HOW DO I KNOW THAT GOD IS HAPPY WITH ME?

HOW DO I KNOW THAT GOD IS HAPPY WITH ME?
Pastor Dr. Dongzathawng
Fellowship of Thirsty Souls
Devotional # 52 ( Vol 4)

Thirsty Souls simtute  Shillong Huivawt Hieu hieu leh Nisang engsil sel apat in Jangpha leh Mangpa Hepina jingsang teng thah jing in kipahna thah na hinna ah hing tung sah ta hen!

TUNI TOPIC: "HOW DO I KNOW THAT GOD IS HAPPY WITH ME?"

TEXT: 

Psalms 106:30,31. “But Phinehas stood up and intervened, and the plague was checked. This was credited to him as righteousness for endless generation to come.”

Introduction: 

Nau ngeh tuni 24 na tung ta. Normal a nei hinanleh bottle feeding ahi jieh in nu leh pa chuh ki am chiai chuai hi mai. Jaan ah 2/3 vei kithaw ngai. Nau leh anu hiselna ding in hing na thum pi jel vaw.

Tuni tan a  Nau-etna  nei nai leh gamla a te jiehin Pasian ka phat jing uhi. 

Tulai USA politics jong jui man sing. Turkey a jinling jieh a thuah te thum pi vai. Meghalaya a election ha ahi ta a, ei lam toh vang sun leh jaan in kikhia vawt e.

I gam din mun leh maban thummi te khut ah ki nga chi mang hil sih vai. A ban  ah I nam min leh hun paisa lung thah na te mang hil a ma ban ding i et ngai ta. Mimal leh mahni nam chaoh interest en lou a maban a i khangsawn te ding khualna eima interest leh eima ngai dan se se chite i pai hun ta!

Tulai sildang buaipi Lou a ka tapa ngeh leh ka book project mai buaipi ka sawm leh *misiangthou thumpi tute toh ki jop na suh tan bang in ka ngai a ka hing jou sih hi. Khujieh in ka hing gel vevaw ahi.

THUPI AH LUT TA VAI:

“I tung a Pasian a lungkim leh akipah bang chi thei ding?” Pasianin ata nu atapa tung a lungkim chiang agen dan tuam tuam(GESTURE)  um hi. 

Tulai ka tanu Jemima Vahdeinou  kum 9 in a school lut nailou ah jieh in  jan sawtpipi tan  anu panpi in nau etkawl pi hi. Kei apa kipah mama in ka kipahna lampi tuam tuam ah ka lang sah hi.  Ama hing nget ngai lou in kei ma’n atung a ka lungkimna suhlatna ding ka ngai tua jaw hi. Achang ah Pasian kung a i nget nget sang in a lungkim na ding in um kha jaw lei ama’n ei a ding a hoi jaw thei tham hi.I nget nget ua lungkim lou sa sa ahing piah sang in ama lungkimna ding in um lei aman ei nget ngai lou in hing pia jaw mama ding hi . Thum lou ding china hilou in i thumna khu I nasep hoi leh thumanna  in a back up ngai hi.

Abraham in Pasian in a ngetna bang a ta lat ni in Pasian kipah seng in tangtawn ading lawmta hi ding in kichiamna nei pi top hi. Tulai hileh Pasian  in a JAWLPA ding in Abraham namdetna thuhun bawl khum hi. 

Tuama bang in Aron tapa Eleazer tapa Tangval PHINEHAS in jong Isreal nam buppi tung a Pasian lung thahna atung lai in a hangsan leh Pasian ading a tawmngaih( zealous) jieh in a Isreal nampi a Pasian thangpaina tung khu khawlsah jou hi. Tuapen Pasian lungkim seng in tangtawn ading in siampi hina huhun bawl pi hi. 

Numbers 25:10

“The LORD said to Moses, “Phinehas son of Eeazar, the son Aaron, the prieit, has turned my anger away from the Israelites. Since he was a zealous for my honour among them as I am, I did not put an end to them in my zeal. Therefore tell him I am making my covenant of peace with him. He and His descendants will have a covenant of a lasting priesthood, because  was  zealous for the honour of his God and made an atonement for the  Israelites”

David jong a tapa in a lal inn huang apat a del mang lai a, a lutang a vutvai ki buah kawm leh keng guah a kap kawm a gam lam naw a, atai mang lai in lam kal ah Shimei in a awsie neiteng in ana hamsiet hi, Tua hun a David in a ngaisiem dan leh dawthei tah a ana dawn dan( response)  in Pasian lung kim mama ahi ding a, sawt lou jou in Pasian in a leng inn pi a thupi tah a pui kia in , alal touna pia kia hi. 

Tualeh himun ah David hagau mitna thuuh dan kilang hi. Pasian amuan dan himun ah kilawm tah in sulang jou hi (2 Samuel 16:5-14). 

