HELPLESSNESS AND SENSE Of UNWORTHINESS COME BEFORE TRUE PRAYER

HELPLESSNESS AND SENSE Of UNWORTHINESS COME BEFORE TRUE PRAYER

Pastor Dr Dongzathawng

Devotional # 9 ( Vol 4)

Fellowship of Thirsty Souls and Hungry Hearts

Thristy souls e Jingpha!

I dam Chiat uh maw! 

Mangpa’n tuni weekend khu na tahsa leh na lungsim leh na hagau ading in ki tawldam hun leh ki dua thah hun hoitah hing suahsahta hen!

Kouzong tukal ka gim behbeh ua tu jaan chuh ka tate khoimah a lah ki paipi joulou chiin common room tuanglai ah ka family in ka lum ua free style in family time ka jang uhi. Ama un tablet ah a ut ut uh a en ua, kou nupa in zong ka ut ut uh tuamin ka en uhi. Pa Khuma Night ka en uhi.

TUNI TOPIC: “HELPLESSNESS AND SENSE Of UNWORTHINESS COME BEFORE TRUE PRAYER” 

TEXT: “The helpless commits himself to You”-Psalms 10:14 (nkjv)

“O,Our God, will you not judge them? For we have no power to face this vast army that is attacking us. We do not know what to do, but our eyes are on you.” ( 2 Chro. 20:12). Pasian kung a thum tahtah na ding in beidot tahtah ngai hi. Ann ngawl a thum khu i topic ahisih hinanleh Christian tampi in, church leader leh  even pastor in “ken ann ngawl theilou. Ka sung in joulou. Ka damtheina in joulou” chi uhi. Khenkhat in “Bangding a ann ngawl ding lah. Pasian in neh ding a ahing piah” chi uhi. Bible hi in christian history hileh Pasian mijat ka thei te “ann ngawl a thum kha lou a Pasian mijat tahtah ka thei umlou hi. Pasian mijat ka chi chiang church leader, theologian, Bible seminary proff, Director te ka gen kha sih hi.  Hibang a gingtu khat in “ken ann ngawl thei lou” ang chi chia ka dawnna chuh: “ann ngawl ngai lou a na hithei lai sia ahampha na ve leh” ka chi jel hi. 

Ahiin ichi maw, i beidot tahtah chiang ann ngawl khu alou theilou in bailam tah in ama leh ama hing pai mai hi. Annngawl a thum ngailou a i kitoudel laisie mi vangpha ihi chi mai vai. Ahiin  Kei vang tua mi vangphate lah a pang khalou hi vang. Tunia i thupi helplessness leh  feeling of unworthiness  mijia khu: Helplessness - beidong kisa lou in thum na tahtah um theilou hi. 

Ki muang kawm leh, ki dih sah kawm leh ki bawltheisah kawm a Pasian hepina nget hithei lou hi. I Bible chang teel in “panpi tu neilou ten nangma hing bel uhi” chi hi. Hia “helpless” “panpitu nei lou” khu mundang ah “victim” chiin ki let hi.  Victim umjie khu : Mite khut thah hauna, mite nuibawm, miten a ut dandan a soisah, a ut dandan a hou uh— tua mi tasam, mi guallel, mi maijum, mi hepi huai, panpi tu neilou pa or nu in nang hing bel hi chi ahi. Tua mipi tasam pa khu “Kei ka hi” ikichi thei lou leh tuni i topic khu nang ading hilou ding hi.

Kumpi  Jehoshaphat hunlai in melma ten agam hing sim in hing nuai chi mit sawm uhi. Ama uh jaw ding chi leh ama uh hatna toh ki match ding chi hinon lou hi. Tulai Russia ten leh Ukraine toh tee thei ahi. Jehosaphat Kumpi pa makai in gam pumpi ah annngawl puang in thum uhi. “We do not know what to do, but our eyes are on you.” Mangpa bang chi bawl ding zong ka thei non sih uhi. Nang mai ka hing en uhic” chii khu Kumpi khat thumna kamteng ahi. “ 

