Only for beginners in prayer

Only for beginners in prayer

Pastor Dr Dongzathawng

Devotional # 8 ( Vol 4)

Fellowship of Thirsty Souls and Hungry Hearts

Jingmawng pha!

Mangpa’n tuni ama be ding a a biahbu lam na jawt chiang hing kimu pi in, na natna teng hing dam sah in na puahgih teng hing jaang sah ta hen! Lam-etna thah leh ginna thah toh a Biah inn apat hing kile kia sah ta hen!

Biah inn kaitheilou a sepna jieh a buaite zong na umna chiat uah Mangpa’n Hagau ann tui tah toh hing vah ta hen!

Pastor te leh upa ten  a sat liam dildel a,  hagau gawp ngii ngeei a biah inn zong tung jou nonlou a bai den te zong Belampu hoi I Mang Jesu in a Umna mun uah ana kimu pi ta hen!

Kei zong tuni kouma biahinn a hun janglou ding ka himan in munchin gam chin a um ka Hagau lawmte:  noute toh Pasian thu kikupna ding hun thawveng mu ka suah hi. 

Tuni Topic: “Only for beginner in prayers”

Text: “Lord, teach us to pray” Luke 11: 1

Introduction: 

Topic a lut ma in thu vantang neu khat gen niai nuai vai:

1. Tulai thu kipah huai khat ah: Ukraine te ading a kinep huai hi. Ajiehpen Putin minister of Defense  pa a umna kithei lou in mang kichi hi. Tualeh a general 2 vel shi ta. Ukraine te capital nuai chimit sawm Russia sepai te ki nua tawn ta. Tualeh NATO sepaite Gamgi west lam a galvan tampi toh kithap dim ta hi. US sepai te mai mai zong lakh 1 um ta. Putin buai chi tah a buai hi ta. China in panpi lou. Ajiehpen China ngol/hai lou. A market uh khu Western gamte a 80% kinga ahi lam mang hil lou uhi.  Hinanleh Puteeh Biden homthaw huai mama. Ipla huai mama. Russia bawl chitah abawl ding lai tah hinapi Iran deal kichi khat buaipi a Russia te panpina ngai in Russia ten chance la hi.Tualeh  Poland a US sepai te kung ava ve in  sepai ten TRUMP abawl bang un jatat leh thupi tah in din sa in ana welcome lou. A tou bang in tou ua gal et kuau kuau uhi. Tuamai hilouin sepai te mai ah ama’n angen in koima ngah lou in pizza ne nalai. Sepai ten lamdang sa in en guauguau uhi. 


2. PU LM Khaute in assembly hall a Manipur University, South campus khu Lamka a um ding in Phu hi. English ham nal tah in assembly a thu gen thei ta hi. Tualeh I tuineh uh tungtang zong hoi tah in gen hi. A kipa huai khu LAMKA khopi khu Lamka ma in lou sese hi. I vaihawm te ang ki thutuah ua lungkhat a ang luangkhawm ding uh i thum na uh hihen!


3. Lamka revival meet nop tah apaitou jel. Election jieh a atmosphere hoilou tah um ding, buaina tuam tuam Setan in a plan lai in himi revival meet in Lamka boruak  hagau lam dangtahna leh Ama Phatna in dim sah. Pasian in Dr Dennis leh a team te umpi jel ta hen!


4. Kei mimal ah ka tate school mun 3 ah niteng in va-thah va-la khu kana sep ahi. Baih chiam sih ei. Ka scooter tai tai na ka om nasim ta. April 8 apat 25 tan Progm tuamtuam a inn lam a hing jin ding hina lai. Kang jin kal a ka ji ka tate khawsah ding dan hing thum pi vo le!

Tu in I topic uah lut ta vai ele: 

Ka pianthah apat kum 30 val  thumna hinkhua ka na jil tou, ka na mang tou ta a, tualeh thumna toh kisai laibu tampi ka simta hi. Hinanleh thumna hinkhua ah atha tha in ka kipan tha jel hi. A kum a kum in thum dan tha tha hing um tou jel hi. Tulai chuh ning kum tawp leh tukum bul in Ka siapa Rev Haozalian Manlun ka inn uah ni 20 hing um hi. Ama thum dan apat in ha jil in ka jil pha kia hi.  Thumna khualjinna lam a sangpi tung ta ka kisah leh abul a ka ki pat kia kia ngai in ka ki mu hi.

Khujieh in Ravi Zecharias in alaibu Has Christianity Failed You a  Christiante  ading a inei thupi uh philosopher minthang CS Lewis in  thumna toh kisai laibu phot phot gel ding khu ana dal hi. A jiehpen thumna toh kisai a student jiltu ngen kihi jing nalai chi hi. Midang te thum dan hil ding in chit kisa lou hi:  “C.S. Lewis resisted writing any book about prayer, for he considered himself to be always a student of prayer” ( 164) chi ahi.

Hagau lam a sangpi tungta, Pasian toh nai tah a Ana ki jawh jawh ta CS Lewis kichi ten bawn thumna toh kisai laibu gel Ngam nailou uh ahileh kei tobang in bang gen ding ka nei diai? Mi masa te thu gen te i gensawn ua, ama uh keng nungte hat lou sasa in i jui ding dan kikup ding ahilou ngal leh thumna toh kisai gen ding a chinglou penpen ka hi hi chi ka ki mu hi. 

