LAMKA REVIVAL MEET - Reflection # 2

LAMKA REVIVAL MEET - Reflection # 2

Pastor Dr Dongzathawng

Devotional # 15 ( vol 4)

Fellowship of Thirsty Souls and Hungry Hearts

Thisrty souls te Jingpha!

Pasian apat lungmuanna leh lemna tunin na tung ah hing tung ta hen!

Tuni na bawl lam lam Mangpan hing lamjang sah ta hen!

Tuni Topic: “LAMKA REVIVAL MEET - Reflection # 2.”

Intro:

Kei jong 25 April in Imphal apat in Shillong Vangkho jawl  tungta ing. 

Ann bang Ka it ka ji ka tate toh tang bang dam in dawnbang ki tuah ta ung.  Nunnop jaila awi in Pasian itna leh hoina phatchim la unge!

Lamka buannoi gam, nala namsie, vutvai khopi hinanleh chin ka  sun lung, ka  janlung a ka  sial sial  Zokhopi taangbang ana dam ta aw! 

Topic a lut ta vai:

Amasa in Lamka Revival Meet tangtunna ding a a key person- the middle person : Lamka tunu dihtah Nu Mary Ngaihte tung ah Lamka mipi te thakheel in kipa thu igen hi. Ama’n Lamka te hibang i liam, i baa lai tah in a team te Lamka lailung ah hing pui lut hi. Great appreciation to Sister Mary Ngaihte.

Aban ah “Mizoram has not forgotten us. She always comes to our rescue. No matter what, Mizoram never turned her back and  betrayed us. She stands strong like a mountain for us. In fact Lamka is the younger sister of Aizawl and Mizoram is our Big Brother. As the big brother and the big sister they always play their role well. It is us who is rebellious and stubborn. May we now learn lesson once more, before it is too late that  we cannot manage ourselves without our big brother. Thank you Aizawl. Thank you Mizoram. We will always  need you.”

Atung a igen bang un Lamka te i hampha hi. I buai teng un Mizoram in hing nusia ngai lou hi. HIng ki heisan, hing nung ngat ngei lou hi. Eite ahi a luhlul, akisa thei, a ki bawl thei sah. Tutung beh Mizoram poimaw dan thei thah in ki ngai tua pha kia ta vai.

Janni tah Bethany College a Lamka mipi kikhawm te lim imu chiang lam dang hi. Lamka a Hibang kikhopna um thei ding maw? Chi tuh in mah in lamdang isa hi. I jalmang bang mai hi. Pasian hoi e Pasian Hoi e! 

Tu in Point tamlou Revival Meet toh kisai Houlim vai:

1. Bethany school khu Lamka a Pasian mijat leh officer tampi khanletna mun, a Bethel uh ahi. Kum tampi dai leh sip tah a um lai in tunin Hibang Event thupi host tu a ang pan thei uh kipah huai seng hi. GLORY has COME BACK TO BETHANY. Pasian in college neitu te gualzawl ta hen la, Board Chairman pu Dr Lunkhohau @ Dr Haopu tung ah jong kipa thu i puang hi.

2. New Bazar lam a a kinei nei lai in Tuibuang lam ah bang chi chiang aki nei thei diai chii khu i thumna ahi. Tu in imit mu in tang tung ta hi. Lamdang in thupi e. Keivang SIalmat  lei a kan pou pou leh kaki pah ahi mai hi. Ajieh pen SIN OF THE FATHER laibu geltu Brian Mills leh Roger Mitchell ten “THE SIN OF ENGLAND IS IRELAND”   Ana chi bang un Lamka mipite I khelna uh khu SIALMAT LEI ahi. Himun ah  I kingaidam louna uh, I lungsim ua “ancient hostility” (Ezek 35:5) thuuh tah in ki phuum hi. I unau gal a ki khenna baang Berlin wall sang a saang jaw leh det jaw himun ah ki tung hi.    Himi kikhenn bang, ki huatna kumlui, ki ngaidam louna kulbaang ing sat khia chiang un Van hing ki hong in Pasian Hagau I Lamka gam ah hing ki bung khia ding hi.  Tu in kipan ta hi. 

