YOU ARE MY MINISTRY

YOU ARE MY MINISTRY

Pastor Dr Dongzathawng

Devotional # 14 ( vol 4)

Fellowship of Thirsty Souls and Hungry Hearts

Thirsty Souls te Tunin Mangpa’n na dangtahna hing taisah ta hen! Na lamet leh na ngah ngah tunin hing tung sah tahen!

Tuni Shillong Juan a 2pm chiang a leng ding hitaang ei! Lamka mangpha! Manipur Mangpha!

Tuni Topic: ‘YOU ARE MY MINISTRY”

Lamka revival meet ah nitak khat va ki hel thei ing. Nop mama ta jen e! A atmosphere nop himai hi. Worship nop dan chuh. Lasate gospel concert himai. Speaker pu pen hibang a Pasian in ajat ding ma ahi. Ni 40 ann ngawl a thumjou khat ahi. Ann ngawl thu agen pen phatuam mama ing. Mailam ah chiang deu in review ka hing bawl ding hi.

Tualeh adang khat ah Mang Taithul Horonbill Weekend Horn ah naikal 1 val revival leh Lamka Cry toh kisai ka va houlim thei uhi. Ngaithei ana diai thei sing. A gelthaw pen gel khialte ki sudih thei in. Gen thaw ahi chiang I gen khu gen ahimai a. I gensa ki lah kia thei nonlou. I deilou bang tah in zong ki gen khia thei. Ka fel vawt sih hi. Ahiin na lunglut khah leh ana en mai mai le chin…

Fiday jaan kikhawm jou Tedim Road adiah a new bazar lah a Nala apat niin hing luangkhia, lamlian a buan leh niin dim, paina ding Awng dehdehlou i et leh lungkham huai e!

DC pa leh I MLA ten a guard te utoh a Car nal tahtah toh a tai chiang ua amit uh a ha ngeingei uleh amu ding ua, a jumthei lou uleh lamdang mama ding hi. Bang car a tai in, bang guard in jui in, bang flag kitah nanleh Hibang lampi niin tui in a luankhum lampi a tai ding khu thupi kisah na ding um mongmong lou hi. 

Tu in Topic ah lut ta vai: Tulai Lamka ah ka kivial vial a, sunni tumtum in ka diang kawikawi hi. Ka hinna khu ka Kangsiang (drain) ta hi. Saturday jing in Lamka ka  nusiata uhi. Ka paina ding mun 2 poimaw mama um hi. Hinanleh ka hagau (soul) ka hinna dang tah leh gilkial, feeding ngai, ka tank Kang gawp, keugopta ka hi jieh in Ka hagau feeding leh nourishment poimaw chiin ka Bible toh ka room ah ka um chip ta hi. Eima gilkial mama, danggaw mama, hom Guah hita, mun dang a va diang diang, va ki jatjat, va ki buh KhiahKhiah hithei nonlou hi. A Hawmguah in luangkhiah ding Bangma ki nei nonlou hi. Refill ngaita, Ei leh ei ki suhnou ngaita, i lungsim restless khu daitah a um sah a, Mangpa ang sung a ki tawldam ngaita hi.

Imphal tan ah ka Lawm it Lal Simte (Zamlal) in a gari toh hing thah hi. Mangpan pu Zamlal Simte leh a inn kuante gualzawl ta hen!. A Car leh driving mai Hilou in a thautui tanpha hing thaw in hing Buaipi hi. 

Imphal a Biah inn 3 ah progm ka nei ua Pastor Henkhosei Touthang lamkai na in nop thei mama chi di himai e! Janni tah kichai vawt ung. Tujing kal chuh nop tah in biahinn ah Pasian toh hunnop tah ka mangta hi.

Tu in I thupi ah lut ta vai:

Bill Gather Women Homecoming a nu-ta lasa ki dawng te gel na et nailou leh ana en aw. Youtube ah um thamtham ta hi. Lisa leh atanu Faith ki dawng tua ahi. A la min ahleh “You are my ministry” chi ahi. 

A nu’n “Out of all the girls in this whole wide world you are most precious to me. You are my ministry. And you mean the world to me…” chi in atanu khu ama minstry thupi pen ahi dan a maitang Hoi tah a en kawm in nui hiieuhiau in sa hi. A Hiin anun ama part teng ahing sahjou in atanu hing kipan a anu gen bang in aman zong anu mai en kawm in: “You are my minisry” chiiin anu gen bangbang in sah khum hi. Khatvei chiang nang upa ding a, na teeh ding a, hinanleh nu aw lungkham sin, jausin. Ken ka hing enkawl ding hi Nang khu ka ministry na hi” chi in hing sah khum hi. Hia atanu lasahna en a mittui pot joulou mihing na hileh mi lungtaah mama khat hiding na hi. Ken vang ka et sim in ka mittui pot hi. 

