Can we still seek First His Kingdom and All these things shall be still added to us???
Can we still seek First His Kingdom and All these things shall be still added to us???
Devotional # 30(vol 4)
Fellowship of Thirsty Souls and Hungry Hearts
Thirsty souls te Shillong apat in Shalom! Mangpan tunin kipah na khat na lam en lou in na inn sung ah hing tung sah ta hen!
Tuni Topic: “Can we still seek First His Kingdom and All these things shall be still added to us???”
A living Example from the life of Dr & Rev. Kh. Khaizakham
Introduction:
1) Ukrainn buaina veng lou nuclear nai lam mama ta.
2).Taiwan kim kual in China galvan leh US warship kiging sa in um.
3). Isreal in Gaza strips air strike bawl jieh jieh.
4). Manipur Tribal te dinmun lung kham huai. Kuki group leh Naga group ha pan mama. Unity kipa huai seng seng.
Khoi tah khat ah mimal metna ding maipha et thei na ding chance a um e chia taang pang pawl iong um himai thei.
Meitei leh kumpi lam ten tribal te kaal a sagu ang suh lut dung uh da huai mama. I lamkai te sum toh ang lei ding uh, gam leh nam ngai na kichi leader tampi te va ki juah mang ding uh, eite jong hing va juah mang ding uh. Ama uh mimal in metpi ding i nam leh i gam sal ah hing puilut ding uh.
GO ATSUM GO ATSUM Go!!!
Mipi te thum hat vai…
TOPIC ah lut vai:
Pasian gam sui masa in ama khat na in koi lei adang teng hing pia belap ding chi khu tu hun tulai in ajat thei nalai diai?
Pasian in ama amasa pen a koi te a ngai sah nalai diai??
chi pan san in houlim vai.
Text: “But seek first the kingdom of God and His righteousness , and all these things shall be added to you. “( Matthew 6:33)
“When the Son of Man comes, will He really find faith on the earth?" (Luke 18:8)
“Then people will say, "Surely the righteous still are rewarded; surely there is a God who judges the earth."( Psalms 58:11)
Tulai ih society i kim i pam i et leh koi te Pasian giing ? koi te mi dih tat? Koi te Pasian in a gualzawl chi thei hamsa ta mama hi.
Ut ut a negu, hepina nei lou a gam taang, mi nei mi gou jong jum lou leh ki suang lana neng khat jong nei lou a tu, ahilou leh govt sum leh fund teng jong ama ding huai thei teng huai te jong biah inn kai in hattuam lam thil teng ah makai uhi.
Atate uh masawn in khang tul tul uhi. Asep lamlam uh masawn jung jung uhi.
Hibang kal ah Pasian ging kisa a chitah leh siangthou tah hinkhuo mang te kiam huai huai, khangkhia doh but lou, nat den, atate uh jong misuah lou, thou khie but lou bang in um uhi.
Ama uh lah Pasian min a chitah a pang kisa. Pasian ginna jieh a ki sum vevaw, thuah vevaw, pang vevaw uh hi.
Pasian thu in in lah Ka lenggam sui masa un Adang teng kang piah belap ding chi hingal.
A reality i et leh lah midih ten gen thei tah a asep ga uh khu mijuau te Pasian in aga a at sah nop tah a enjoy sah bang jaw hi.
A thuah, agim, adih ten a jar jou lou in a juau tat ten midih te khuasa. Kai a sep sa nop sahpi uh bang hi.
Hi bang kal ah Pasian in athuchiam a jui nalai diai! A midih tatte a en kai nalai diai? Ama lam a pang ama a gin um te a ngaisah nalai diai? Chi khu thei ut huai hi?
Ama lenggam ama sa pen a sui nalai ding maw? Ama thuchiam khu ei khang a ding a jat thei nalai maw? Eite ading relevant or applicable nalai maw? chi khu midih tampi te, hahsa tah leh gin um tah a pang te ading a a lungtung sungnung ua Question ahi jing hi.
I chang tel un lah
“Surely the righteous STILL are rewarded; surely there is a God who judges the earth."( Psalms 58:11)
Achi ngal a.
Tu in Pasian thuchiam adih leh dih lou, a juau leh juai lou, Pasian in ama lenggam sui te a ngai sah leh sah lou i gam a Pasian mijat pen leh Hagau lam a, Manipur Zo suan ten National Preacher leh
Spiritual Father a inei uh Dr.Rev Kh. Khaizakham hinkhua apat in en vai:
1).Pa Kham 1966 in Polsom 2nd div. in ana pass jou ta hi. Khulai in First div um lou tobang ahi. 2nd khu asang mama ahi. 2nd div in MBBS jil na ding chance um mama hi. Dr jir som a DM college a Biology class a u-phoh operation kibawl amu ni apat in Lamka lam a nung pai veng veng in CCPur college ah Arts la ding in hing kikhum kia hi. Umjie khu pa Kham in Medical Doctor jong ut leh ana jou thei hi.