Tutung Lamka mipite Sialmat lei in ahing khen te, Bethany mun a  ing pai khawm ua Pasian ing phat thei uh vang 1997 jou apat a SIl llamdang breaking through thupi pen in ka Ngai hi. Again thanks to the BBM! Himi khu apatna hi ta hen. Berlin Wall bawn Jann khat thu a ki satchim thei leh “NEVER SAY NEVER” chiin I pai tou jel ding uhi.

Aban ah Tuibong khopi, tua jou chiang a, Kangpokpi, Moreh, Thanlon, Parbung, Henglep, Singngat te a i hing nei tou jel ding uh thum jing vai. A tawp a Public ground a ing nei chiang un vang VAN khu Lamka a hiang kumsuh hita ding hi.

3. Himi Lamka Revival Meet a I hamphatna uh khu I ngaisaang uh Mizoram a gospel  lasa siam pen pen te ei chial leh ei liau ngai lou in ih inn mun ah hing pai in  free concert hing nei uh himai hi. A worship hun nop dan pen Sap gam a jin kha ten i thei ding uhi. Sap gam a church hing tah tah a worship te ki phawh hi. Praise and worship khu Hibang ahi. Hipen revival meet sese lou a Pasian ni BIah inn kai teng a i bawl ding dan uh ahi. I Khuang tum, l khawhar la sa te khu worship na I jat jat pen uh khel hun ta mama hi. Ei lah ah CBA ten hoi deu in bawl ta uhi. 

4. Tualeh Speaker pu Dr Dennis pen thugen siam a, hi huau huau, hi jua jua hi sam lou hi. Hinanleh Pasian thu pansan in a houlim himai hi. Pasian Hagau in a thop himai hi. Tua mi khu ahi a jattuam na. A masang a, thugen siam Lamka ten inei mama uhi.  Ahiin I communal spirit uh  Asang seng jieh in I thugen siam Nei ten Amasa a ka na gensa bang in hing kai khawm jou nonlou uhi. Eima pastor Chiat siam leh siam sih leh a sermon uh ngai mai ding chi khu i lungsim put dan uh ahi ta hi. Dr Dennis in ahing kai khawm thei khu tua mi ahi a thupipen. Ni 40 ann ngawl a thum jou speaker khat chuh  athugen ngai taah mama ding china ahi. Tualeh “Sum ngaina lou ding in ka ki laaan uhi” achi in  BBM te commitment thupi dan hing langsah in thupi hi.  Tua mai hilou in a lasa siam te uh ki hisah Mawng Mawng lou ua Tual puang lah a boh Khup a thum te i mu chiang i lungkhoh  hi. A sermon sang in a atmosphere khu ahi athupi leh nop sah.

April 22 jan a kava ki khop in a vaisai tute friendly dan, a huikhua nop dan, a lamkai te mi welcome siam dan uh ka va mu a ka um den ut top hi.  Kisuanla huai jawjen hi.

5. Himi chialpina hatna thuguh ahileh nitah chiang kikhopna um a, jingkal 7 Am apat 12 tan ann ngawl thumna um jing hi. Tuami khu ahi a thuguh. Wales ban ah America a the great 2nd great awakening Lai a sun hun a City teng a mipi a tul a tul a sim thum khawm te hung gel doh sah hi. 

Nitah kikhop na pen sunn hun a an ngawl thumna apat in a nop ding ki chiam lawh Ahita hi. A revival tahtah khu sun hun a thum khawmna khu ahi. Nitah khu a consummation chi ding ahi.  

Tualeh abawl hoi mama ukhu practical in outreach zong bawl uhi.  Ei Amun a teng den Lamka pastor ten zong i buaipi sawm nonlou ama un Lamka sung Kim vel ah out reach hing nei Nalai uhi. Himi in Lamka a it dan  uleh a ngaisah dan uh en sah hi. 

Tutung Phase 4 na akipah huai mama ahileh Pastor leh church leader te’n co operate in uap tam dieh hileh ki Lawm a kipa huai hi.  A tam thei bang ang ki hel jel uh I lam en hi. 

