Hard Times Come Again No More!

Hard Times Come Again No More!

Pastor Dr Dongzathawng

Fellowship of Thirsty Souls

Devotional # 49 ( Vol 4)

Thirsty souls simtute  Shillong Vangkhua Nisa Engsingseng Etlawm mama apat in Mangpa Ni Jingmawng Chibai!

Ahepina jingsang teng a thah jing in tunin hing halsah in, hing nousah in, kinepna hing pia t ahen!

Tuni Topic: “Hard Times Come Again No More!”

Introduction:

1. USA politics ah pan vai. House speaker ding in  Cavin Mc Cathy namdet hi ta. Duthusam hilou mah leh concession tampi toh chingsah khawng khawng uhi. Hi toh kisai ah TRUMP ki play mama hi. Behind the scene ah TRUMP plan bang in pai tou jel hi.  Tu in Joe Biden te pata chi kithing thing ta ding hi. Ajieh pen Republican ten dawm lou in aban ban in hing tham ta ding uhi.

2. Ei Manipur ah tulai pu Hejang Misao houlimna te ngai tua tham thei mama in Manipur singtang mite adiah in Zo suante ikipat tah tah uh ngai ta.

3. Ka loinu jing ah Dr nu gen bang in ki mu pi kia ding. Ultra sound leh blood test( result)  a last na ding um kia ding. Hospital Admit na ding nai ta mama. Hing na thumpi jel vo!

4. Ka nu jong hoi dawm tuan lou… nau nei jou jou chiang a ka tate school lut ma a, va paipi jual ding plan ahi. Hing na thum pi jel vo.

5.  Tulai ih laibu THIRSTY SOUL Thadou kuki version buaipi lel lel. Bro Len Haokip in full time na sem. Section 6 tan chai ta. Section 7 mai kivaat ta. Manlang a print khia nading in leh sutna FUND ading in ana thum thum phot vai. Paite Version pen ahileh work kipan ta ahia Thadou version pen hong khia masa phot ding chi ahi. 

THUPI AH LUT TA VAI:

I laphuah masa ten kumlui ngaina la ana phuah te uh bang deina ana phuah uh ade aw ka chi jel hi. “na pam mai na pammai” “kum lui ngai in” Khua ngaiven khua ngai ven  ka ngai uh” leh adang dang te sang in “ pai kin ven pai kin van… ka hing ning hi, ka hing chimtah hi” chia kum lui sawl mang kin kin ut huai hi. 

 Ahia kei ngai tua danin kum lui ngai la phuah ten   Christmas gualnop laia a Sa me kine te, hall a gualnop kibawl te leh gualnop pawi kibawl te khia la a , ana phuah uh hiva ka chi hi. A christmas sung gualnop chuh nop mah e. Christmas shopping, decoration, FUN leh adang dang December sung vang ken zong ngai ing e!

Nitah khat ka umna ua pat gam la lou ah evening walk ka bawl na uah  lamlian a Hall leh compound nop tah kha tah music nal tah tah ana ging hi. Ka va mawh  lut uh leh christmas open concert ana um hi . Tualeh CAFE tuam tuam ana um hi. Ka tate toh lasah ngai kawm in tua fast food te a deibang in ka ne sah a, ka loinu toh kou gel in zong ne thei thei ne kawm hun nop tah ka mang uhi. Khu ni tah vang nop sa vawt ung. Mang hil theilou hun ngai huai mama khat hi. 

Tualou in 2022 pumpi a inung et kia leh ngai ngut ngut a “na pam mai na pammai ngei mai” chia laa a va sah sah ding ka thei sih ih. Thil hoi tampi um mah. Pasian hoina hun nop tampi 2022 in sim seng lou um mah. Ahia ngai ngut ngut a va nung hat hat ding vang ngap huai sih hi.

Tua malah ah asial asial, agum a gum. akha akha,  gua nuai dai nuai, tuipi leh meipi leh zan mial ipal suah te ingai tua leh koi kum lui ngai a nung hat ma lah lah tu nia i thupi uh ”hard times come again no more” chi khu i thumna uh hijaw hi. 