2). UBS a Bible a jir in Greek language mark mu hoi seng in award a um ngei lou khat pia uhi.
Khu hun lai in Pasian na sep tel lou leh tunia top officer post te khat a jou ngei ngei ding chi i gen ngam hi. Kumpi lam ah sangpi atung ding chi igen ngam hi.
3) BD ajaw in UBS ah Teaching staff ding in chial na mu ngal a, ( hibang hamphatna mu kithei khollou hi).
Aman a vision ki thei talua ahi jieh in nual ngal hi. Midang khenkhat bang a alem lem na, anop nopna chi mi hinaisai lou hi.
Himi khu mailam a sepna thupi tah tah dangte apat chial anual na ding a akipatna ahi.
4) MCO a pastor asep lai in a nu apa leh a family vah jou lou in a nu leh apa singtang lam a lou bawl ding in pem uhi. Apa sepai pension khat teh nung a singtang lou bol ding a hing kisah khu decision thupi tah ahi.
Milui Vaiphei Bible translator pu Siakzakham vaiphei tvision leh thumna“ Lalpa ka chapa
Khaizakham hi nam tamtak te pa in hun siem sak in” chi khu atang tun na ding a apa in jong tampi a sacrifice tou jel ngai hi.
Pa Kham tuni tan in khu ni a anu leh apa singtang a lou bawl ding a hahkhah ni khu hasiet huai asah pen pen hun lah a khat ahi. Ajieh pen Pasian nasam hilou leh anu teh apa teh khu hubang a mittui luang kawm a ahah khiah ngai lou ding hi.
Apa in ashi kuan in atapa hindan hamsa khu en thei lou hita ding a: “ Lalpa na na hun semjom jou na dem!” Chiin jau sah mama hi. Atapa’n sem jom jou na ding chiin vai hah hi.
5). Pa Kham in a hinkhua hamsa leh hasiet huai athuah a mang hil thei lou te lah a dang khat ahi leh:
Khatvei neh ding umnon lou in aji pastor nu nu Thianneiting khu mouthah na sawt nailou in melthei te kung a puhsui ding in sawl hi. Puhsui umjieh khu melthei te kung khut va daw china ahi.
Tulai pastor ji te ading in nuijat huai mai thei. Nu ting in puannah sil ding nei lou in Rev Zamlal ji in ama a khat present hi. Tua puannah khu asop chiang agot masia pot khe thei lou in ngah jel hi. Ajieh pen silding adang nei lou hi.
6) MCO a executive secy asep lai tah in hattuam genthei seng in a ha asim halaw la lou in um uhi. Hibang a genthei lai tah in lemchang tah in IEM head office , Bangalore, a sem ding in Theodore William , Gen, Secy IEM in ama toh office a semkhawm ding in chial hi. Tulai pastor te hilei “aw Pasian hoi hina e! Ka din mun hahsat thei in A van Angel hing sawl” chiin ja man lou in Van te pack in inkuan te Bangalore lam ah tai pi in Pasian gin um dan testimony gen gen ding uhi.
Ahiin pa Kham, Khang khat Pasian mijat um sun ading in hibang tom khat ha law lah lou jieh a mun nop jaw del a abelam te suah suah chia tai mang ding mihing hilou hi.
Himun a Pa Kham in a nual dan nalh kasa hi. “ ka hattuam ten law ang piah jou lou lai tah jieh ahi ka nut sia ut lou jieh. Nutsia hun hilou hi” chii in bailam tah in nual hi.
7) Lamka mun a sum
Leh pai hamsa, inn teh hamsa tah Pasian na asep lai in National level atung a igen sa 2 te sim lou adang ministry para church ogn lianpi 2 ah jong chialna mu jel hinanleh pa Kham in Lamka mun a Pasian kouna( calling ) khu mang hil lou in LAmka nop ni da ni in jong nusie lou pa ahi.
Ama contemporary christian leader te Manipur pualam pot ding aki tu sou sou lai un Ama Lamka nutsia khah ding khu a jau pen ahi.
Opportunist leader : a lem lemna, a nop nopna, a lu thawl thawl na, mei khu let let na, law tam tam na, popular thei thei na chite khu Pa Kham dictionary ah um lou hi.