SUGESTION NEUKHAT:

(Hipen ki ngainiem

Leh ki suangla kawm kawm a ka hing bawl ahi. A paitou jel ding deisah seng man a kou church leader leh pastor te perpective a ka hing gen ahi. I Theisiam ding lam en kawm a ki gen ahi)

1). Thu gen sermon nop mama hi. Serious mama in mite hinna su kha hi. Hi tah Chet a khawl in solemna deu in ki khen lei hoi mama ding hina pi. Sermon jou a sil ki bawl ten bangkim dausah in, thang huai sah hi. Alter call in ki laan sah in, aban Hagau Siangthou in a Jui jom theina ding in, kingai tuana thuuh tah toh inn lam ah mipi te sawl khia thei uleh ga hoi mama diing ka ngai tua hi. Out of our enthusiasm we can over do it. What about Giving time for the Holy Spirit to follow up and continue to minister in the hearts and souls of the individuals…chi poimaw kasa hi.( tal a ki suanpuh te Lamka ah pai lou hi. Tualeh tahsa dam lam ngen uar leh lam kual mai uar khu Pasian thu tah sermon su dau tuh suah thei hi)

2). Lamka khu HOME OF EVANGELICAL kichi hi. Umjie khu Lamka hattuam leh gingtu 90% khu Evangelical Christian  ahi. Evangelical kichi te khu thugin  doctrine lam a serious mama, pilvang mama china ahi. “We dont need another Benny Hinn healing crusade here. We have had enough of these.”  chi ahi. Charismatic massala ang ki hel tam leh  church leader te  ki nung khiin mai hilou a mipite hing phallou ding hi. Tua khu aware poimaw sa ing. Billy Graham in bang ding a mijousie, denomination jousie a huakhawm thei? Aman gospel leh Christ tatna mai tangkou hi.

 Koi speaker hi in, koi team hinalneh ama uh thugin, leh chiindan ha pai pi tei tei te daisawt lou hi.  I gam a hagau lam i muan i belampute  , ahing veng bit ding te uncomfortable tah a um theina ding uh sil te  ki ven phat hoi hi. 

3). Altar call solemn deu a nei  jou a lam kual vang um da ta leh hoi kasa hi. A jiehpen Hibang lam thei na  na ding in Mizoram apat team/speaker ngai lou hi. Pa Khum Hauzel leh fan ten zong bawl thei mama uhi. Lamka hattuamte ding in himi common mama ta hi. Tualeh evenning service jou a late nite fellwoship jong poimaw lou hi. Hagau lam a serious a khelna kiphawh a kap den tampi a um leh  chuh thu tuam. Ajieh pen khanglai Gualnou te kipawl lim na mai mai ahileh thupi lou hi. 

Tualeh himi revival Jieh a family, nupa kaal leh tate kaal abuai  thei leh aga dih hilou china hi ding  hi. We expect  better mothers, better wives, better children through this revival meet not vice versa.

4). Tualeh laam laam leh kipah pen i dal sih hi. Hinanleh himi mai i focus a hitan a ih hunsah leh Bangma lamdanglou hi. Lamka te pen laam lam a koima nuai ki hi lou hi. I khelna uh im im leh thei lou kipang a lamlam in umjie nei lou hi. Khelna kisia, khelna top san, hinna ki kheel khu i revival ga uh a hi ding ahi.  Nopsa a lasa leh lam leh hun nop mang Maimai pen Hagau Siangthou tel lou in zong hithei mama hi.

 5). Tualeh kei mu dan in church leader tampi in ang lunglut pi( co operate) nading in service teng in BBM Ama uh team te sharing sang in local church leader leh speaker  ineite uh minute 10 vel bang sharing neisah in Lamka toh kisai ground reality  a burden te uh gen sah lei  thil poimaw tampi gen ding nei ding uhi. Tua bang a church leader leh local speaker te ang ki hel tam chiang mipite jalen tah in hing dim sem ding uhi. 

7). Worship team ten I lapi ding un Belfast Revival la Robin Mark in a sah: “REVIVAL “khu hing jil in mipi ten  kou jua sa lei ut huai e!)

