GNFA: Tripura Mission Field Khristmas Report Tomkim

GNFA: Tripura Mission Field Khristmas Report Tomkim

Amasapen in I Toupa Jesu Khrist' min in chibai ka hon buuk uhi!

Pathian' mapiina leh noute panpihna ziak in Khristmas lohching tak in ki zou thei hi.

1. Khristmas zatna hun ah naupang te toh sim in mi 100 lak biakinn ah ka pai khawm thei ua, mi 200 phial ann ne ding in hong pai thei uhi. Bru mite a dia special pen voksa ahi a, voksa kg 37 leh aksa pum nih ka gai zou uhi. Khalam leh taksa lam ah leng ka tai mahmah mai uhi. Nek-le-tak leh decoration in ₹ 22,000/-bei zou hi. Kipahthu genni.


2. Khristmas hun ah innkuan 6 leh mimal 5 te kiang ah Bible ki pekhia hi. Amau te Bible sim ding dan le kihilh ngal a, gospelte sim masapen ding in kihilh hi. Tutung a Biakinn bawl dia hong kuan ka Paneu@ Upa Khuphau in gingtute a mit a a hong muh in a lungsim khoih lua a, a neih khamkham in innkuan haksa diakte a ding in Bible leisak hi. Limlaak a a hawmkhetupa ahi. Kipahthu gen ni.


3. Tutung Christmas apan in Pathian in tuailai khat leh family nih hon pia a, nitak in amau te ki veh in counseling ki pia hi. Naupang tampi melthak muh a om te ziak in leng Pathian' min i phat uhi. Lamka apan a voluntary a hong kuan Unaupa Muansang in naupangte action laa hilh hi, amah leng January 3 in innlam kiiknawn ding hi. Thumna a phok ni.


4. Pathian in hunhoih a hon piak leh Kumthak leng zang nawn ding in ka kisingsa uhi. Saptuam te'n hihtheih dandan in aksa bek nek khom ding chi in 13,000 budget koih in contribution ka bawl lel lel ua, Pathian in a poimoh bang a hon piak theihna ding in thumna a phok ni.


5. Unaupa Talbong Reang, Joingka Reang leh Unaupa Debjoy Reang te innkuan nih leng counseling kipe tou zel a, gingtu a hong suah theihna ding un thumpih ni.


6. Tutung second hand Christmas gifts EBCC Guwahati leh EBCC Bungmual apan in kimu a, himahle bus te a mi tellou a van vuak po ngam lou ahih man un mission field hong tung thei nailou hi. Hun lem masa a lak din ki ngaihtuah hi. Thumna a phawk ni.

Toupa'n hon vualzawl hen!

Khrist aa dia semkhawm

B. Thang Ngaihte & Ching
Good News For All (GNFA), North Tripura
Ph. 8974099164

View More Photos