DISCIPLESHIP IS ALL ABOUT LOSING, FORSAKING…

DISCIPLESHIP IS ALL ABOUT LOSING, FORSAKING…

Pastor Dongzathawng

Devotional # 40 ( Vol 4)

Fellowship of Thirsty Souls and Hungry Hearts

Thirsty Souls simtute Mangpa Ni Jingmawng Pha! Shillong Vangkhuo Tavang Nisa Etlawm leh Eng Singseng apat Pasian lungmuanna leh Hepina in na tung ah vai hawm ta hen!

Tunin Pasian hagau in na hinna hing ve in hing nousahta hen!

TUNI TOPIC:  “DISCIPLESHIP IS ALL ABOUT LOSING, FORSAKING…”

Introduction: 

1. USA Midterm result GOP in jou na pi  gintat banglou sengseng puahnat huai talua hi. Kinepna tampi kichai hi.… ka deisah, congress, Senate leh governor a kaijouloute ka pona talua hi. TRUMP thupi tah a lar semsem ding pa Tualpuang tung deh tah hi. Ama disciple khat Ron Desantis khu TRUMP din mun lua ding khop in TRUMP deilouten dopsang sawm uhi. RINO leh mediate'n Trump a mu da jieh un Ron Desantis deisah jong hilou pi ha pan a panpi kinei uhi.  Leitung vang hichi mai hi. A hing tungding te munlua sawm leh akikal a sagu tamtheitawp hing seplut a panla pawl. Ka loinu'n hing gimpi sengseng “hia na Donald Trump News ngaingai khu  hun sah phot ta in” hing chi khum khawngkhawng ta hi.

2. Janni pu Chinkhenthang IAS (retd) ji Upanu Mawite kivuina ah ka va pai hi. Upanu Mawite pen ka loinu Hoiching adinga a Lawm hoi mama hing suah hi. Kei leh Pa Khen sang in zong ki nai jaw uhi. Pa Khen bang pasal hangsan, mi pa mama a kigenpa khu a ji in a kep dan agen chiang mittui ki nulnulta mai hi. A ji toh a kilawm tah dan uh, a ki khenthei lou ahidan, aji in akep siam dante  ahing gen in mipite lungsim khoih hi. Kei mimal ading in family friend hoi tah ahi uhi. Kei pa Khen toh ka ki lawmta sang un ama ka loinu Hoiching toh ki nai sem uhi. Upanu a hat lai ka na ki thua dan uh ahi leh Inkuan ann neh khawmna rotation danin ka nei jel uhi. Family day out plan tampi ka Nei ua hinanleh ama damlou in hing pha manta hi. Upanu Mawite khu mi frank, lungsim siang mama, Lawm leh gual ngaina, mi pawlnuam mama numei ahi. Dahuai mama e! Ithuai mama chia Upa nu!

3. Tuni ka birthday ahi a. Pasian hoina tungtuang in tate school suti hina lai uhi. Pasian in lem asah leh Shillong peak leh anai a Park ah ka Tate ka pui sawm hi. Tuni jong ka kiteen ni 12th Anniversary  ahi ta. Hinanleh jing ah ka kiteenna pen mang va ung. Ka ni un park khat ah kou ma gel mai ka va ki hui ha ding uhi.  

Tuni himi message khu Thirsty soul simtute kung a  ka birthday gift a hing na saan sah ding in ka hing ngen hi:

TOPIC ah lut vai: Nungjui hingkhua khu Christ min in bang jat i taan ei chi ah kisim ding dan ahi. 

Text: “But whatever were GAINS to me I now consider loss for the sake of Christ”( Phil.3: 7)

“Those of you who do not give up everything you have cannot be my disciple” (Luke 14;33)

Tozer thugen khat toh ki sui sah vai: “I’m hearing up and down the country about these people who give up so much to serve the Lord. I've never met anybody yet who gave anything up to serve the Lord” (Fellowship of Burning heart, 90).

Tunia I thupi uh khu chimul thaw huai hi. Ajiehpen jou lou sasa ki gen ding ahi jieh in.

Tujingkal in ka birthday ahi toh kitawn in ka neu apat ka khuo P.Sejawl apat tuni tan ka khualzinna tawmkim in ka en kia hi.  Christ min a taan bangbang ade aw chia ka sui hi… Gending vang um jeuhjeuh na… lungtang nathuai pipi jong um ma. Ahiin Chrsit ka na jui jieh a, ka taante sangin Christ ka jui jieh a ka metpi, ka phatttuam pi tam sengseng in ka mansua, ka taante khu a sim a sim thamlou suah hi.

Unau Hanglam te ading in ahi leh Jesu jui ngal a hausa lou, USA tunglou, or foreign gam tungjoulou te khu Topa Thupha nga chi ding hi thei tahtahlou hi leh kilawm hi.

