtute, Shi Ngam a Jesu Jui ding a ki laante suh daina ding in Setan in thil lianpi poimaw sa lou hi. MDC election neukhat hing um leh Zong a pul mang Siang ding ngen ihi hi. Jesu I Hundampa sang a I candidate pa ha gum a gum jaw gingtute ihi uhi. Nitah khat Gual nop neukhat um sah leh zong Isreal te Mose ni 40 a umlou sung a bongnou lim ana bia man te bang leltah ihi uhi. 

I Itna uh a dengdel dan, a detlou dan, a chau dan ama’n thei mama ding hi.

I gam a Pasian thu hat, lim leh lamlam nupi hagau mite suh puh nading in nitah khat, Gualnop khat, tahsah ki pawl lim na khat, ju leh sa ne a lamtual kai na khat mai hun sa mama hi Setan in.  Lamka hattuamte suh puh na ding in RSS volunteer te ngailou hi. China Communistte chuh ei adingin sangtalua hi. Hibang ahi Christ ih Itna uh a dengdel dan. Jingkai daitui leh meibual bang leltah ahi. Setan in zong ang huphullou di dan. Hem nop angsah ding dan. Nupi te i mai ah Rs 100 note neu khat hing tahh leh zong Jesu nusia ngap ngen ding ihi. 

2) Bible Changtel khat pen  pslam 78:9 ah Ephraim mite galvan thupi tahtah toh kithuam in, muan huai mama uh, et Lawm mama napi gal tahtah ahing tun chiang tai mang siang uhi chi ahi. 

Ei soceity zong camp leh seminar leh khawmpi te a Christ ading a i hangsan dan uh, Peter bang a hinkhua phal ngamngen i bang uhi. Ahiin buaina neu khat i tuah chiang un Ahilou leh  mimal hamphatna ding neukhat um leh zong Jesu a pampai ding, nualam a koi ding, eima hamphatna ding khu a baw a baw thaw ding a mansa gingtute ihi uhi. I thupi lou dan uh.  

Atawp tan ginum tah a pang ding, midang ten a Juilou nung a zong pangdet na lai ding, ham Phatna Ngalou leh zong Jui nalai ding, suppi, manpi, gentheipi, mualphoupi ding tan a zong Christ hasua lou ding chi khu ei society gingtu hina leh hindan hilou hi.  Jesu Jui ding in a hoijaw, a lemchaang jaw I tuahtuah chiang a ama eh Nusia a Nusia ding, mun dang a dei tawh a va ki bual phot ding tua chiang a i mangbat i chimaw hun chiang a Pasian ma chia hat kia ding, camp a va ki lat kia ding chi dan ahi.

Thil khat poupou i panpanna ah chitah in ding phot lei… I gup lamlam hoi deu in atawptan gum phot lei bang e khat chuh hing um ding hi. 

Indian politics bang a ki tawn lele, nungtawm matawm, Thaw khu nungjui hinkhua ah dihlou hi. Party khat in sum leh pai tampi toh support in MLA hing ching in, Assembly atun chiang a,  ha khat zong bei nailou in party lemchang penpen a tawmlut ngal, ama ana tungding partyte eh nusia a nusia ngal chite khu I politics uh pai dan ahi. Sawt nailou a I gam leh leitang ngaina mama candidate, thu hangsan tah a gen te tunia assembly a UI MEIKHUP bangsiangta uh hilou i ?? 

USA politics neu khat houlim va ui!

Tu in Midterm election achi uh: State chin a governor, Senator  leh House of Representative kiteel Pina Nov. 9 a um ding ahi a, tu in zong vote Khiah mun khen khat ah  ki pan ta hi. Himi kiteelna in 2024 a President Kiteel na ding hoi deu in hing sukha ding hi.

Donald Trump in tulai tah in MEGA movement lamkaih in city 90 val ah mipi a siing a siing a simte kikhawm in rally pai tou jel hi. Hibang a president kai nonlou ahivang a Hibang a popular USA history ah um kha nailou hi.  

Trumpi in aphut khu sa in tawl huai ding hi. Democrate leh  Media, BIG Tech ten a lu apat a taw tan a dem ua,  suhpuh sawm teitei uhi. 2024 chiang a candidate ding khu shi jau a jau in daltheitan in dal sawm  uhi. 