Khujieh in Abraham Lincoln in America civil war lai in “I have been driven many times to my knees by the overwhelming conviction that I had no where else to go. My own wisdom and  that of those about me seemed insufficient for the day” chi hi.( Prayer, Philip, 219). Thum chi lou lampi dang um non lou hi. Khujiehin Hosea 5:15 ah “..In their misery  they will earnestly seek me.” chi hi. Pasian in ut leh da lei I thum tei tei na ding din mun ah hing um sah jel hi. Tua khu Ama dei leh Aman ana ngahngah hun ahi. Ajiehpen eite pen ki bawl thei sah, eima bawltheina ki muang, thum ding a ei leh ei kideikhop seng ki hi mai thei hi. 

Khujiehin helplessness khu thumna ding a poimaw mama ingredient ahi. Norwegian Theologian Ole Hallesby in “Whether it takes the form of words or not, does not mean anything to God, only to ourselves. Only  he who is helpless can truly pray” chi hi( Quoted in Philip Yancey, Prayer, 26). Tasam kisa leh panpitu neilou kisa te mai chitahtah in thum thei giap hi chi hi. 

Philip Yancey in agenna ah “Nowegian theologian Ole Hallesby settled on the single word “Helplessness:" as the best summary of the heart attitude that God accepts as prayer” chi hi. Chimaw beidong kisa kawm a Pasian kung jawt khu Pasian in a pawm thei thumna ahi giap ahi chi hi. Thumna mal thupi leh lian leh aw ki Lawm leh nal khu Pasian in ngai poimaw lou hi. Pasian in lungtang a panpi ngai kisa, tasam kisa, beidong kisa lungsim en jaw hi. 

Ole Hallesby in Our Daily Bread a agenna ah “Prayer and helplessness are inseparable, Only those who are helpless can truly pray. Your helplessness is your best prayer” chi hi. Thumna leh beitotna, panpi tu neilou kisahna ki khen theilou hi.

Mihingte pen I hina tahtah ki phual hi. “Beidong ka hi, Chimaw ka hi, Panpi ngai ka hi” kichi pen hamsa kisa mama hi. Khujieh in I tahsap ni a sum batlaah ding zong iki pasal sah, iki hisahna in joulou in i jite ki ngen sah sese hi.  Tua i ji te in sum ava batla khu ajat kaal ngahla in tawlnga theilou in ki um hi. Pasal te pen i chimaw mama lai in zong poimawlou dan in ki ham na lai hi. I jite'n sum batla amu uleh zong ei pen theilou ki pang nalai hi. Tualeh ahing panpite mu na ah “ka sum mu ding ahing tung thei sia hive aw. Ngai khollou hia, ka loipa khat ang pia ding um hia, Ka loi nun ang la tei tei a. Bank a ka um koi k ala thei sia” chi in I panpi ngaina pen ki phual sawm teitei hi. A guh a la chimaw sengseng  Aji nu soisah lum dehdeh ta. 

USA ka um lai in ka tanau pasal khat in computer part khat hing puah ding in hing gen hi. A sum pen inlam kang tun chiang a piah ding in hing gen hi. In lam a sum piah ding  a ahing gen khah jiehin ka puah sah utna teng bei hi. USA a  ki um sam a, van neukhat vai hah in inlam a aman pia ding achi in ka tha se sah hi. Khu sang in hing kinai bawl deu henla,, “hing puah sah aw” chi mai leh kei ading in kipa huai jaw ding hi. Sum nei veve ahileh India a zong a part lei thei mama hi chiin ka ngaitua hi. Ajiehpen van puah ding ka hauseng hi.

I gen umjie khu Pasian kung a I pai chiang a tasamlou dan a, mahni ki muang kawm a source dang zong nei veve dan a i va pai khu Pasian in ja utlou hi. Thumna khu Tasam kisate ading ahi bou hi. 