Ei gam jong hiveve hi. Khangthah laisiam tahtah govt kham hoi tahtah mu thei dingte Pasian nasem dingin hing kilaan uhi. Hattuam te kipapi seng in mittui naptui toh kipa thu igen uhi Ahiin hun hing pai tou jel in tua Christ min a Khawvel thupinate nuasia a Cross pua ding a hing kilante khu Bible hing jil in USA te ah hing lut in tua chiin forereign connection hoi pipi hing mu in ministry hoi tahtah hing pan uhi. Para Chruch organization ah sepna lianpipi hing mu in, foreign gammi hinate hing neiin, pan mun sang pipi hing tu in, tu in ana nutsia uh Khawvel loupina leh nopsahna te sang a nopjaw leh thupi jaw standard sang jaw in khawsa uhi. 

Tua khangthah laisiam Gospel min a genthei leh Leitung loupina taan ding a hing kipia doh te khu tu in gospel jar in Khawvel milian milal te din mun leh tuate sang a sang jaw phial in hinkhuo hing mang uhi. Tami khu Gospel jar ahi a aki papi uhi.  Tua mai hilou in atate uh zong hing khanglian in, Khawvel ah ana pai uleh a tun phah lou ding uh din mun ah atate uh zong hing tut uhi. Hattuam leh gingtu ten ama uh te khu “Pasian gualzawl leh Pasian hausatna ki tanpi te inkuan” chiin kipapi uhi. Hite lah ah kei zong ka pang Kha a hampha ka kisa mama hi. Ahiin alang khat ah …ki awi maw nan ka dim hi..

Ahiin tunia igen ding ahileh tuabang nungjui hinkhua hilou hi. Paul in kei ading a hamphatna, metna photphot Chrsit jar in metna photphot uh manna in ka sim chi mai Hilou tua ka metna ding, ka hamphatna ding photphot khu GARBAGE, RUBBISH or DUNG in ka septa chi hi.

Paul in hamphatna atan ding achi te bangbang ata ma de aw maw? Chiin ka tuat jel hi. Inn Nuam, hinkhuo Nuam, mite jatatna, mite ngaisangna, sum leh pai, neh leh taah ki ning ching, tahsa dam theina, Lawm leh gual toh hun nop, inn sung khawsahna Nuam leh ki ning ching: dudu nethei, deidei lei thei, ut nana jin thei leh adang dang te hi ding hi. 

Paul in tua teng khu ka tan mai leh ka mansua mai hilou in EH Toh kibang in ka koita hi chi hi tajen hi. 

Tu nia Khawvel mite zong chi sing, gingtute mai jong hilou pastor tampi ten I deldel uh, I ngaisang uh, i tun ut uh hamphatna kigen teng khu Paul in Christ jar in ka taan, ka mansua mai Hilou in ka deilou dan chuh NIIN toh kibang in ka ngai hi chita mai hi.

I Mangpa Jesu'n I Changtel na uah ama nungjui dingte khu THIL JOUSIE nusia ding chi hita jen hi. Anusia mai hilou a a it pen, a ngai pen anu apa tan pha Christ a it seng Jieh a a mu da, ahuat bang Khop ding a Christ it leh ngai leh jatat ding chi ahi.  Tozer in agen khu “Christ  Ading a thil tampi pi pia chi ka ja mun ahi. Ahiin bangkim apia siang kingkeng ka thei nai sih" chi hi.

Kumpi na sem utlou a Pasian na sem ding a kipia iki chi ua, Khawvel loupina Nusia a Gospel nasem ding a kipia iki chi ua atamjaw in kumpi nasep leh Khawvel nop sahna sang a nopjaw leh sang jaw  hinkhua I del jel uh hilou maw??? Kei sim in.

I gam ah Christ iieh a jawng, tasam, a neh ding nei lou, a jou ding jou lou, atate jong a tun nading tan a tungsah jou lou, a nasep gospel in a neh a aneh gam siang chi ding Khop a pang pastor, speaker, Pasian nasem khu tu hun a gen ding abei bang ta hi. Ahiin khat leh ni inei na lai uhi.

Tuma deu a ka camp na uah Dr Rev Khaizakham in a testimony neukhat hing gen hi; Pa Kham pen atapa  upapen leh amou nu in USA a jin ding  chial uhi. Hinanleh  ama hun neilou mai hilou in Khual  gamla jin himhim Peih nonlou hi. I theisa bang in Pa kham in hun saupi ading progam nei sa um jing hi  Ahileh anai pen dingin  Isreal beh ana jin un chin lampi ngai tua sah sawm hi. Hinanleh Pa kham in agen dan in a hun tam non lou ahi chiang in Khualjin a hun nop man na ding in pammai sa ta hi. A hun nei lai teng Hagau mangthai tam thei pen man a, Pasian thu genjou tantan gen a genkawm a alem leh zong thu gen lai a Thupina gam tung ding tanpha ama tup ahita hi. USA thupina te, Isreal Leitung Jerusalem te in ama hip jou non ding Hilou hi. Abdul Kalam in lecture abawl lai tah a shi bang a Pasian thugenna a ahai tawp tan a gospel gen ding khu ama duthusam ahita hi. Hagau lam a i pichin toh ki tuah in i thil ngaisang leh i thanop kibang talou china ahi.

