Melma Lalna Gam ah Van Mang Nang Hing Lal Tan

Melma Lalna Gam ah Van Mang Nang Hing Lal Tan

Pastor Dr Dongzathawng

Devotional # 31 ( Vol 4)

Fellowship of Thirsty Souls n Hungry Hearts

Thirsty souls te Jingpha hoi tah!

Mangpa hepina jing sang teng a thah jel in nang hinna jong hing thah sah ta hen! 

Tavang nisa leh ju leh va ham ten neu lai a bupal lei a git ta hon lai hing gel doh sah! )Athei lou ten thei lou ding athei te ading in lung hel huai himai).

Tuni Topic: “Melma Lalna Gam ah Van Mang Nang Hing Lal Tan”

Introduction:

1) Joe Biden leh Democrate ten Trump jau seng seng a inn FBI te raid sah. Trump popular sem sem. Primary ah ama endorse candidate te Governor, senate, house of representative ading in aban ban in ching jiah jiah uh tua mi in a Mega movement khu anan a nan gual lou ahi dan kilangsah in Democrate leh fake news te jau in ki ling uh.

2) Manipur tribal te sip dide phot. Manipur kumpi in abol bol ding bol tou ding. Tribal leader te koi ma ading ngam umlou ding. A ki jua ding ua mansa ngen. 

I leader te hoi lou chiin i phun phun ua Pasian in iki batpi leader ahing piah ahi. Pasian alungkim

Lou chiang leader hoi lou tungtawn in mipi te got jel kichi khu ei a ahi ta hi. 

Kani ha bol a ibol tou jel ua biah in lam iki dem jel ding uh hi ta mai va! 

3). Pasian in a gam lei tang kem ding in Tribal christian te  adiah in emi nam te hing muang nonlou hiding. Gam nop hibang kani lei suah sah te. I um um na ua Kham thei juah nam te. Hepina nei tawm te, mi sial te, Christ meel su minsie te, chitah na nei lou te, mi ki tuah lou te, gen hah paupeng nam te… 

Pasian in jong ei mi namte ang mu khiah, ang tel khah kisia mama ding hi. Tel kha mukha kisa lou ma ma ding in ka ngai tua hi. 

( hinanleh I Pasian uh Christ in lamkim ah hing pai thei non lou hi. Ang buaipi tou ngai veve ta hi. “Esau  ka hua a Jacob ka it “ ( ei te Jacob bang a khel te )chi pa Pasian inei man un hampha vawt hai e…)

4) Issue masa in Dr Khaizakham hinkhua apat “Pasian lenggam sui mansat khu tulai hun a zong bawl ngam chi  ana lai diai ? “ Chi pansan in ama tanchin apat in reflection i bawl uhi. Mi tamlou  in kipapina nang hing gen ua kipa huai hi.

Pa Kham in 1

2013 a  ECT a retire a inkuan 2 in gari thah lakh 4.8 man a lei sah ban thu igen ua tukum a inkuan khat in lakh 16 man Gari thah a gift uh igen u hi.

Tua mai hilou in tulai tah in a inn uh contrator 2 in lam sah hi.

Hia “unsang heroes”-min ki thei lou ginna gal hang te Pasian in gualzawl ta uhen! Ama uh ten i gam ling leh khau, tuipaan kai khu jem moi in pah sah uhi.

Tu in Topic ah lut vai:

Khatvei Shillong Lutheran Biah inn a hun jang a ka um lai in nu Zakim in la hing sa hi( ama lasa mi ahilam ka thei sih hi). 

Ala sah thu dang teng ka thei nonsia “ Melma lalna gam ah Vanmang nang hing hilal tan” chi khu ka hoi  kasa seng hi. Khulai tah in ka lungsim ah “ Aw melma lalna mun teng ah Christ  hing lal leh  a nop na ding e maw” chiin. Khu nia  ka sermon ang panpi mai hilou in tuni tan in ka lungsim ah tham den hi. A phuahtu nu Nuamkhoniang tung ah kipah thu igen hi! 

Tunin i gam leh i society ua melma lalna te neu khat en vai:

1. I society, i Gam, Lamka khopi ah Christ or Melma  alal ei?

Mangpa Jesu khu Lamka a lal ahi chiin kipuang leh a ajum huai ding dan maw!