Trump in democate te apat douna athuah thutuam hita leh Ama party GOP leader luibawl thei teng in a guh in deilou uhi. Republican mi lui (the establisment) in a ningkhat ah ana deilou mama uhi. Mipite a jaujieh maimai un kilang sah Ngamlou hi. Adiahin George Bush mi-milui tampi GOP ah um nalai uhi. Tua ten Trump dei lou uhi. Ajiehpen Trump in Bush khu Irag gal toh kisai in dawmlou in dem a, tualeh Bush naupa Jeb Bush toh 2016 in ana ki debate ua, Bush Inkuan in Trump ngaidam theilou uhi. Khujiehin Republican Party a Bush mi ten Trump a guh in deilou uhi.

Trump a vangsiet naluatluat in a president hilai a top post a adeisah penpen ten ama a buai hun in support lou in lang pan uhi. 

A ma righthandman-VP,  ama ading a gin um pen ding a ki Lawm Mike Pence in January 6 ni a guplou pen tu ni tan in mipi ten ngaisiem theilou uhi. Ngaisiem nonlou ding uhi. Mike Pence in Trump President ding a apuankhiah ding chi hijenjen lou hi. (tua bang um theilou ding hi). Ahin Pence in a bawlthei  khu State Legislature te kung a a Apiah sawn thei ahi. Tua ahibou hi Trump lamte'n a lamet uh. Tua ban ah Pence ginumlou dan pen tutung GOP te primary election in zong Trump endorse lou lamlam Ana endorse hi. Ahiin koi ma thu lahlou pa ahi ta hi. Ana sip khian khian mai leh amaban hoi jaw ding hia.

Tua ban ah Trump in a  top post a deisahna sangpen a na guang Defense Secy Mark Esper in a guplou mai hilouin Media te ah Trump gensia kawikawi hi. 

Aban ah Attorney General William Barr in 2020 election a fraud um khu Bangma bawlsawmlou in vote kigu thei sasa in Bangma thu umlou chiin paitou suah pi hi. Tu ni tan in zong Trump demdem na laibu bang sua nalai hi.

Aban ah Trump adia Lawmhoi hisih nanleh Party mi, party in ana tun ding V. President Dick Chenney te inkuan in Trump ha dou in dou ua, atanu Liz Chenney khu January 6 toh kisai a Trump heh se tute lah ah ha pang in pang hi. Tualeh GOP ten president candidate ding tanpha a Ana tun ding Mitt Romney in Trump vote lou ban ah ha gen in gensie hi. 

Umjie khu hia Republican mipi ten president candidate tantan ding a na tun ding te un  Trump mu da top nanleh uh  a party beh jatatna Ana um maimai ding uh hinapi mimal a Trump muda Jieh in party against tan in Ana pang uhi. Himi traitor te khu mipi ten ngaisiamlou in chiamte uhi.

Trump in adou khu Big tech teng, Democate party teng leh Republican Party leader lui (RINO) teng hinalai hi. Hinanleh himi mega movement khu nanGuallou in hat semsem a, Third party ahilou vang in Republic party chuh hijing ding ua hinanleh Republican Party zong hoideu in hing susiang ding uhi.  

Tu in thu kija dan in TRUMP in a VP ding in a kilawm mama tampi kan san in Marjorie Green Taylore jat sawm chi uhi. A ki Lawm mama kichi te khu ama buai mama hun a ana dai hiithiatte ahi ua, tunia a jat sawm nu ahileh 2020 election khu juau ahi chia case fire a angen a fight nu ahi. Repbulican party lam a leader lian leh ki Lawm Ana gal ette te tunin TRUMP in thei mama hi.

Nov 9 chiang a Republican ten House of Representative leh Senate house a majority ang lah ding uh ki lam en mama ua, ang lah Ngeingei uleh Trump ading a 2024 khu bel asa minsa bang ding ahi. Ajiehpen tutung a GOP lam a candidate te khu 80% val ama endorse te ngen ahi. 

Trump in top post deisahna sang pen toh Apiahte'n ama el ngat san in doutu in hing pang nanleh uh Bangma lam-et lou, America ngainatna leh Christian hina toh thutah  gum a pang million millioin a sim um uhi. Leader thei tampi jong um uhi. Tuaten nusialou in anung thuap uhi.  Republic party thupi tah a kisuhsiang na hing tung ding hi. Mipite dei nalam ah politics huipi hing kitawl ding hi. Democate lam thutuam Repbulican party sung a Trump a guh a doutu (RINO) te khu ha buai in hing buai ding uhi. I gen umjieh khu Trump in a lang te Democrate te mai doulou in ama party te zong a doulou theilou suahta hi. Ajiehpen American politics SWAMP suh siang sawm ahi.

