WHO TOUCHES ME? Koi in hing sukha ama?

WHO TOUCHES ME? Koi in hing sukha ama?

Pastor Dr Dongzathawng

Devotional # 39 ( Vol 4)

Fellowship of Thirsty Souls and Hungry Hearts

Thirsty Souls simtute Mangpa Ni Jingmawng Pha!

Tunin Pasian hagau in na hinna hing ve in hing nou sah ta hen!

TUNI TOPIC: “WHO TOUCHES ME?”

Text: “Who Touched me” Jesus Asked.

“Someone touched me, I know…” Luke 8: 45,46

Introduction:

Tulai USA te midterm a dul in dul jieng uhi. Ei world cup ding a iki sah la lai un ama un world cup thei pha kawi lou uh. Nov  9 chiang in USA gam pumpi a State governor, Senator, House of representative, State Attorney Gen etc etc kitelna State 50 ah um ding hi. MAGA movement te ( Make America Great Again)tuipi kinawh bang in Apai pai na uh ki ling huai huai. Mipi asing Asaang ten thumna toh 2020 election pom thei lou in tutung chuh Biden vaihawmna khet khiah sawm in ha pang in pang uhi. 

Tutung GOP ( Repbulican) ten Senate house leh congress innpi la ngei ngei ding in ki lam en uhi. Senate leh congress a majority ang lah ngei ngei uleh TRUMP khu 2024 ah akai sa ahi ban ah bangkim ama uh thu thu hita ding hi. Tualeh Tu kum 2 um nalai sungin Biden bang ang law ding uai Biden ading in ki Khual huai lou hi.

Tualeh Tutung a Senate leh congress leh governor hileh akai ding a ki lam ente khu atam jaw tham TRUMP in a endorse ngen ahi. “Cleaning the swamp” achi chi uh… Washington a nehguh tah guh na Democrate leh Republican lam hileh thupi deu a suhsiangthouna um ding khu MAGA movement tup leh ngim ahi. Thumpi jel vai!

TOPIC ah lut ta vai:  Koi e Ahing Tham?

I Mangpa Jesu, Jairus tanu Shisa kai thou ding a inn sung lut ding kisa mipi ang phut lai in Numei kum 12 siluang nu in “A puan mong beh tham leh dam ding ka hi”  chi in awl awl in mipi lah ah hing ki mai in Mangpa Jesu puan mong khat thamkha in dam na kimu hi. “Tanu na ginna in ahing damsah ahi ta, Lungmuan tah in pai tan” chiin Mangpa’n hakhia hi( Luke 7:48).

Hih ka gel lai in kagei ah ka tanu neupen  jingkal teng a abawl jel bang in alupna pat in hing thou in ka  study room a ka touna gei ah hing lum  sese in ka tung ah hing ki Ngam hi. Nop kasa mama a aman zong nop sa hi. 

Lai isim, Bible I sim, I thum lai or na khat pou pou i sim lai in i nung lam or i pang lam apat in hing ki tham hi. Tua ahing ki tham  khut khu I tate lai a koi pen chi khu pa Ading in  thei hamsa lou hi. Or I ji a jong thei nop sem hi. 

Tuabang a ahing ki tham chiang Pa dih tah, pa hoi te ading in lungthah huai lou hi. Tua hun chiang in thei sa sa in “koi e ang tham” “Koi khut  a de aw”? chi in I khut a tham toh ki thua in ki kai in I aang ah ki tou sah hi. I tate’n Hibang a ang tham chiang anai ah ang um ut uh china ahi. 

Atung a I Mangpa Jesu’n koi e ahing tham achi chiang… a lungthah a, athangpai hilou hi…kipahna lungsim toh a thamtu a sui ahi. Umjia khu “hia mipi hijat lah a, Hibang ginna nei a ahiing tham tu khu hampha na mai e!” Chi ut hi jaw hi.  

Bible ah “Pasian Khut in a tham, Pasian khut atung a um” chi te tamvei pi isim hi. Ahiin Mihing in Pasian a tham chi khu tam lou hi. Jacob in vang ha sua lou in tu det sawm hi. Pasian keng tu den in, akeng ah  ki luai den in , ha sua sawm lou ahi mai hi. 

Tumalam in “Kissing the feet of His Son” chi I gen ta hi. Mangpa Kephaang tawp a, a mittui toh siah a , ha sua sawm lou tanchin I gen ta hi. 

Tujingkal  nang Pasian tapa, tanu in Pasian na va tham Kha tai?  A gei ah na va Kitat tai?  Am’an na tham ding ana ngah hi. Ama’n agei a nava kitat ding ngah hi. Ama’n akephang na tawp ding ngah hi. A Jieh pen ama’n na natna, na liamna, na puahgih, na tahsap thei hi… Ama ah damna kiching set um hi. A kichin dan chuh “apuan mong neu khat mai tham zong  hun tawh hi” Nang leh kei ading in kum 12 sung a Damdawi Siam in ahing suh dam jou lou, I sum tampi hing ne kang nung a jong pha tuam lou khu,  a puan mong neu khat tham a  dam hiau ding khop a ki ning ching ahi.  Kum tampi i buai pi, kum tam pi i gimpi, kum tampi i natpi khu aman second khat in hing suh veng sah thei hi. 