Keivang 2022 a ka sil tuahteng, ka pal khah teng nung phut kia ding ngap vawt sing…

Tuasang in 2022 vangsietna ka tuah teng nung gel ding jong ngam sing, phut kia ding jong ngam sing, kum 2023 in thil thah thil hoi tampi hing tut leh ut ing.

Charkes Dicken novel Hard Times ana gel ngai a ka sim teng in ka sunjom thei sih hi. Ama hun lai a England dinmun gen hiding in ka chi mai a. Robert Schuller in Tough Times Never Last Tough People Do chi laibu gel a sim tham mama hi. Ahin tunia igen sawm hard time ahileh Bill Gaither te concert na adiah Alaska Home Coming a Buddy Greene lasah apat inspiration ahi.

Kum lui a hun hahsa ana tuahte ki hamuan na ding ahi. Hattuam jiah ana naa dildel, sum tahsap jiah luanhi nul, tate jiah a mualphou leh jum, lawsap jiah ki ngaisie, tupna tang tun lou jiah a gim leh lungkia, nupa kal kisiet jiah hagau liam leh bai, family kibal kham jiah a thuah ngiingeite,!dam lou na jiah a thuah leh gim, inn sung lusun na jiah a lunghem leh kapte, hagau lam ga nei lou jiah a ki ngaisie te, hagau lam gam dai tot jiah a gammang te, thumna dawn lou jiah a ginna bei deh deh te leh adang tuam tuam jiah a hard times ana tuahte ding in tukum thah 2023 a angai boh lampi tot kia sang in "Mosi bang in” Na umpina in ahing pui lou ding leh aban hing paisah non sin”  chia thum khu abai lam mama ahi.

Bill Gaithers team te lah a Buddy Greene la sah "Oh, Oh, Hard times come again no more... many days you have lingered around my cabin door.." chi khu  a umjie ki thei pan hi. Abang hitaleh gingtu phot in hun hahsa ama toh kituah phut ding i nei chiet hi. Hih laphuah pa “Hard times come again no more” in chuh hun hahsa ana tuah sa te a room leh a inn kot apat pot mang a hing nung pai non lou ding in thum top hi. Himi topic pansan in Ruth Messenger ah sau deu in ka gel ta.

Koite bang kum paisa a ka thuahna te sang a huaisia jaw thuah din ka mansa chi i um leh kipapi huai hi. Ahin atam jaw chuh i ngap non sih sing uhi. Ahilleh Pasian Thu ah nang leh kei adin hichi bang a thuah jousie adin promise anuai abang um hita leh i ut diai? I pom ngam diai? En him him vai i pa uh A hing itna bei thei lou i Pasian thu in eite ading bang gen anei ei!

Pasian Thu a, Pasian in eite ading a thuchiam te a, ki ha nem chi lou ki nepna ding inei sih hi. Tuate en vai:

Isaiah : 61 : 7 - “For your shame ye shall have double; and for confusion they shall rejoice in their portion: therefore in their land they shall possess the double: everlasting joy shall be unto them.”

Zephaniah : 3 : 19 - ”Behold, at that time I will undo all that afflict thee: and I will save her that halteth, and gather her that was driven out; and I will get them praise and fame in every land where they have been put to shame.”

Zephaniah : 3 : 20 - At that time will I bring you again, even in the time that I gather you: for I will make you a name and a praise among all people of the earth, when I turn back your captivity before your eyes, saith the LORD

Psalm : 90 : 15 - Make us glad according to the days wherein thou hast afflicted us, and the years wherein we have seen evil."

Kei vang ut na ma ing! Pom jong pom na ma ing! A ut leh a pom jousien AMEN chivai le!

Mangpa’n atung A thuchiam leh agen bang chet in  tukum in aban ban in na tung ah hing tungsah ta hen!

Shalom

himi topic ve ve a sau eh  chiang jaw sem in Ruth Messenger ah ka na gel ta hi. A lung lut ten copy lui te ki et mai vai.