Lamka khopi a DC, MLA etc hikha te ki keletsahna ding a um lou dan. A jum huai dan. Hibang khopi hoi lou, lampi sia, khopi mial leh niin khopi a vaihom leh lal a pan khu kithupi sah na ding a um Lou dan. Lamka ki ka hi kichi khu kisah thei na sang in jum huai na tam jaw bang ta hi!

Biah inn khujat, hattuam  office khujat, pastor hijat , gospel preacher leh gospel singer hijat , thum pawl khujat teenna khopi ah Christ alal lou dan. Adung a vai, mun sang apat a ngiam pen tan ah Melma lalna, Setan munpi, Dawite kulpi ahi.

I gam ah Christ lal lou hi. Lal ut mama napi bangma lou in nisim in i khawng mang jel uhi.

Chrst in i society uah mun nei lou hi.  Christ sang a lal jaw tam seng hi. 

Pasian gam lei tang khu Kani toh idim nung un “ka pu ka pa gam “ chin humbot sawm in aphin in iki phin nalai uhi. Pasian in ginglou meitei te khut ah kemsah leh eibang lomlom in kani lei suah sah lou ding uhi.

Kani gam a Chirst lal va chi ding khu thil kimil lou ahi.( hitan ah hun sah vai. Gen di tam seng).

Christian  thum mi te, revival bawl a lam lam, bible mimal mai a sim homthaw a loud speaker nasan a sim sim te lai ah khut khial ban khial, ki khuul kimah, accident, lieu leh paan, bat leh thaang chiang a hepi na um Lou iki lieu sah , iki gap dan te uh chijat huai dan ginglou ten thei leh chija in bupsi ding uhi. 

I tanu Ki khul man, i tapa luang man pou a hausat sawm leh inn teng sawm nam te lai a maw Christ ahing lal ut ding??? Ineh siat dan uh, i ki gap dan, iki  lieu sah da, iki gum bawl dan te uh

Calvary a hepina leh cross a ngaidamna chiam kha te gamtat ding dan himong mong lou hi. 

Melma lalna gam, society leh khopi a teeng ka himai jen gim huai in tawl huai e! Mangpa bang ka chi ding uh hita!!!

2) I Hattuam te uah Christ  Alal ei melma???

I gen jou ta. I socety uh khu melma opkhum na gam ahi ta! Ahileh Christ in alei sa, amin pua Hattuam la!!!

Hattuam lah beh ah Ama a lutang, a lal pen hisam lou di??

Ka hase! Hattuam lah kheel i gam a politics hatna um lou ding hi. Hattuam Groupism  huaisiet dan. Khat leh khat ki gensiet ki dem , ki el na munpi khu hattuam ahi. 

Communal munpi, negu tagu te ki phual na mun pi. Bawl tawm leh pualam sakhua mitna suhlatna munpi. Kal khat a ni 6 sung Setan ading hing ding in ni khat Van Angel va ki nei mai mai te.

Hattuam committee,  LCC leh Board meeting te sang in igam a society dang khat pou pou ah ki vaihomna fair jaw in ahuikhua jong jaang jaw ding hi.

I pulpit te uh jong damna leh kinepna, hatna tha muna sang in kikap tua na, kiliam sahna mun hijaw ta hi.

I gam a biah in kai tam tam, thum khawm na paitam pen te, comittee a pai tam pen te khu mi buai huai, lungsim kawchih, communal feeling nei tam pen te hileh ki lawm hi.

Biah inn kai kai, ki khawm khawm, thum thum te sang in ju dawnte, sport lam te, lasa te, even kani lei bawl khom te ki it jaw, ki deisah jaw, ki ngaidam ut jaw, lungsim siang jaw hi ta leh ki lom hi.

(Thum, ki khop, biah inn kai te hoi lou bol lou ding chi na hilou hi. )Ahiin Pasian jong tuate ka luah suah  achi hi.

Ithupi: hattuam ah christ a lal ei? Lal mama sih ei. Ih hattuam pawlpi te ukhu i communal munpi uh hi ei. Christ sang in i hattuam ua ding a shi ngam ngen hi hai e.

