KEEP WINDING, KEEP BREAKING, KEEP DIGGING

KEEP WINDING, KEEP BREAKING, KEEP DIGGING

Pastor Dr Dongzathawng

Devotional 56 ( vol 3)

Fellowship of Thirsty Souls and Hungry Hearts

Thirsty Souls te Jingpha!

Mangpa'n tuni'n nang a dingin Panpina lam-etlou apat in hing tung sah tahen!

TUNI TOPIC: KEEP WINDING, KEEP BREAKING, KEEP DIGGING..

Text : “Break up your fallow ground, For it is time to seek the Lord, Till He comes and rains righteousness on you.”  (Hosea 10:12)

Diana Hagee laibu “What Every Woman Wants in a Man” a agenna ah khua khat ah sil bawlna tuamtuam eg: Tailore, Carpenter, Shoemaker, Silversmith leh adangdang kichup tah in umna pi Sana/ghori/ watchmaker siam umlou hi. Khujiehin Ghori neite hun pen pai dihtheilou hi. Nidang lai pen a hun tung chiang ghori ann kipia jel hi. Ahilou leh hun adihlou chiang khut in ki sutuah jel hi. 

Himi khuo ah pen Ghori pai nonlou, vaigei leh paidih thei nonlou ahi jiehin  atamjaw in heh (winding) ngap nonlou in  a um bangin um sah uhi. Nikhat ghori bawl (watchmaker) akhuo uah hing pai hi. Tuachin a ghori (clock) sie tengteng hing tawi khawm nainai in line in ki gual dim uhi. 

Tuachiin watchmaker pan abanban in bawl pha hi. Hinanleh a buaihuai khat khu Ghori (clock) ana ki heh (winding) lou a  a um bang a ki umsah teng khu sahme kai siang in bawl phat thei hinonlou hi. Ahiin ana ki heh gige (winding) te khu buaina umlou in hoitah in bawl phat in um uhi.

 Diana Hagee in agenna ah “Our watches-or our hearts do not always give us the proper reading. But if we keep winding them, if we keep them going, then eventually when the watch maker-God comes He will set our hearts right and connect us to HIM!”

Tulai ken zong himi keep winding ahi ka bawl. Ka allergic damdawi, ka lutang na damdawite ka nehna in ka thajawi bei hi. Ka sep ding, bangkhai tampi thil neuneu tampi in hing ngah hi. Ka tahsa hileh ka lungsim hileh um niainuai hi. Hibang kaal ah Bible ka sim a, ka thum vang in ka suahta thei tahtah sih hi. Ka tuisuah khethei tahtah sih hi. 

Ahiin gin-um tah a ka bawl khu ahileh keep winding, Keep breaking the ground leh keep digging ahi.

I Bible i sim bang in ana simsim lei. I thumna hun khu hamsa in keu nanleh ana thum teitei lei Pasian Hagau Guatui bang a angjuh hun chiang lei (soil) ki kal neenloute sang in a kikal neensate tung ah Haichi hing pou ding hi. Ana ki thamlou a ana kikoidap Ghori te khu a siampa in zong bawl ding dan theinonlou hi.

Khujiehin gingtu hinkhua khu niteng a hing gige, nou gige, lim gige hi tuanlou hi. Achang ah gamdai, gamkeu, tui umlouna, guamkuah leh mialsung i tot hun um ding hi. Ahiin topsanlou a pai teiteite khu hun khat chiang khawvah mun tung ding hi. Tui putna mun tung ding hi.

Philip Yancey in alaibu “Church: Why Bother? My Personal Pilgrimage” ah  hibang in gen hi. Nikhat Bill Leslian in Hagau lam a piching mama kung ah a hinkhua keu dan leh a burn-out dehdeh dan kum hi: Hagau mi pan hibang in gen sah hi: "Bill, there’s only one thing to do if your reservoir is dry. You've got to go deeper” ( 97) chiin in gen sah jiau hi. Tunin i keu(dry)na, i gawtana te khu thuuh lam a i taw (digging) joulou jiah himai thei hi. 

Henry Nouwen in  A laibu "Life of the Beloved ah" I have been doing a lot of digging lately and I know that I am just beginning to see a little STREAM BUBBLING’ up through the DRY SAND. I have keep digging because that little stream comes from a HUGE RESERVOIR beneath the Desert of my life” (Cap mine - 28)

Tuni'n tui umlou chi'n i digging uh mawh khawlsan sih vai. Ka ghori pai tuanlou dih tuanlou chiin hehlou in mawh khawlsan sih vai. 

Ana toutou lei ki lam-et lou tah in tui hing kikap khia ding hi. Anuai a tui tam pi khu i phahna ding neu noukhat vat hita maithei hi. Ahilou leh ghori siampa khu i khua ang phah na ding a sawt nonlou nainou khat hing gei hi ta mai thei hi.

Tunin ithumna tuilou, i bible sim bangma phatuamlou, I laibu sim phatuamlou, i maitam phatuamlou, Pasian thugen koima'n sanglou, mite kung a I gospel gen koima’n thusimlou, i article gel koima'n phatttuam pilou chi'n mawh khawlsan sih vai. 

Hagau Siangthou Van guatui ang zuh chiang lei kikalsa te’n kipah tahin ana pawm ding ua, aban khu gasua ahi mai hi. Khujiehin chau leh ba in, jawi leh hatlou nanlei khupdin hamham, I Bible phen hamham, thum ding i kam ah thuteng khat zong suahdohlou zongin thum hamham, ngah hamham, i hun pie hamham, Ama Gate leh kotphung ah ana ngahin ana tou teitei lei…i kilam-etlou, i gintatlou, hun ah suhhatna, suhdamna, suhhalna, vena, buahkhumna, gasuana, hutkhiahna, tundingna ..thupi tah in thakhat pi in ang tung ding hi.

Atawpna ding in kum 30 lam paita Jamie Buckingham thugel ka na keptup tunitan a ka phattuampi hing gen vang: "When your branches are barren, when your buds have dried up, when your roots have seemed death. Remember that just beneath the sand there are underground RESERVOIRS where the water is pure. Relax take your time. And know that in your season, you shall bear fruit again” chi hi. Hoi in dih na lawmlawm e!

Mangpa’n tua hun ang tun masia a ginum tah a keep winding, keep digging, keep breaking dingin GRACE hing pechiatta hen!

Topa Thupha

Shalom!