Oh, Just for a Little Gesture!

Oh, Just for a Little Gesture!

Pastor Dr. Dongzathawng

Devotional # 7 ( Vol. 4)

Fellowship Of Thirsty Souls and Hungry Hearts

Thirsty soul member te I dam chiatna uh maw!

Shillong apat in Shalom! Mangpa’n tunin nang ading in surprise khat hing tung sah ta hen!

Tuni Topic: “Oh, Just for a Little Gesture!” 

“Give me a sign of your goodness..” Psalms 86:17

Introduction: 

Janni'n Shillong EBCC ah  Unau Pastor Fellowship te  pulpit exchange program na ah hun ka va jang hi. “Jacob Khualzinna mun 8 te” ka houlim hi. Dahkal 1 leh a kim set ka gen a, a ngai khie tute pahtat huai kasa hi. Hun Nuam tah Christ a unaute toh hing mang sah Pasian min ka phat ahi. Tujingkal ka thum lai tanpha in jong ka mit ha in EBCC mipite ka mumu nalai hi.

Tuni ka loinu Birthday ahi a. Bang chi man ding ata diei chi zong plan um Chet nailou hi.

Tulai Shillong traffic jam thupi dan. Lockdown kum 2 val jou a  school ki juan kia nai nai ahia. Thupi ei!  School gamla lou a ki teeng hina pi one way jieh in sau pipi va ki vial hi. Hibang weather nop  jieh in Pasian ka phat hi. 

Tu in I Topic ah lut ta vai. Gesture kichi khu eiham in gen din hilei gen hamsa sim in sap ham ma hilchian sah vai. Signal or sign china khat ahi.

Achang ah I thumthum a hinanleh Pasian asip dide bangin dawnna malah ah bangma thawm umlou bang hi. CS Lewis in “Meanwhile, where is God? This is one of the most disquieting symptoms. When you are happy, so happy that you have no sense of needing Him, so happy that you are tempted to feel His claims upon you as an interruption, if you remember yourself and turn to Him with gratitude and praise, you will be—or so it feels—welcomed with open arms. But go to Him when your need is desperate, when all other help is vain, and what do you find? A door slammed in your face, and a sound of bolting and double bolting on the inside. You may as well turn away. The longer you wait, the more emphatic the silence will be come. There are no lights in the windows. It might be an empty house. Was it ever inhabited? It seemed so once. And that seeming was as strong as this. What can this mean? Why is He so present a commander in our time of prosperity and so very absent a help in time of trouble?” Hipen CS Lewis in aji it tah shi jou a a gel ahi. 

A gen umjie khu: “Pasian khu i mangbat topkhawh chiang a khoi a um? I kipah, i nopsah chiang nop sa seng, kipah sengin Pasian in hing ve in, hing houpi leh zong ahing subuaitu dan in ki la hi.  Khuchiang kipah tah in ama va juan lei a khut jahsa in hing na pom in hing na saang ding hi.  Ahiin i chimaw, mundang a bangma kinep nonlou ni, I beidot ni top khawh chiang va juan lei bang I mu diai?  Na mai tang ah kot hing ki Khah khum bang ding ahi. Tuachiangin inn sung lam apat  kot hing ki kal khum ding a, Double a kot hing kikal khum ging na ja ding hi. Tuachiang in na nung pai kit ut tuntun ding hi. 

Na ngah sawt laisie sip di de, bangma thawm umlou chi dan na thei semsem ding hi. Pum sip in sip ding hi.  Window te apat vah ki mu lou.  Inn guah ama leh nachi ding a? Mihing a teeng umlou ama leh? Chiin na kingai tua ding hi. Hite bang genna hita? I Pa Pasian khu i nopsah ni chiang in nai nou khat apat ahing panpi ding a mansa bang in um hi.  Ahiin I hahsat ni chiang muphah in umlou  hi” chi hi. 

Martin Luther in “Bless or even Curse me but never be silent” chi in thum hi. 

Achang ah gingtuten I pa aw ja ut tuntun in hinanleh bangkim sip in dai hi. I kikou kou vang in ahing jahpiah ding umlou bang hi. Radio battery umlou khu station teng ah heh heh pei pei lei zong  a git kija sun khu i khut gin leh a sih git hi giap hi.  Tua bang ahi. 