Hattuam khu natna liamna mun, dirty poltics hatna pen, groupism leh ki mai etna munpi, meithai taga te ki musitna, mi hau mi nei jou te mai lalna leh vaihomna mun ah bang chiin Christ lal ichi thei diai???

Bang law ta ding? Biah kai lou a lah ki hi thei lou? Hattuam bel lou a  lah ki um thei lou???

3. Ih Inn sung uah Christ alal ei, Melma!??

Lamka Zogam kheel a khawlvel pumpi sap ten “broken homes, disfunctional family “ kichi tam na a um diai?

Nupa ki hau, ki khen, ta leh pa ki lem lou, inn suan chin a khamthei bawl um, pa in  innsung sang a hattuam ngaipoimaw jaw…nu in apasal leh inkuan sang a thum khawmna pi bawl jaw…hattuam leh hagau lam activities adim. 

Inn kuan khawl khawm, thum khawm, ki mawl khawm, nui khawm, ne khawm, sem khawm,vah khawm saang a biah in lam ngen del del …

Ih inn sung ua Christ lal malah Dawi mangpa alal jieh in tate bit lou, sal a kaih mang siang hita. Inn sung pa in a family humbit sang in hattuam komiti leh hotel ah a hun teng msng sah. Nu ten tate leh pasal buaipi sang in dorca pawl ngol in ngol  jaw ta.

Nupa kal ah Christ lal lou, ta leh pa kal ah christ lal

Lou, mou leh tehpi kal ah Christ  lal malah tual gaal khawl lou in um den!

Khujieh in i inkuan te ukhu tate khan hoina ( healthy growth) ading a mun gina lou pen isuah sah ta uhi.

Inkuan kise, hattuam hoi lou sa, society ki sesa china ahi.

Banglaw ta ding?

Point dang belap non da tavai.

Tunin Van Mang Christ in i socety uh hing dam sah in hing susieng in ama i Zogam ah hing lal leh ut huai vawt e! 

Tua mi ading  a iki sia ua, i pasien  dang te uh eg sum pasien, hattuam pasien, communal pasien etc etc teng i satsiat ua, i haltum ua, Ama ichial ua, munsangpen leh mun jousie ama i lua sah uh ngai ding hi.

In mun patta dih lou, document dih lou i kep te uh. mi mun mi gam, mi biah in tanpha, mi khua mitui, namphu a i lah sah, mi gamgi i keeh sah te leh ei lou phot phot i kep te uh ing phoh khiah   uh bang ngai ding hi. 

Pasian in aneitu dih tah te thei mama hi. Ama record ah abawn in um hi. 

Mi van mi gou kem kawm in Devotion ah pai pai lechin jong tanglai ACHAN bang in na puanbuh a Pasian Hamsiet( Curse) teng den hi. 

Lamka , melma lalna gam a Christ ang lal kin lou leh amang thai ding kuan ihi chi thei vai! 

Pasian  hattuam, melma lalna munpi, hagau gilou controlling spirit in a opkhum, Groupism leh communal feeling a dim khu Christ in  hing susiang in hing dam sah ta hen! Hattuam nasah, liam sah, khantou ding dal tu lamkai te Aman hing bei sah in ama it, mi ki ngainiam ten hing pui ta  leh chi khu Pasian belam te kaa na leh taona ahi ! 

Hattuam khu damna mun, ki it , ki thei siam,  ki ngaidam tua , ki hepi tua na mun hing suah kia ta hen! 

Kinepna nei lou, genthei liangvai, bel ding nei lou, liam leh bai, midang a nual leh pom

Lou te khu himun a hattuam ah laina tah a ahina bang ua nual lou a pomna, saang na mun ( acceptabce and belongingness) hing suah hen la, hibang hinkhua ki tamsa leh kinepna nei nonlou ten hinkhua tha mu a, a ki pat thah na mun uh hing suah ta hen! 

Aw Melma lalna mun igen te ah  Van Mang in vai hing hawm leh ut huai na mai e maw!

Tunin

Van Mang Christ hing vaihom ding dei a, lunggulh a chial leh thum thum te lai nang jong na pang ut ei!!!

Shalom Shalom!

Topa thupha!!

Next issue ah :Book of Esther Vs Book of Malachi!!