MANIPUR A ZO SUANTE MABAN DING NGAIDAN:

Tu in hagau lam khawl phot in i nam maban neu khat kikum vai: 

 April 23 a Imphal ka jot lai un Lawm Lal Simte toh “Mizo kichi suh mai lei i maban ading a hoi mama ding hia” chi ka ki houlim uhi. “buaini i hahsatni a lah Mizoram lou a hithei lou hai a. Mizoram ki suanpi mama, Aizawl maipha en ding  ki tu jel. Mizo la, Mizo tawn dan, Mizo bangkim lah ngai saang mama hai a, Mizoram lou a hithei lou. Mizo lah hiveve hai a, Mizo ihi Lou na uh bangma umLou. Bang ding a Mizo kichi suh ding hamsa ihi chi sah uh ade aw” chiin ka houlim uhi. ZNC hatlai 1980s lai in pu Thangkhangin in “Tu in Mizoram toh ki gawm Lei ama un me chi 7 me ta. Eite sihjou meh chau jong kham jou lou te ihi jieh un ama un hing musir ding a, ki adjust thei nai lou ding. Khujiah a UT jar kum 20 vel jou phot lei ama uh standard toh hing ki gual ding. Tuachiang a  ki gawm ding thu gen thei ta ding” chi ana gen ngei hi.

Keimu dan in tu kum 30 jou in chuh UT jar jou lou mah lei I standard uh sang mama ta ei jong Mizoram sang a i jong i tungtuangna um jeuh jeuh ta hi eg Centre service, ITT etc. Khujiah in ki lung neu non lou hi. Pu TKG vision tu khu ki gawm na thu gen hun ahi ta a, a vaigei ma suh fel hun hita hi. 

Thadou speaking Kuki group in OK ang chi a, Zomi lam a Paite speaking ten himah e ang chi  ua, tualeh another BIG tribe Hmar speaking ten “himah e” ang chi  nini uh adang tepen ham sa lou ding  hi.

Tuni Kuki te ki tam sah in, ki nam lian sah nanleh Meitei leh Naga ten lau mama lou hi. Zomi ten world zomi, International ZOmi chiin  kikou kou nanleh Meitei en Neng khat zong hing huphul sih uh. Hmar speaking te  a tuam in bang bawl nanleh  uh ama uh ngen  in bangma kaw doh lou ding hi.

 I bawn un MIZO kichi in Mizoram toh ki jop Chiat lei Naga thei sing, Meitei thei sing Nam lian, Indian pumpi a ki jatat nam khat vang ihi ding hi. Mabana I khangsawn I ta neu te uh mi nuai a hing kun kun lou ding ua, nam neu leh mite simaw nam hi gige nonlou ding uhi. Khantawn in nam neu jieh a lungsim neu na bei ta ding hi. 

I pil ua, I nam ding I Khual ua, i khangsawnte ding i Khual uleh MIZORAM toh ki jopna i buai pi kin kin uh hoi ding hi.  Tutung Revival meet khu Hagau lam mai hilou a Nam toh kisai ZO nahthlah innshuikhawm na a zong i lah uh hoi ding hi. Khanlou  hun mama ta hi. Buaina I tuah kia ding uh ngah sese ngai lou hi. Manipur Naga te ki muang lou a Nagaland abel ut uleh Eite bangki muanpi? I ki tuahlou uh khu iki Suanpi uh amah?  Manipur pualam I tun chiang I nam ihina ang ki doh leh zong gen ding kinei lou bang hi, HImama ahi a gim huai? Zomi kichi lei lah koima thei hilou, Kuki kichi lei lah koima jatat hilou? I tribe neute gen lei lah koima thei kham hilou. “Mizo ka hi” kichi lei ham sa mawng mawng lou. Min hing jatat Hingngai sang. Ahim him I gen lou a zong “Mizo”dan a hing ki en veve hi. 

Kei mu dan in MZP ten zong MIZO naturalisation  na ding a critaria tamsah da uh henla. Kot hong lian in, process bailam sah Mai uleh. Unau Gangte group dan a adu ada atam in a process sau sah   Mai Mai hi.

Tunia hite  kangai dan kang kup mai mai hi. Miteng in ajui ding a pom ding chi jong hi tuan sih e. As freelance writer mite awareness nei sah him him khu poi maw kasa hi.

Mangpan Lamka hing ve ta hen! Christ I gam ah hing lal ta hen!

Kipa huai e!

Topa thupha!

Shalom!!