Hibang hun chiang Pasian a pat thil thupi, leh lian pi zong ki lamet huai lou hi. Tuipi san kan lai  kilahna thupi te, Elizah thumna dawng Van apat meikuang hing kesuh te zong hi jou nonlou hi. Ama i nai ah  a um na, ang nusia sih. A hing ngaikhie na chi ki thei mai mai na ding in sign neu khat ki mu leh ki lungkim tamama ding hi. Tuami ahi GESTURE ichi uh.  Hinapi tua zong um lou in ju sip va sip bang in Pasian thawm jah in um lou hi.  Naupang a nu um na theilou a kap kap toh ikibang hi.  Tanglai a JOB in Pasian mu ut a a khoilam en ding ka hiai? Chi a chimaw kibang hi. 

Ravi Zecharias in Alaiibu “Has Christianity Failed You?” Ah a Tanu tahpen Naomi tanchin hibang in gen hi. Naomi pen khawvel gam tuamtuam a AIDs veite, meithai te, numei ki bawl genthei te lah a ministry hoitah Nei ahi. A nasep jong gim huai chang tam hi. Himun a Naomi thumna leh lung gulh in kei zong  tulai  hing houpi hi: “I wish God would answer some of my prayers in a way that would let me know he is even JUST LIETENING?”(149) chi hi.  Agen ut khu: “Pasian in  ama in ka thumna te a ngaikhie beh na chi theina ding in Achang ah ka thumna khat leh ni beh hing dawn sah leh   ut na ing ei” chi ngut ngut hi. 

Ravi Zecharias a tanu thugen toh kisai ah: “When we pray, when we pour out hearts and make ourselves vulnerable before GOd, we sometimes cannot help but wonder-EVEN a little bit- IF THERE REALLY IS ANYONE LISTENING?”( 150) chi hi.

I thum thum ua, i ngen ngen ua. Ahileh i thumna khu angai khie tu um tah tah ana maw? Chia a lung mang bat chaang um hi. 

Tulai lockdown a thugen te bang a camera mai a  ei ngen a thugen a, Ahing dawng ding um  lou toh kibang ahi. 

I Pasian khu Pasian hing ahi a, bil nei, mit nei, kam nei- um Jie khu a ja thei, a mu thei, a dawng thei - khaw jahna nei ahichi i Lasiangthou ah isim uhi. Ahiin achang ah ithum na khu Hinna nei lou milim  te kung a thum kibang jel hi. 

Sakhua ngaina dan a, I thum ding teng, igen ding teng gen jou in ama’n ahing dawng leh dawng lou ama thu. Ei pen in I gen ding teng gen jou ta chia kham chai, inn a pai kih a, a dawnna ngah mai toh kibang ata diei?

Sholay Film ah  Basanati in a pasal ding anget leh  atangval pa Viru anung lam ana pang in a pasien  ana Kinei hi.  Ang ham khieh leh Basanti zong ki guih hi. Paisan in dawng thei kia ding a gingta lou in lamdang sa hi. 

Tunin I Pasian biah uhkhu a dawng theilou, a ham theilou, hinna nei lou thilsiam suang bul sing bul bang 'dan a ahing dawn ding kinem sese lou a thum tou jel ding maw? Ahilou leh hibang Lawm Lawm a thum hai a, bia bia hai ama apat sign khat beh signal khat beh mu thei lou ding maw? Chi ahi.

Hitoh kisai ah  Naomi tanchin sun jom vai. HIbang a Pasian a ding a  gim tah a asep lai in Pasian in a tanu khu a han thawnna neukhat beh gesture khat- “ka ngaisah na, ka umpina hi” chi theisah na in  a thumna te a khat leh ni beh aki dawn ding ngai ngut ngut hi. 

Nikhat hibang a gim tah a khual jin ang tun lai in , a U(Dog)I in kipah tah in Ana lam dawn a, tualeh Inn neinu in  ana welcome hi.  Hibang abuai vevu kal in akot gei a suitcase a koi khu ana mang hi.  A inn sung leh kim teng a hawl hawl  vang in mu non lou hi. 

 Hibang din mun a sil tuah khu apa kung ah hibang in gen hi:”You know, its a small thing, but I needed that little small thing from God right now, I needed that little gesture just to know that he cares when I”m a little dawn” chi in. 