( mi khen khat gen dan in pa Kham pen chit ma ma nanleh pastor nu Nu Ting inhamdang athei lou jieh in lemtang sa lou chi jel uhi. Ken vang himi juau ka chi hi. Ji te hamsiem lou a mun tuam a sem, or Sap gam a teeng tam pi ka thei mama hi. A sem dingpa achit nah leh afamily te poimaw lou hi. Govt officer lianpi aji sap ham thei lou tampi um hi. Ji sap Ham siam lou in bangma subuai lou hi.
8). April 2013 in pa Kham pension ahita. ECT principal hina pat a pension ding in “ pa Kham gari khu ECT a nusia ta ding na hi chiang
Bang chi ta ding”? Chia ka dot leh: “ gari nei lou ah kipan la hi a, gar umlou a tawp ding ka hi” chiin bailam tah in hing dawng hi.
Sawt lou in Gar thah Rs 4.8 lakh man khat free in mi kiphal inkuan 2 ten arrange sa in ana koi ta uhi.
9)Gospel thugenna a Gari hajat seng in kum 10 jou in asietna tam ta hi. A “gari lui ta ama lah lui ta” chiin miten chiam nui nan nei uhi.
Ama jong tawl dam ta ding, Pasian in awl sep ta ding chi hiva chia lung muang tah a um lai in tukum bul lam in kum 74 birthday gift ding in Inkuan khat in Gari thah sitset NiSSAN KICKS( Dsiesel version, top model ) Rs Lakh 16( acessories leh insurance toh 18 lam hiding keima hisap) va pia uhi.
Tulai chuh hijat jat man van pia chuh khoi tah e khat a ki ne gu chi mai thei. Ape tute , "Pu, sum thianglo mang lo ka hi, doubt neilo hialin mangin" chi in pia nalai uhi👍
Pa Kham in Pasian in ki tawl nga dawm ta ding, awlsep ta ding chi hiva ka chi leh ki pan tha kia nalai ding chi ave maw chiin Gari thah toh gospel puah in tai lele kia ta hi.
10) July ha in KWS Shillong ten Life Time Achievement Award thupi tah in pia uhi. Ama ham kibatpi leh ama hattuam te bawl ahi lou mama in a gil na sulamg hi.
Tualeh a kum 70 birthday in gam a christian leader lian inei Rev Dino Touthang leh i officer lian pipi te
ki thua in “ A Festschrift for Rev. Dr Kh. Khaizakham” chiin Pa Kham jatatna in souvenir khat sua khia uhi.
Pa Kham hinkhua tutung in i sut seng sih ding hi. Ahin igen ut khu Pasian in ama leh a lenggam amasa pen a koi te khu amang hil ei ? amang hil sih ei ? chi khual ut ihi jaw hi.
Pa Kham in Pasian lenggam khatna a koi seng jieh in thuah chi tah in thuah hi. Himi jieh in Pan mun din mun Tampi taan tou tou hi. Hinanleh Pasian in Rev Khaizakham nusia lou hi. Pasian in umpi sem sem in jang sem sem hi. Retired jou in jong kum 1 a ding in progm advance umsa nei ta hi.
Tulai Pasian thugen tampi te atate uh Foreign a sawl ding aki dem lai un ama tapa tah pen Samboi ama buaipi lou in America numei khat in hing ki teen pi in USA ah teng sah hi.
A thupien leh a ngaisang huai na pen khu:
I nam ah ama bang a Pasian in ajat um lou hi. Ama jieh in Pasian nasem pastor , preacher tampi piang khia a, govt christian officer tam pi umkhia hi.
A impact khu Ei Manipur Zo suan te tung ah gen jou lou in hat in lian hi.
Ama khu I nampi ua ding a Pasian silpiah lian pen pen te lah a khat ahi. A ma jieh in Pasian iphat ding ua ama ading in ithum jel ding uhi.
Tunia i thupi: Tuhun tulai khang a, mah ni masial hun, huai thei tan huai hun, a lem lemna baw hun, mai thei tan mai hun a Pasian leng gam khu amasa pen ah kawi ta leu mi isuah na diai? I gual i pha na diai? I khua suah na diai? Chia buai te ading in muthei leh tham thei ding in Pasian Hagau lam a i etton ding uh Rev Dr Khaizakham hing um sah hi. Ama hinkhua apat in Pasian khu muan tah maw ?? beel tah maw ?? chi ngai tua in thupuh na ei ma chiat in ki bawl ta vai!
“When the Son of Man comes, will He really find faith on the earth?" (Luke 18:8)
Topa thupha!
Shalom!
No comments