Ui-te khamval bek omthei lou ding maw?”-Canaan numei nu thungetna
Ui-te khamval bek omthei lou ding maw?”-Canaan numei nu thungetna
Pastor Dr Dongzathawng
Lawm it tah leh Prayer partner ngainat tah te Jingkal pha!
Pasian Hagau Siangthou in tuni jingkal apat in a pawl na dei um tah toh hing ve ta hen! Tuni khu nang ading a kipah na leh gualzaw ni hing hisah ta hen!
Text: It is not right to take the children's bread and toss it to their dogs. Lord," she said, "but even the dogs eat the crumbs that fall from their masters' table.” Mathew 15:26,27
Zannin ka biah inn uah nau min phuahna ka nei ta uhi.
Number 25 a Isreal nam pumpi nungtawl a( apostate) Balaam thuhil a Moab mite toh thanghuaina. abawl lai un Pasian lung thah in mipi te lai ah natpul ( plague) tung sah hi. Ni khat in mi 24,000 shi uhi. HIbang lai in Arron tapa te PHINEHAS kichi pan Tei la in Isreal pasal leh Moab numei ang kawm laitah dawt pai let hi. Tua mi Phinehas pan lah khu Pasian lungkim mama in natpul khawl sah hi. Tua mai hilou in Pasian in Phinehas toh kumtawn ading in SIAMPI hina thuhun bawl pi hi. Ajieh pen Phinhas in anampi paikhial te Pasian lungthahna a khawlna ding in ATONEMENT bawl sah hi chi ahi.Khujiah in a Bible min ding in PHINEHAS ka la hi.
Tualeh A pu min S. Khupminthang apat in THANG ka la hi. Tualeh A last name ding in FATHER OF MODERN REVIVALISM kichi Charles Grandison FINNEY min tawpna FINNEY ka la hi. Charles G Finney khu 19th century apat tuni tan a revival tung teng teng te adia FATHER Kichi ahi.
Khujiehin ka tapa minding in PHINEHAS THANG FINNEY ka hi sah ta uhi. Kum 5 paita a ka na phuah uh ahi ta hi. A -u Khum RImoi pian ma pasal hiva chia ka na phuah khah ahi ta. Ka ta ten zong a nung sung a um apat massang kum 3/4 ma a Thang Finney chia ana kou kou uh ahi ta hi.
Tuni tan a gamla leh nai a Nau-etna hing pia hing thot te jieh in kipah thu hing gen jel ing. Apia lou te kisuan la ngai lou. Na hing thum sah ua na hing kipapi uh hun mama ta hi!
Tukum vang kipah na ngen abanban in hing tung jung jung hi. Pasian khutuana leh hoina abanbanin ka in sung uah hing tung jung jung hi.
Ahiin janni ka sermon na HEALING THROUGH FORGIVENESS ahi a ka sau gen seng a kisuang la huai ka sa hi. Tualeh ki hisahna kam teng, leh lungthahna kam teng neu khat khat ka suah doh kha a ka kisuang la hi Ka lawinu’n inn ka tun in hing gen sah hi. Thei lou kal in ki letsahna hing lut kha hi. Tujingkal in ka thumna ah hibanga ham nonlou ding in ka kilan hi.
Pasian thugen ten ithei lou kal a judgemental, condemning, leh vindictive tah a ana ki ham kha jel hi.
2. Tulai USA gam a Military centre tuamtuam tung lam ah China te Balloon Bus 3 dawl ding khop a lian khat leng kual kual in atawp in USA fighter jet in kap sia. Anglut ma kap khiah chang jong thei lou uh. China in USA chou chou ta. 2025 chianga a USA leh China ki dou ding chi gen pawl um ta. USA president a chau chiang koiman jau non lou.
3. Donald Trump toh primary a ki khing ding in Trump in ana siam doh, ana dopsang, post hoi pen pen ana tuih sah,koima thei phah lou aman ahing tahlang te abanbanin a boss pa uh toh ki dem ding in kisa uh. Maijen… ana siam, asuhlar, pan mun hoi pen pen deisahna sangpen toh ana guatte a dou ding a hing ding khia jung jung uh chi himai jen…eg Mike Pence, Pompeo, Nikki Haley, Ron Desantis etc etc…chapang thip tang chithei ngen hi uhi. Leitung vang hichi hijel mai hi.