Kumpi pa  or I bial MLA pa in FUND tuam mongmong panpi ngai tasam diahte a ding in um chiin mipi te hing theisahta leh. Tua chiin mikhat in “tuni ka ATM a block Kha a , or ka chabi ka mang sah kha, or ka sum hing pia ding pan hing pia thei lou, or ka sum hing lut ta, la thei lou, or tuni bank ki khah” chiin va ngen hi. Tua jou in a dang khat in: “Paina ding ka nei sih. Suapi sanggam, unau  leh melthei ahing panpi ding jong nei sing. Nang na hing panpi lou leh a kichai ka hita. Ki nepna ding dang  a um son sih, Nang khu kang kinepna topna na hi ta” chiin thum hi. Koipen in tua panpina khu tang ding in a kilawm diai?

Tamvei pi I thum chiang tua amasa pa kibang hi. I source dangte a fuh khahlou jual jiah a Pasian kung a va tai jual maimai kibang hi. Khujiehin I Mangpa Jesun Canaan numei nu thumna nual theilou hi. Pharisaite thumna aman luahsuah in ngaisah manlou hi. Tasam, panpi ngai,hepi huai iki sah jaja in Pasian hagau pawlna kitang ding hi.

Ka siapa Rev Haozalian athum chiang in a poster mawng mawng jong Pasian lungsim khoijouta leh kilawm kasa hi. Khupdin mai hilou a khut tegel tual ah koi in tua a khut tegel kal ah amai koi hi. Khut daw panpi ngai a ngen bang hi. Ui a pu mai a kuun  bagn leh or Kolte/vaiten  jatat te kengpi  muh atuh uh bang ahi. Pasian mai ah ki phaah mat dildel hi. 

Pasian mai a khutdaw, panpi ngai bang ngen ihi. 

Tu in Unworthiness en ta vai: Helplessness toh unworthiness khu ki nai mama hi, tuam khen zong hahsah hi. Ahiin a kichet semna ding in atuam in gen sawm vai. Philip Yancey in “A sense of unworthiness hardly disqualifies me for prayer; rather, it serves as a necessary starting point” ( Prayer,177) chi hi. Chinglou kisahna, Pasian mai a ding ding a ching kisa lou, ama umna vanai a ama toh free tah a ki houlim ding a taah kisah louna khu daltu ding hi jaw lou in i chitna uh hijaw chi ahi. 

“Unworthiness establishes the ground rules, setting the proper alignment between broken human beings and a perfect God, I now consider it a motivation for prayer, not as hindrance”. A genna umjie khu chinglou tah lou kisahna khu Pasian gamlatna ding hijaw lou in ama inai na ding a ahing kai (driven) ahi jawh ding ahi chi hi. Chinglou leh taahlou, niin leh buah, hatlou leh tasam ikisahna khu Ama ibelna ding a hing tawsawn tu, ahing kai tu ahi ding hi chi ahi. Dih na mai jen e!

Khujiehin David Wong in “He welcomes us most when we feel the the least worthy” chi hi.  Chinglou tasam, taahlou ikisah laitah chiang in Pasian lungtang nai mama ihi chi lam kithei lei tua chau leh tasam ikisah khu gualzawlna lianpen isuah sah ding hi. Alangkhat ah Pasian in ama kung juan a pai chiang a kihisah, ki deikhop, dih kisa, ching kisa, tasam kisalou a va juante khu a luahsuah hi. Pharisai leh Sadukai pa thumna ah Pasian in koite thumna kipapi chi kimu hi.  

Rev Sholal thugenna khat ah “Na Taophat leh  Pathen khu Nursery class dandan a iding a na lecture khum ham. Aman a hetlou a na ngai to ham?”( Paraphrased) chi hi. Pasian kung a ipai chiang a aman i lungsim gel, ihina, i nasep, i hoi leh hoilou te aman thei lou ding dandan a lecture bawl khum a gen sah ngailou hi. I hina teng, i poimaw teng, i hoilouna teng athei sa ahi. I lut ma in aman a CCTV in hing na mu jou ta, scanning chai sa a ama kung a lut ihi ta hi. Va Kigen siam ngai lou hi. Ihina bang bang sungkhia in, ki surrender in ama hepina mai iki nepna leh i pansan ahi lam thei sah lei Ama lungkimna pen ahi jaw hi.  Pasian in Honesty lam en hi.