Apa umnonlou chu hivan. Hinanleh ama uh nu-ta ki kem ding, ki enkawl tua ding a thuchiam nei in la in ki dawntua uhi. 

Tunia I gen ut khu I ministry thupi pen bang ahiai? Koi ahiai? Tulai pastor te hiin, insung pate hilei i ministry uh thupi sengseng in maw, I tate, i ji, i pasal khu i ministry in ki ngai khalou in ama uh vahlou, keplou, etkollou in gawng siang ta uhi. Haichi tui buahlou, keplou, juunlou bang in i tate vul in maat siangta uhi. 

Pastor tampi atate khu ministry a gellou ahi chiang un atate uh pastor ta hingal jawngnou hon bang uhi. Discipline umlou, mite mitdong, umdan theilou, manner neilou in biahinn leh a paipai na uah ama uh hoi in thugen siem nan leh uh atate jieh in a min sie dildel uhi. Tate khu i ministry lianpen ahi lam theilou kal un atate un a ministry teng uh suhsiat sah, phungkal sah ta hi. Bible a Siampu Eli taten a pa nasep sa teng uh bangmalou suahsah uhi. Pastorta Pasian leh apa minsia sah tampi gen ding i nei ding uhi. 

Pastor khenkhat a ji khu a ministry ahilam theilou uhi. Ama speaker a vah kawikawii, diang kawikawi in a ji in talap, Raja, kuva, khaini a guh bawl mai hinonlou in open in bawl maita uhi. Tua mai hilou in sum a na ki mawl in, marup te ah awh in, kilawmlou tahtah in mite gen thei ding in um uhi. A pasal lah hagau lam progm a kibuai sah leh ki saang sah mama hi. Pastor tampi ama uh nasep siampi na khu a jite uh theipih phahlou, ama uh toh kisai khalou bang in hing uhi. A pasal ministry tuam, Ama khawvel tuam bangin hing uhi. 

Numei Pasian mi, thum mi, khenkhat lah a pasal te uh a ministry poimaw pen ahilam theilou in, a pasal nasem gim atun chiang ua, a neh bawlsah ding lah umlou, a na jeen ding, a na vaidawn ding umlou in inn tung jel uhi. Ajiehpen aji hagau mi seng in revival lam ah diangdiang hi, Ahilou leh thumna leh numei te progm a makai ahi jiehin a pasal service bawl ding in ama ki buai sah seng hi. Tuajiehin a umpi nu mai ngansie hi. Atawp in ama hagau lam sil a a buaibuai jiehin apasal leh a umpinu saupi ana tung manta hi. 

Aban ah hagau mi mou leh nupi tampi in a ministry uh lianseng in, hattuam a poimaw seng un a teehpi teephpu khu ama ministry ahilam theilou in pastorte leh missionary adiing in a sum leh apai itlou in. A hun teng uh kiphal tah in va pia uhi. A teehpi leh a pasal lamte ading ahi chiang a pasal toh ki khen dehdeh khop ki hau uhi.  A ma ministy khu a tehpi leh teehpu, a pasal inkuante ahilam theiphalou hi. 

Pastor te missionary te leh hattuam nasep khu ama ministry sa kha uhi.  Pua lam leh hattuam a ki jang thei mama, fel mama, gualzawlna tampi i hi sawm lai in i inn sung, I teenpi, iki naipi te ading a jat theilou, jatna ding bei ki suah hi. I kijatna um sun khu phun leh hang leh ih inkuante bawl khel neunou mu siam mama a, Inn a um chiang a vompi nounei i hi khah ding ki ven ngai mama hi. Revival a lamlam in I pasal kem man nonlou, i taten hing tangjou nonlou, i tehpi khu i melma suahta. 

Tua chiin atate a ministry poimaw pen khu a hun leh a tha left over (ann hileh a khiiing)  khu piah sawm hi. Tua pen tate'n hawmthaw in tuate toh tate hinkhua ki thujaw joulou hi. Tate'n i hun hoi pen, leh attention a deserve ban uah demand jing uhi. Khujiehin parenting kichi khu fulltime job a langaplou ten ta neilou ding ahi. 

Atawpna ding ah iministry thupipen khu eima Hagau vah ding ahi. Himi ministry joulou in adang ki pan theilou hi. Nau nei thah nupi in ata ading a Nawiitui kiching a um na ding in ama ading Dr ten neh ding hoi tahtah pia uhi. Jingkal teng a eima Hagau vah khang ding, suh nou ding khu i ministry masa pen ahi. Himi minstry ah ministry dang teng ki nga hi. Himi a I lawching leh adang teng a lawching sa ihi. Himi i nelsiah a, i ngainep a, Himi a i jomthawt leh adang te khu quality umlou, a hawmguah i pie sawn ding hi. Himi I ministry ngaisahlou in adang teng ah tai kawikawi in diang kawikawi lei zong a hawmguah ki koukou i hi ding hi. Ei man quality Hoitah toh I hagau I vah leh midangte zong quality hoi deu toh ivah thei ding hi. 