Bang ding a Himi USA election toh kisai Hibang a hing kigen kawi?? I gen utjiah khu: mihing te lai ah ginumlouna huaise hi. Deisahna sang pen hing Pia tu zong support lou mai hilou a, ama dou Ngam te tanchin igen ahi. Tua ma bang in eite zong Christ ka it, ka ngai, i kam ua ichi chi vang un ahun ang tun a, ama poimawna hun leh mun ah Christ in koi ma nei nonlou hi. Ama’n deisahna sangpen apiatata te khu ama doutute ihijel uhi. Hibang kal ah aning khat a gintatlou in, koima theiphahlou tatate  Christ ading in ana dingtang uhi. 

Pasian in ama ate koi, koite gin um, koi ten hun nop leh hun hahsa a Juijom chite thei mama hi. 

Ama’n hamphatna tahtah hih leitung hi in Vangam i tun chiang hinanleh tua Nuamman Apiah chianng lamdang ding hi. Ajiehpen ei mihingte geldan toh kibanglou ding hi. Ama’n aguh a koima theilou a, ginum tah a, aningkhat a na Juite thei mama hi.

Jignkal daitui bang leh meibual bangmaimai itna, a hemhem leh dangnal a itte ama’n thei mama hi. Tuate kung ah ama’n a thuguh hil nonlou ding a, tuate muantheilou gingtute khu nasep siangthou tahtahte ah jong pangsah nonlou ding hi. Hattuam politics te ah ki bual sah MaiMai ding hi. Ahiin gospel thuguh a kepsahte lai ah tuabang mi ginumloute guang nonlou ding hi. Ama’n hunnop leh hunhahsa a zong anatudet, ana beel, ana nusialoute thei mama hi. Tuate tung ah a Gospel thuguh siangthou chingsah in kemsahta ding hi. 

Muantheilou, kingapna theilou, gintat theilou gingtute kung ah ama’n a gospel gou manpha kawl sahsah nonlou ding hi. 

Khai le tuni Abang atai igen uh? 

 Pasian khu ih it leh itlou khu biahinn leh khawmpi munte hilou ding hi. AMan ang poi maw hun leh mun a ama min a na dindet khu poimaw hi. Hunnop leh hamphatna i nga laiteng ama Jui in, i deite i mu nonlou chiang a ama Jui tawp san a pasien dang I va nuadel jel leh Hosea Ji Gomer ang kawm toh kibang ihi. 

Pasian in midang ten ajui nonlou ua, a nuasia lai ua jong chitah a ama min a pangdette chiamte in ama uh goulua ding koi sah hi:

Ezekiel 44: 10-16: “‘The Levites who went far from me when Israel went astray and who wandered from me after their idols must bear the consequences of their sin. 11 They may serve in my sanctuary, having charge of the gates of the temple and serving in it; they may slaughter the burnt offerings and sacrifices for the people and stand before the people and serve them. 12 But because they served them in the presence of their idols and made the people of Israel fall into sin, therefore I have sworn with uplifted hand that they must bear the consequences of their sin, declares the Sovereign Lord. 13 They are not to come near to serve me as priests or come near any of my holy things or my most holy offerings; they must bear the shame of their detestable practices. 14 And I will appoint them to guard the temple for all the work that is to be done in it.15 “‘But the Levitical priests, who are descendants of Zadok and who guarded my sanctuary when the Israelites went astray from me, are to come near to minister before me; they are to stand before me to offer sacrifices of fat and blood, declares the Sovereign Lord. 16 They alone are to enter my sanctuary; they alone are to come near my table to minister before me and serve me as guards.”

Hia Bible chang in Pasian in ama ading a na pangdette manghillou hi chi imu hi

Mangpa ih Itna khu meibual bang leh jing kai daitui bang maimai lawmlawm hidata henla, hun nop leh hun hahsa a, Ama’n ahing poimaw na mun leh hun ama min a ana pang thei dingin gingtute hing khanglou sahta hen!

Topa Thupha!