 Khujiehin Thomas Meston in Philip Yancey Laibu PRAYER ah hichin ana gen hi: “WE do not want to be beginners (at prayer), but let us be convinced of the fact that we will never be anything but beginners, all our life” ( 259) chi hi. Umjie khu thumna toh kisai ah a beginners kichi ding I ut sih ding uhi. Hinanleh I dam sung teng thumna hinkhua ah a kipan tung pan chilou adang ihi ngei ngei sih ding uhi chi hi. Thumna toh kisai ah a ki pantung ihi jing ding uhi. Himi message in atup khu beginner a lut kia ding in koi koi i ut diai? Chi ahi. 

Tutung i changtel uh “Teach us to pray” chi toh kisai ah Philip Yancey in “When it comes to prayer we are all beginners” (08) chi jiau hi.  

Christian hinkhua a I khantou jel bang in i thum dan hing tuam tuam ding hi. I thum dan a tuam tuam jel bang in abul a kipat kia ngaingai tou jel ding hi. I thum dan changkang ta, sang mama ta chia hun hilou a bul a kipat jel jel khu i khantouna hing hiding dan ahi. A bul a na kipat tam laisia ama sawn na hi. 

Roberta Bondi in “There is no prescribed way to pray. If  you are praying, you are already ‘doing it right’” (quoted in Philip 182) chi jiau hi. Hibang a thum tei tei ding, Khup din teitei ding, boh Khup tei tei ding, dinsa thum teitei ding, pai kawm a thum teitei ding, Jing kal sese ding, jan sese ding, aging a thum tei tei ding, a sese ding chi um ngai lou hi. Thumdaan hoi pen pen khu thum ding ahimai hi. Ama pa gen dan in a thum a, na thum phot leh  adih ahi ta chi ahi.

Thumdan formala teng thei in, jil in thum sih lei tua khu thumdan hoilou pen ahi. Hight school ka kai lai in Andrew Murry laibu PRAYER kichi khat ka lei leh ka lompa Liankhum Gangte in “bang atih a je na chawk maw? Thum lechun ahi jeng chulah” hing chi khum hi. Adih ahi. Thumna toh kisai laibu tampi lei in, sim in thum sih lei thum dan hoilou pen ahi. Thum dan hoi pen pen leh dih pen pen khu thum ding ahimai hi. 

Philip Yancey in “If you want to pray better, you must pray more” chijau hi( Prayer, 153). Tunia thum dan ding hing hil thei pen ding te khu Theology a Dr Degree va la te hisese lou hi. A hinkhua pumpi Pasian buanna a na jang bei, jingkal nitah, jan, jingkal phalvah, nasepna, lou kuanna, dailen buh a, kisilna buh a hun lemtaang amu mu na teng thumna hun a na subei ten gensah ding hau ding uhi. 

Thumna lam a lampi Saupi ana jawt Cassian in vang “We pray best when we are no longer aware of praying” chi nalai hi. I thum lam tanpha thei nonlou a I thum thei chiang thum na bang ahi chi I jil ding kisa pan pan ta china ahi. ( Prayer - 305).

Philip Yancey in I Mangpa Jesu'n thumdan ahing jilsah toh kisai  abawn pi a gawm a tomkim in point 3 in hing  lahtom sah hi: Jesus’ teaching reduces down to three general principles:

1). Keep it honest
2). Keep it simple and
3) keep it up ( Prayer-183).

1)Thumna khu juau pang lou ding, ihina bang bang a thum ding, bawl tawm, aisan-spices hah ngai lou. Kam jawl sah ngai lou. 2) Naupang te ham bang a i thumna a mawl a asimple laisia bawltawm tamlou china ahi. Simple tah a i lungsim a umbang gen ding himai. 3). Thum tou jel ding.. top san lou ding china ahi.

Khujiehin Nungjui ten Mangpa kung ah sermon dan, thu gen siam ding dan, vaihawm dan, leader lawching hiding dan, dawi nohkhiah ding dan te hing jilsah in chi lou ua, thum dan hing jilsah in chiin ngen uhi. Himi zong thumna chi khat ahi ta hi.  

Tunia igen bang un thum dan chi tuamtuam um hi. Sau thum hun, tom thum hun, chitah a Pasian buan hun, kipah thumai gen hun, guitam tam a tau tau hun, complain hun, Pasian ang a naupang bang a kiphin hun, ki tom hun um ding hi, Tualeh Pasian toh lomta bang a kihoulim thaw hun, a ma phat phat hun, ahilou leh sip dide a hun sawtpi ama umna hun jat hun, ahilouleh  I lungsim a umte kup hun, ahilou leh Pasian tung a dotna ngen kap khiah hun, lungkim louna teng sun khiah hun a um ding hi. Kipah a Phatna la sah sah hun leh ama hoina leh thupina leh itna Jieh a kamteng in zong gen thei nonlou a abiah a biah thaw hun a uam ding hi.

Jaan Kim a lupna gei a Tual a bohkhup hun jong um ding a, lupna pang a khupdin a Ama sip tah a ngah hun aum ding a, achang ah singkung lah a lam pai kawm a lawmta bang a Pasian toh ki houlim ki joh hun um ding hi. A chang ah Tual puang a bohlup a gen ding zong theilou a amau a mau thaw hunjong um ding hi. A chang ah table tung I keeng khaang a chair a kingaam a Ama tung ki tawl dam kawm a thum hun zong um ding hi.  Achang ah mittui toh toplou a thum hun a um ding a,  adang chiang thum ding zong thei lou a, gen ding zong mu lou hinanleh ama umna a hun va beisah tei tei chi zong um ding hi. 

Tunia igen sawm khu thumna ah formula Damsung a jui ding um lou hi. Ki jil tou tou a, bawl dan thah thah hing um doh ding hi. A poimaw pen khu abul a kipat kia kia thei khu ahi.

Mangpa’n thum dan lam ah ki pan chil chil lai bang in I bawn un hing pang sah kia ta hen!

Topa Thupha!