Midang ading a I luankhiah ma in ei ma hinna himi hinna tui ah thuuh tah in iki dia nou ding a, eima hinna su tai in, I nou sah masa ding ahi, Eima'n chimtah a i dawn a, I ki vahjou ciang midangte ading in i luankhia in, ki kap khia jiehjieh thei ding hi. Tua chaingin tui kikhaw bangin  iki khawkhia  jiahjiah ding hi. Tunin hattuam thei sing, Revival meet thei sing, thum khawm na progm thei sing. Hia ministry dang teng na pat ma in nang ma hagau vahna toh kisai a na ministry poimaw pen na bawl tai? Na hagau khu Pasian thu toh na vah tai? Na hinna khu Jesu ang sung ah  na ki tawldam sah ei?  Ama apat tha thah na va la tai? Pasian mai vah a, na va ki salsah tai? Na va ki dia nou tai? Chiin kidong phot vai. 

A banah gamteng a na diangdiang ma in na inn sung na tate, na pasal, na ji, na tehpi, na tehpu, na inkuan te na ministry poimaw pen ahilam na thei nai? Ama un taisan a na diang potpot leh na innsung melma in ana sim van, melma in sal in ana kai mang siang ding hi. 

Pasian in minsty lian leh a quantity a tam, mite mu thei leh aga jungjung enlou hi. Aman khat mai zong quality nei tah leh thuuh tah a i hun leh  i atha i piah (invest) khu ngai poimaw hi.  Tua khat maimai or ministry neunou koima theiphahlou ichi khu Ama’n tampi in hing hawmjah (multiply) thei hi. A number tam leh lian mai ah I Pasian lunglutlou hi. Aman aning a koima theilou leh muphahlou a haichi lei nuai thuuh tah ki phumte mu in en kaijaw hi. 

Henri Nouwen in Hardvard University a professor anasepna thupi tah nusia in koima theilou mun sip leh ning khat ah Pasal mi banglou Adam kichi pa enkawl ding ki pia khia hi. Ahivang in himi mikhat a a kep kawm na pat in Pasian in Henri khu Khawvel pumpi a gingtu hagau lam hinna deeper life lam a lunglut te  ading in hinna tui vawt thuuh tah apat hing luang khia te aman mi tampi dawn sah hi. Or a dawn ding dan lampi kawhmu hi. Li thuh lam a ki dia lut ding dan Lampi hil hi. Henri in “what is most personal is also most universal” hing chi khia ta hi. Umjie khu aman mimal khat a enkawl na pat mi sangtampi ading in gualzawlna hi thei chi proof hi. Ama’n Pasal mibanglou Adam hinkhua pat in ka metpi talua hi chi hi. 

Eite buaina khu ki jatlian sawm seng hai a, mi tampi jaw sawm seng hai a, ga lianpi suang sawm seng hai a, I lawchinna khu ki lang sah ut seng hai a, influence nei lian sawm seng hai a, Hibang a thupina I deldelna lam in a neupen Pasian ahing piahte mu nonlou in mi khat jong jou nonlou in a hawmguah in i ki vial lele uhi. 

A neu ah pan in, a neu zong minsitry lian in ngai in tua ministry ah thei tawp in pang lei tua a neu ichi khu hing jung Khaw in Gamsing mang lianpi hing suah ding hi. Hitoh kisai a John Hagee nu leh Jame Dobson pa in a ministry lian mama top san a atate enkol ding a thupuhna leh sacrifice abawl thu uh tunin gen man sih vai. Ama uh ten a pua lam ministry  topsan in a tate tuah kem ding in ministry thah kipan uhi. A ga khu John Hagee leh James Dobson i nei uhi. 

Khujiah in tunin na ta neu khat mai hileh zong “you are my ministry” chi in amai en in  la sah khum ta in, Na teehpi en inla: “You are my ministry” chi in kilaan thah in. Na pasal or na ji khu kawi in la “nang khu ka minstry na hi” chi in ki pan tha in. 

A poimaw pen ah na hagau/na hinna/soul kung ah “nang ka ministry poimaw penpen na hi” chi in Ama vah (nourish) masa lou in adang Bangma kipanlou ding in kisa in. Na hagau khu Pasian thu leh thumna toh na vahnou  phitphetjou chiang adang te na vah thei ta ding hi.

Ka van sah ding toh hunsah ta vang. “Your my ministry” chi khu a Neu thei pen in hing reduce/minimise kia in la hing kipan pha kia ta in. 

Pasian in hing panpi ta hen!

Shalom!

Next ah: Lamka Revival Meet: Reflection 2