Bangdang jieh hilou in Pasian in HONESTY a ngaipoi maw leh angaisang seng jieh a tuatan jong aphalsah ahi ta jen hi.  Philip Yancey in: “I Have sometimes wondered why God PLACES such a HIGH VALUE on HONESTY, even to the extent of enduring unjust OUTBURST” chi hi. 

Pasian in thujuau deilou seng, thudih ma adei seng man in i lungsim a um teng, i suakhia a, ama tung a i lungkim louna a ki lomlou tanpha i genkhia khu ana thuahjou jaw hi- JUAU genna sang in.

C. S Lewis in vang “We must lay before Him what is in us, not what ought to be in us, We must TRUST God with what GOD  ALREADY KNOWS’ chi hi. Pasian kung a i thum chiang ua “Ahisa, i hinna a umsate bang a iva pai ding uh ahi. I hiding, a um ding a kilawm didan hilou jaw in Pasian in ahing theisa siang ahi a, I va pai ma a zong . Pasiain in ahing theisa ahi chi i muang phot ding ahi. Va bawl tawm, a kilawm ding a va ham, thu va gensiam ngaisese lou chi ahi. 

Philip Yancey gen dan in "Self-exposure is never easy, but when I do it  I learn that underneath the layers of grime lies a damaged work of art GOD LONGS TO REPAIR” himi ahi atup. Dcotor ama a inatna teng igen ua, iki hohkhia ua ama  iki etsah chiang aman inatna hing mukhia in, i dam na ding hing buaipi pan hi. Tuabang ahi Pasian in a tup khu. 

Tozer in “God looks for wounds when you get on your knees” chi hi. Pasian in ithum chiang I hatna leh i hoina leh i boltheina te mu louin i liamna i natna, i chimawna te en hi. ( Burning hearts-147).

Khujieh in Leonard Ravenhill in  tulai Pasian in mitampi te anutsia Jieh khu a chilou Jieh uh hilou in ching akisah seng jiah uh ahi chi hi - “Today God is bypassing men-not because they are too ignorant, but because they are too SELF SUFFICIENT” chi ahi.( Why Revial Tarries, 31).

Leonard Ravenhill in Laodikei Hattuam te leh tulai hattuam te mahni kideikhop, mahni chit kisa leh ki muan dan Hibang in gen hi: 

“Self-satisfied, so it does not need to pray

Self-sufficient, so it does not want to pray

Self- righteous, so it cannot pray”(  America is Too Young to Die, 32).

Lamka hattuam te biahin building thupi seng ta, lapawl te kilawm in thupi ta, changkang seng te thum ngai nonlou, Bangma tasam nonlou, milian-milal tampi neita, sum leh mun leh mual vumta thum ngai nonlou.  Adiah in adahuai mama mahni kidihsahna lian seng in thum zong thum thei nonlou. Thumna jong a keu a keu, formality maimai hita. A meikuang, a hagau umlou nal tah a thum thei veve hina. Ahiin hite umlou a i Biahinn building thupi mama ceiling zong kanjou nonlou hi. Pasian touna gen tah lou.

I thumna agot, akeu, i thumna pai lou, i thumna tuilou, Pasian hagau in hing pawllou ichite khu sildang hilou pi: iki dihsah, iki deikhop, iki muang, tasam kisalou, beidong kisa lou a ithum jieh ahi. Thildang hilou hi.

I gam a bang ding a biahinn thupi tahtah milian-milal tampi biahinn a tou, numei changkaang tampi umna biahinn bang ding a hichi hul leh gawta, keu adiai? Mi kiliansah, lungsim chapou, atam jieh ahi mai hi. Tasam kisahna hagau a um nonlou chiang Pasian Hagau Siangthou in tua inn leh biahinn khu nusia hi. Tuachiang in gawtaahna automatic in hing lut hi. Gawtaahna in Hattuam a vuh chiang a boruak gihin tawl huai hi.

Chaita mai vai: Tuban na thum chiang in Pasian lungtang khoih ding na chi leh Helplessness leh sense of unworthiness toh Pasian Juanta in.

Mangpa’n Hibang lungsim leh hagau ki ngainiem na toh hing gualzawl ta hen!

Topa Thupha!