TOPIC ah Lut ta vai:
Mathew bung 15 a Canaan numei in atanu dam na ding a thumna khu thupi hi. I Mangpa Jesun jong thupi sah in pata hi. Ama khu Isreal gam mi hilou. Pua lam mi, gentile me UI(dog) toh tekhin namte ahi. Hinanleh a kingai niem naleh a tahpan na in lawching sah hi. Ama pansan chuh “Himah e Mangpa. Ui hi mah ing. Ahiin Ui in zong a pu neh val kipai te ana taang in ne jel hi” chi hi.
Himi nu thumna khu 1980s lai in ka naupang lai, ka piang thah tung lai in AGAPE/ Shihna Kigozo vol 3 ah pu Thangno in asah ka na byheart hi. Tu in ka ngai thah thah kia a, a musih him him jong tulai worship music thupi tahtahte sangin zong thupi kasa jaw hi. A la hileh a aw hileh heavily anointed song and music in ka thei hi. Himi ka gel lai inzong ka ngai ngai hi. Canaan numei toh kisai sermon leh article sang in zong hing inspire jaw in ka thei hi.
Agape/ Shihna kigozo fan ten na thei siam ding uhi. A chang ah ala ngai kawm in ka kap hi. A music leh ala in Jesu leh canaan numei nu ki houding dan imagination tampi i lungsim ah hing pia hi.
A thuteng sim him him phot vai:
Ata damna ding Zeisu kiang thu ong ngen
Tate nek ding ann ui pia ding maw
Canaan numei Topa ci
Ui-te khamval bek om thei lou ding?
Canaan numei aw na upna bang in
Na tanu dam zo ta
2. Canaan numei aw limtak ngai sun pha in
Israel mite bek agum ding ka hong pai hi
Nang na hileh kong huh zo kei ding
Hih thulim tak ngai sun in
Hihhang tuni in nang leh ken gupna ngah thei
Ait huai lou maw na neih pih ma
Hong it veve hong gum khia
Himun a ala phuah pan abelap ahileh Ui-te kham val beh Umthei lou ding maw? chisah jawmah hi. Pute kham val neng Ui-ten ne ua, tua Ui-te khamval ngen in himi canaan numei nu Jesu kengbul ah thum hi.
Nang leh kei gingtu bang jat vei Pasian keng bul ah tual puang lah a mai tang tual ah koi in Jesu keng bul ah himi Canaan numei nu bang in a hepina ngen in i um kha tai?
I ki hisah na, i ki bawl thei sahna, ih IGO in hing dal in hibang hahsa isa hi. A hiin inget sah ding i tanu din mun bei dot huai dan thei lei hamsa isa sih ding hi.
I ta dam lou, i inn sung dam lou, i pasal , i ji dam lou, i hattuam dam lou te ading in Pasian keng bul ah canaan numei nu bang in Ui-ten a pu nehval angah bang in ingah kha ta uai.? Ahilou leh hisang a ngiam zaw nalai UI-Te neh maw ngen in i thum kha tai?
Mangpa’n hibang thumna a tate a ma be te lai a mu vaang mama ahiding a kipapi in patat in athumna dawng sah hi. Thil hithei lou, bawl ngei lou, dan toh kituahlou hina pi hibang a tasam kisa leh kingai niem te nual thei lou Pasian in bawl sah tei tei hi. I Pa Pasian hina leh lungsim toh hibang te nual khu ki mil thei lou hi.
A hina ding a ama leh ama kipia-hepina a hausa ka hi. kichi pa ading in hibang tasam thumna khu nual thei chi hilou hi.
Canaan numei nu ki kawi dan leh I Mangpa hi-na ki mil chet hi. Tuajiehin tua a ki mil te gel ang ki tuah khah chiang MIRACLE piang chet hi.
“The sacrifices of God are a broken spirit; a broken and contrite heart, O God, you will not despise.” Psalms 51:17.
Pasian in anual thei lou, kilatna um hi ei unaute. Hibang kilatna nual ding or “hithei lou” chi ding khu ama mi-hina toh kituah thei lou hi. Ama mizia hilou hi. Tuami kilatna thuguh khu himi canaan numei in jang kha ahi chiang in I Mangpa Jesun nual thei lou hi.