Pasian ikipah sah ut a, Pasian hina lou pi tah i suh lat ut leh nop sah hun, lawchin hun, hausat hun hilou in hamsatna huai siet tawp,guallelna leh mualphouna huaise tawp i tuah chiang Pasian i muanna suh lat khu thupi pen hi. I hina tah tah  hih hun ah hing  kilang ding himai hi.  

Job tung a Pasian lung sim seng seng in Pasian in thuah ding a  ahun se ang chin chin in Job jong flying colour in hing pass a, Pasian in  alah sah teng teng a double a double ngen in pia ki a hi. Atate vang double. a piah ngai lou hi.A jieh pen khat jong mang( missing) lou in Pasian ang sung ah bit tahin um uhi. 

Thil khat fuh deu a bawl khah jieh mai mai un Pasian in Abraham hi in JOb hi  in David hileh Phinehas hileh tang tawn dai ding in Pasian in hamphatna pia hi.,

Pass lop leh, inn lop leh gari lop leh kham lop te ah Pasian min i thupi sah a ahoi hi. Ahiin Pasian min suh thupina ding a hun  hoi penpen khu gentheina, hamsatna, mualphouna, tahsapna tawpkhoh, giuallelna, lawsapna, damlouna hun te hijaw hi.

I tate lai a van kitu a ahing kibuai ua, ei anu apan gen hahleh  lep hah isah mama chiang in I tate lai a khat pen pen in dawthei tah a “ut leh khawh sih,,, kei a pen pe  mai vang, ken ngah mai vang, ken tan da mai vang” ahing chi thei chiang in  tua i ta tung a i lung kim dan, ahing pan pi dan. I buaina teng hing suh veng pi himai hi. "HIbang a lung gel thei i ta tung a i kipah dan nu leh pa atuah ngei ten i thei siam ding hi. HIbang lunggel siam i ta tung a a nuam man ding khu ama uh gen jong ngai non lou hi. A chi chi pia ding a mansa ki hi mai hi. 

I Pasian in atate a ki buai veng vung lai chiang AMan zong khen tuam nei lou in thudih in vai hawm ut hi. Koi ma su na ut lou,  a unpi ua kibang in vai hawm sah ut hi.  Achang ah hibang kilem thei lou, mahni masiel ngen, du am ngen ta te khut ban jep ut ding hi. Hinanleh ei atate lai a Pasian ana mu thuuh deu, ana thei chian deu , a ginna hat deu khat in ama ading hamphatna khat ahing surrender ngam a, ama aning khat a a um thei a, ang dai di de chiang  hibang Hattuam  buai te lai ah damna hing ki ha khia( release) a, hattuam ding HINNA  thah hing lut hi. Tuami khu hattuam leh gingtute khanna ding a poimaw mama damdawi hing suah hi.

HIbang a Pasian mite leh hattuam  buai siet ding lai a  damna ding a ama hamphatna leh ama interest tomkhat a ding ana lankhia ngam gingtu khu tua hun a ding  in guallelpa, ham thei lou pa, ham jou lou pa hi phot nan leh Pasian in hibang buai hun a avan jat thei, ana daw thei, lung gel thei gingtu khu mang hilou in* 

HUN HOI EN tou jel in hibang gingtu thumang pa/nu khu thupi tah in bang hun  e khat in hing dawm sang in thupina leh jatatna hing khuh sah hi. 

Tua hun chiang in tu ma lam a hamphatna leh tanvou dei a ki tu leh kihau te or pang khawm te  khu tu in a dei uh hamphatna, a del del uh gualzawlna leh tan vou te in a hinkhua uah buaina hing piang sah in, A inn sung leh hattuam  leh a hagau hinkhua hing NE SIA in tua a del uh a kipapi uh hamphatna kichi , alop lop  uh khu a man thai na uh hing suah in, a mualphouna uh hing suah ta hi.

Tumalam a guallel leh bangma tang jou lou, koi ma thu lah lou, ham jou lou a a ning khiin pa uh tung ah tu in Pasian DEISAHNA KHUT  Thupi tah in ki nga jing  chi mu ta uhi. 

HIbang hi ei unau te: Pasian leng gam kivai hawm dan leh leitung lenggam  kibang lou hi jaw ei. Pasian lenggam ah  leitung leng gam a, ahat lou te hat a, a ngiam te sang a, a dam lou te dam a, a jawng te hausa a, a maw te a pil suah a, agen thei te kipah in , a guallel te gualzou hi jaw hi.

Tu in i topic ah lut kia ta lei I Pa Pasian khu ka tung a kipah leh kipah lou, alung kim leh lungkim lou ka bang thei thei ding? Lam lam a diang diang a, hattuam a ha pan a ka pan chiang a lungkim adiei. Kikhop teng a thu ka gen a, mi mu ding a ahoi thei pen a ka um jieh a lung kim ding adiei?