Pu Rothanglian Hmar IAS in sepna a kitawp jou in USA a Bible jil thei na ding chance mu hi. Hinanleh Pasian nasem a kipia ta ngal ngal USA va lut kia kia ut nonlou in mission field ma ah tuitum den ta hi. A hinkhuo pumlum mission field ah piakhia chi ding himai hi. 

Tomkhat mission field a va um jual a tua jou a forerign gam a dam sung  settle chite hilou hi.

Tunin Nungjui ihi na uah Bang jat Christ min in imet law ei, bangjat i phattuam pi uai?  A dih ahi Gospel vang  in tahsa leh hagau in zong iphat tuam pi ma hi.  Ken zong ka inn ten pi. Gospel jar in Shillong ah ka khawsa thei hi. 

Ahiin Christ min a hijat jat i met pi lai un tunin  bang jat i tan ua, bang jat i sup pi ua chi lam jong i et ngai ding hi.

Chrsit min a sum leh tan ichi chiang Khawvel ju leh sa, hausatna mai hise se lou hi. A chang ah Pasian nasem te ding in min thanna, pan mun hoi, bial nop, chi te zong hi ding hi. 

Tunai a  taan ka kisah khat hing gen Mai Mai vang. Mumbai ZCF ten Christmas ading in gintat loupi in hing chial jen jen uhi. Aw Mumbai ka mu ut  mai Jen Jen toh!   Ahia kei FAMILY MAN pa family poimaw dan gen gen pa in ka Family te nusia a Christmas mun dang a  ka va man ding khu a gen a gen ding zong Hilou hi. Second guess Jong um lou in ka na nual ta hi.  Pasian min a a thu gen ding chuh ka hi hinanleh Pasian nasepna phot phot jong i teel ding um hi. I priority ah kinga ding hi.

 Dr Khaizakham adingin USA a va jin leh Isreal gam te va phan sangin Hundamna tanchinpha hun nei nalai teng a gen khu poimaw pen in ngai hi. A hun manpha a ha sim va suh mang ding khu pammai sa hi.   A um lou sung a ama poimaw leh ngahla  khua tampi te bang chi ding? Mumbai ZCF te tung ah ka kipah ta lua a Pasian gualzawlna ka nget sah ahi. Ahiin Christmas nia ka ji ka tate ka umpi khu poi maw hi.  Gentham lou tanchin ahi. Ahiin Pasian thugen ten zong hun teng a i deitel ding thil tampi ima ah ki lui hi.  Jesu min a I tan ding hing um um dinghi.  A chang ah mun thupi leh progm poimaw tah tah a hun I taan chang um ding hi. Pan mun hoi tah tah i taan ngai ding hi.  Jatatna ki Lawm tah tah itaan hun um ding hi 

1995 lai in Ka pastor hi tung lai in  Shillong ah progm khat ah deligate ding in ka hattuam office ten hing ki sawl uhi. Khu hun lai tah in singtang khua ta khat ka crusade progm toh kituah Chet hi. Crusade pen ka tel jaw hi. Shillong mu ut mama pa singtang lam ah ka pai jawt ta hi.  Tua thupuhna neu nou hinanleh Pasian in mang hil lou hi. A kumkia  1996 in Shillong khopi ah deligate ding hinonlou in crusade ding in chial na ka mu a, bus mai hinonlou in kang pai kia lam in ka tou ngai louna vanleng executive class ah ka tuang hi. 

Christ min I taan ding khu sum leh pai , ju leh sa leh khovel nopsahna mai hilou in. Ei ading a hamphatna, adavantage hoi tah tah ding te zong i taan ding ana hi hi.  Hattuam vai a pan mun hoi te, bial hoi te, progm thupi te a min kilang, progm poimaw te a chial, gualnop poimaw tah tah te   etc etc hite zong huam veh hi.

Tu nin Christ Jieh  in bang I met, I loh pi chi Hilou in Christ  jiehin bang I suppi, bang I man pi, bang i taan chite en ta vai.. I taan ja ja khu Christ i it na etsahna hi ding hi.  Taan na um lou nung Jui hinkhua kichi khu um thei lou hi. Nungjui 12 te khu taanna ( forsaking) ah kipan uhi. Nungjui hina ding a  Step one khu “nutsia” ahi. 

Tozer in Thomas Kempis thugen agen sawn en vai: “The LORD has many lovers of His crown but few lovers of His cross”( Men who met God,108)

Mangpa min a metna I mu te isim lai in Mangpa min a taan ding in zong kisa ta vai!

Topa Thupha!

Shalom