Nang speaker bang jat vei Jingkal phalvah in Mangpa kengbul ah tual a boh khup in Pasianin pulpit a na din chiang a A khut na tung a a um na ding in canaan numei nu bang in Uite khamval NGAH in na um kha tai?
Nang pastor bang jat vei na belam liam leh bai te, ann ne lou gilkial te, vah mang te ading Pasian hepina Uite kham val ngen in tual ah na boh kha tai?
Nang mi pa bangjat vei na family damna ding leh na family etkolna ah Pasian hepina ngenin Uite khamval nah in Pasian keng bul ah hun bang jat vei na jang kha tai? kum10 sung LCC pum pei a na ki pei a, committee a na pang a, hattuam ading a na tai le le sang in khatvei tah boh khup in tual ah Jesu kengbul tawp in, apuan mong a kikhai in Canaan numei bang in Mang pa Hing he pi aw… chiin ki luai leh chin na inn sung vang pha jaw dinghi.
Nang piangthah Nu* na pasal luhlul leh kideih khop, na ta te ta hil lou bang a umdan thei lou, a sial a sial, mobile addict siang leh na inn sung gammang bang ading in Canaan numei nu bang in Jesu puan mong tham in nual a na um khah leh zong nua kia lou ding in, I Mangpa lungsim na suh khah masang sia tawp lou ding in thum in la, UI-te khamval beh hing pia in chiiin thum thum leh chin na inn sung a dingin damna leh masawnna um jaw ding hi. Kum 10 val hattuam leh nu pawl a na hun teng na tha teng na piah sangin na inn sung in phattuam pi jaw ding hi.
Tunin gingtu" te iki challenge utna ahileh koi teng Thugen siam* ? lasa siam leh minthang? koi teng Mizo channel crazy ? changkang tah a Pasian nasem ding? koi teng hattuam a post lian tang? Koi teng bang seminar bang conference a speaker ding a invitatin ngah? ,koiteng foreign a jin? koi teng USA te partner leh chial lu tam? Koi ten khawmpi chang kang thei pen a nei? Koi te album nal leh changkaang? Koi te offiice hoi? chi te hilou in *Tuni koi koi e Jesu keng bul a UI-TE NEH VAL UI-TE KHAM VAL NGAH DING A UT* ? chi ahi iki chial na!
Mizo channel teng na etna leh youtube sermon teng na ngai sungin na room ah paiin la I Mangpa kengbul ah UI-TE Khamval na tate leh na inn sung a ding in va nget sah leh chin I Mangpa kipah jaw ding a hing na kipapi in na lam-et lou na ki nep lou tan zong hing na pi ading hi. Himun ah na inn sung buaina teng venna ding, na pasal damnading, na tate hinna ding , na hattuam damna ding UM HI. Gam teng natai kawi kawi leh na buai na sah deudeu, ka puah gih kibe be in na lungsim paigang deudeu tawl nga lou deu deu hi.
Tunin Canaan numei lampi jui ding, Jumna leh jahna khawsah lou a, miten bang agen ngaisah lou a I tate damna ding ahipou leh Jesu nung a ki luai ding, a hing dawn masia lampi lah a Ui-ten mi neh val a taan bang a Jesu in midangte apiah val va taang ding, ?Ahilou leh jong tua UI jong tuh lou a, Ui -te neh val tanpha va taang ding gingtute koi a a ut ???…
Aw keivang tumalam in I Mangpa Jesu kengbul tawp ding Pasian in hing musah a, aban ah a puan mong a ki luai ding hing jil sah hi. Tu in Ui -te neh val ngah a I Mangpa jui ding chi ahi ta…
A ut ut in na hing join thei ding uhi!!
Mangpa’n Canaan numei nu bang a mite lai ah hing ki belap sah ta hen!
Topa Thupha!
* ATung ala “Canaan numei khat” kichi Shina Kigozo vol 3 Youtube ahg ana ah ngai him him in la athu te ana meditate aw. Koi sermon, koi article leh Koi Mizo channel tam pi sang in hing khoih jaw ding hi.
No comments