“His mercy flows like a river wide” kichi khu. Ama hepina khu Tuipi bang a kiching ahi. Ei tuinou khat mai mai a Kiam ding te Hilou hi. 

A thupi khu jingkal teng a ama va thamkhah ding ahi. Ka tanu ka gei ah hamlou lum a, ka tung ah ki Ngam hi. Ka lai sim hing subuai se lou ahivang a kei pang ang um mai mai khu ama ding in hun ta a, ken zong nop kasa hi. 

Ka British lawmpa khat in chorus thupi tah hing hil hi “One touch of God is that all Need”  chi hi.  Elvis Presley in Jong gospel album “He touched me” chi khat bawl khia sam hi. En Pasian iva Tham khah chiang ama thamkhah ding khu a baisa ahi ta hi.

Khujiehin Psalm gial tu in: “My heart is not proud, LORD, my eyes are not haughty; I do not concern myself with great matters or things too wonderful for me. BUT I have calmed and quieted myself, I am like a weaned child with its mother; like a weaned Childe I am content” (Psalm 131:1,2).  Agen um jia khu Pasian ang sung ah Naungeh nawi tep lai a nu ang lum a sip tah a aki tawldam bang in Pasian ang ah daitah in ka um hit hiat hi achi na ahi.

Pasian iva tham chiang a thu tam pi va gen a, LMG bang a brass ding china Hilou hi. Ngaikhie lou a ham ham te kung ah thu manpha gen pi hah sa hi. Tulai ka lungsim natna khat um a, muang leh ging tah tah a ka kup na unau khat leh ni mai um hi. Ahiin ka kup lai tah ah sermon hing bawl khum te’n hing panpi lou in hing liamsah sem sem hi. Ahiin dam tah a ngaikhie bil te apat in damna ka nga hi. Pasian nai a iva pai chiang ingai khia ja ja in tha inga ding hi. I gen tam ja ja in ama ki kawi Kaang ding hi. 

 Ka gei a lup hit hiat ka tanu khu himi ka gel lai tahin khawl lou in ham in, thu hing dongin, thil hing ngen ngen leh ka ning  ki tel ding hi. Ahiin ka gel a dam tah  leh dai tah a um hit hiat in  a poimaw, adei teng ka thei sa ahi ngal a. Da chiang a ka piah ding a umsa ahi ta hi. Nehthei ka koisahsa um hi.

Pasian nai a i umchiang a  hoi pen khu dai dide a um ki jil ding ahi. Tua mi in ki um sawt thei pen hi. I va ham ham chiang gen ding i thei nonlou chiang Ki ning tel in ki pot khia ut hi. Dai tah in um hit hiat lei Ama Hagau in awl awl in hing pawl ding a, hing khawi ding, hing tuam kim ding a,  atawp lam chiang I lungtang hing nou leh hing tui suah ding a, tua chiang thumna kam teng Hagau Siang thou apat  in i lungtang ah hing piang khia ding a, tua ching i thumna point ding hing um ding a, Pasian lungtang sukha ding thumna kammal te hing ki luangkhia jung jung ding hi. Tua hun chiang tawp thei non lou a thumna, Hagau a thum, Pasian pawlna kichi te nang zong bang ahi chi na thei ta ding hi. Tua khu dai tah a ngah gaa ahi. Or dai tah a ngah te Nuam man ahi.

Ravi Zecharias in alaibu “Recapture the Wonder” ah “ Over the last few years I have made it a practice to rise early and do down to a room alone. I pace the floor, I kneel, I read,, only to listen” ( 159) chi hi. Umjie khu Ravi in jingkal matah in thou a room ah ama ngen in, tuanglai ah boh Khup, Khup din in, laisim in, Pasian aw ngaikhia ding mai in um hi chi hi.

Nidang a Pasian mijat John Chrysostom in thumna khu “The mother of a thousand blessings” Ana chi hi.  Thumna khu sangtampi gualzawlna kipatna NU ahi chi hi. Ravi in hitoh kisai a belapna ah “If prayer is indeed the root, the fountain, and the mother of a thousand blessings, IT IS HERE THAT WE WIN OR LOSE” (163)

“Thumna khu singtampi gualzawlna kipatna nu ahileh Himun ah i gualzaw leh guallel ki nga hi” chi ahi.  Tunin nang buai leh buai lou thei sing. Sunni tum a I gal jaw leh gallel khu ijingkal thumna ah ki nga china ahi( period).

Khujieh in Tunin I ki dot ding khu:  Tu jing kal Pasian na va tham Kha tai? Pasian na va khoi tai? Pasian Nai ah na va ki tat tai? “Mangpa Hing khoi ing ei” Mangpa nang ah hing ki phual ing ei. Na pang ah hing ki tat ing ei. Nang kim ah hing khawl ing ei? Na pang ah ham lou in daidi in hing ngah ing ei? Chiin I Mangpa va tham Chiat vai e le.

Mangpa’n ama jingkal teng a va tham ding in A Hagau Siangthou in hing kai nai jing ta hen!

Topa Thupha!

Shalom!!

Next ah: “Discipleship is all about loosing”