 A tung a Abraham, Job , David leh Phinehas te apat i mu danin thumanna, daw theina, ja ngai theina, thuah jou na, ngai dam jouna ah Pasian lungkim ngut ngut chi imu hi.

Hamsa kawm kawma, naa sa ngut ngut a, mihing  maipha en lou a Pasian ma lungkimna  ding en ve vaw a i thuah tun tun na khu Pasiian in kipapi hi.

Warren Wiersbe in alaibu On BEING A SERVANT OF GOD ah 

“When God wants to encourage you and let you know that you’re measuring up, He sometimes prompts people just to say thanks, They might phone you, write you a letter, or perhaps thank you personally” (64)

Tunai in na kung ah mi khat  beh in "na bawl hoi” “kipah ing” chiin ang phone kha tai? KIpah thu ahing gen kha tai? Tua mi khu Pasian in na gim thuah leh na genthei leh na sil bawl hoi a kipapina GESTURE mi te tung tawn ahing gen sah ahi. 

Weirsbe ma in :” Sometimes the LORD encourages you with a very special answer to prayers. It’s His way of saying, “I like what you’re doing and what I am seeing in your life” 65)chi ahi. 

Company nasem te a  CEO ten cctv ah a um dan jousie en jing uhi. Tua employee lai a bawl hoi te record um jing hi. Tuachiang a bawl hoi te mipi mai ah promotion or speicial gift or card piah in um hi. Tua chiang mipi ten lamdang sa uhi Or kipapi uhi.

Tua mi um jie khu kum hujat chitah tah pang pa /pang nu khu company nei tu pa’n a kip akawi in chiam te  in  a tawp in atung a lungdamna mipi mai a puangkhia chi na ahi. Pasian in tunia ana et et khu mite nuai sietna, tahsapna, gentheina,mualphouna, ning khiinna kal a bang tan in ama min i pang jou uai?chi ahi, AMan ana chiam te te hi. 

Tunai in Pasian in na thum na a dawn chi chiang tah a na thei a um ei? Thil lian himai thei. Thil neu jong hi mai thei. Ahi vang a Pasian a kipat ahi chi kichian tah a na thei a um ei? Tuami in agen ut khu “Na tung ah ka lungkim mama, Na thil bawl khu bawl jel in. Kang kipapi mama hi” achina hi ding hi. 

Wiestbe in agen jel na ah :” Another evidence that you ‘ve been measured and approved by the LORD is the opening of new doors of opportunity”( 65).

Tukum thahin hattuam LCC or assembly or veng sung , nam sung ah mawpuahna pan mun thah piah in na umkha ei? Bang e khat a guat leh telching in na um kha ei?

(Pan mun dei a campaign bawl a vote hol te vang himun ah huam kha sing). I gen ut khu Pasian in tukum a panmun thah, sepna thah, maw puahna thah a hing tuh sah leh Aman ami siangthou te tung tawn a gen ut khu  na bawl hoi hi. Bawl tou jel in” ahing china GESTURE ahi.

Ahi lou leh nang Pasian thugen : tukum mun tuam tuam ah chialna  thah na mu ei? Na pai ngei lou gam a paina ding chialna na mu ei? Tuate in agen ut khu “na bawl dan, na sep dan, na hin dan kang kipapi mama hi. Maban ah ka hing dei a ka hing jang ut” achina GESTURE Ahi. 

Ahilou leh tu kum in na inn sung ah thupha jat jat aban ban in, na lam et lou a hing tung jiah jiahin Pasian hoina in ahing vuh khum a, a hing vuh let ei???

Pasianin “ka tapa /ka tanu  aw kum lui hun a ka miin a na thuah dan, na gual lel dan, na gim dan, na mual phou dan, na mittui luang  teng ka thei suah hi. Tuin tua na thuah ga te aban ban a hing musah ding ka hi ta hi” achina ahi. 

I Pa Pasianin atate  a aman poimaw hun ajat thei na ding mun a awng hu a pang te, amin a ana thuah jou , ana ngah jou, ana daw thei, ana ki su awng, ana ki sacrifice te thei mama a, tua te tung akipahna abawl dan ding leh hun jong thei mama hi.

Athupi pen khu Pasian lungsim kipah sah ding a nundan ka jil ngai hi. Mangpa’n ama kipah sah a tapa / atanu te hi ding in A HEPINA toh hing kem in hing tuam ta hen!

Tuni Mangpa’n  a tung ua a lungkimna a latsah a ta te tung ah kipahna kang lou in luang let jel ta hen!

Topa Thupha!

Shalom!

Next ah BUT THE THING DAVID HAD DONE DISPLEASED THE LORD”  (2 Samuel 11:27)