Niteng in suitcase mu kia ding in enkawi kawi hi. Hinanleh a jing ni, thai ni  tanin zong bangma um tuan lou hi. Ahiin lamdang tahin a 3 jou in  anutsiana, a kot bul lai tah ma ah a ki tun bang bang in ana ki tung hi. Praise the LORD!

Tunin Pasian tate hahsatna leh je-etna jat jat tuah ten  Pasian gualzawlna thupi, a ma hut khiahna thupi, ama vena thupi tan tan zong ki lung gul jou lou in I pa Pasian in ahing ngaisahna, ahing ngaikhie na, ahing nusia sih chi ithei na ding in GESTURE neu khat, SIGNAL neu khat  hing thei sah Mai Mai leh i chi tun tun hi.

A chang ah i hinkhua ah Pasian in ahing nusia pumpang lou chi itheina ding in thil neu Nou, mawl tah gen kham lou, gin tat lou khat apat in  ahun tawh hi. 

Achang ah Pasian in ithumna te, kum tampi ithumna, hun tampi i thumna te khu i lam et lou meithai nu  khat apat in hing dawng jel hi. Achang ah naupang te nuimel apat in hing dawng ding a, achang ah thilsiamte- Ui tanpha jang thei hi. Pasian in ahing dawn ding dan lampi simseng lou Ama’n nei hi.  Tuate khu ei kinep bang lou leh ei ngaidan bang lou lam daih ah  hing pai thei hi.

Tutung ka Car uh inlam ka peina uah aside neu khat  ka sesah uhi. Gintat sang in Repairing na ding in tampi bei hi. A lah hun ang tun in ka sum neiteng uh bei ta hi. Ka lam et mong mong lou ka loi-nu lawmte Khat in kou nget se se lou in “kou a jang ve ua” chiin kou ki suang la lou tei tei na ding khop in hing jangsah  hi. Hibang ka buai lai un ka lam et lou pen pen ua patin panpina Pasian in hing sawl hi. Tua mai hilou tu ha kim laitah in ka lam et lou ua pat in gift ka mu sawn sawn uhi. Hite apat ka jil khiah khu “Ka Pasian in ha bul sese chilou in ha kim lai in zong  law or panpina hing thot thei hi” chi ahi. 

Hiteng ban ah  Shillong ah Jawngta nehseng lou  Lamka a lamgei vel a  second kisiat bang in kisia  vum hi. Jawngta ki ne chim thei mama nai lou in SIngthupi hing tung sawn sawn kia ta hi. 

Tunia I gen sawm bang? Pasian khu Ahing ahia, ama kung a i thum or i houpi chiang monologue ( ei mai mai ham) hilou in dialogue ( mi 2 kihou tua) ihi.  Eimai thum thuma  ama’n ngaikhia maw ngaikhia leh buaipi lou a i deiteng va sam khu Gingtute leh Pasian ki relate dan hilou hi.

Eite pen I Pasian uh ahing ahi a, I thugen te ngaikhia leh dawng ut Pasian ahi.  I thumna te angai khia um tham tham hi. I thumna leh i kammal a, i thu gen te mai hilou in i thum lou, ingaitua te tanpha jaa Pasian ahi. 

“You, LORD, hear the desire of the afficted” -Pslams 10:17 chi hi. 

I thumlou I thum masang tan pha a Ama’n ana ja jou ta Pasian ahi. “Before they call I will answer; while they are still speaking I will hear.” Isaiah 65:24.

Nu leh Pa ten I tate’n anget lou ua I  leisah sim seng lou um hi. Tamvei pi ahing nget ma un agen ding uh ina thei ta hi. Khenkhat a gen lai lai ua zong ei apa anu apia ding a mansa in ki um ta hi. A ma uh sang in ei  ki thanuam jaw hi. 

Unaute hite in ang suh hal jou leh  a gen ding dan ka thei non sih hi. 

Mangpa Hagau Siangthou in tunin ama na thum thumna pa I Pasian, Pasian hing in,  na thumna, na maona, na lungsim a na thumna tanpha hing jaa sah, hing ngai khia jing ahilam hing thei sah ta hen!

Topa Thupha!