WAR TIME PRAYER # 15

WAR TIME PRAYER # 15
Pastor Dr Dongzathawng

Ka unau laizomte chibai leh salaam. Thirsty souls a “Boundary and Discpline for Your children” chi ka gel sawm lai in zan nitah RAINBOW Channel ka ngaina a ka thujah khat ziahin "War Time Prayer" gel ka sawm nonlou khu geltha kia dingin ang inspire hi.

Topic a lut ma in Kipathu gen ding leh thumpi ding neu khat:

• Lamka to Kangpokpi lampi tunia zatthei ahi taah man in kipahthu gen vai in, lawching tah a aProject zawsiang ahi theina ding in thum vai in. Lampi bittah ahina ding in jong thumpi vai
• ZO United te hing kipanta. Mailam a global march jong um ding hi.
• World Kuki-ZO intellectual te jong thumpi vai. Ama un memorandum leh press release national leh international level ah khollou in bol theithei abol jiahjiah uhi.
• Mun bit leh nuam a umte iki tawldam vang un frontline ten tawldamna hun mulou uhi. Kiging sa a um gige ngai. Thumpi zing vai. Eite'n tukum Christmas plan tuamtuam i bawlsawm lai un amau(frontline duty te) ding in Christmas nop tah a man ding pen mangmat phah hilou.
• Apoimaw pen khu i UNITY uh suhsiet ahilou teitei na ding in thum vai.

TUNI TOPIC: I DEMAND UH I SERIOUS TAHTAH ULEH I AGRESSIVE DEU UH NGAI TA!

1. I movement uh toh kisai a MIZO BUS, MIZO Umbrella te ka hagen seng a koiman lah ahing ngaisah sih a, vai lah a junthah bang achite uh hita. Khujiehin News te jong ka follow non sih a, MIZO channel te tanpha ka ngaingam non sih hi. Mi’n hibang in hing huai nanleh eite i naisai sih uhi. Tom khat thuah dildel phot lei khatvei chuh i hing khanglou ding ua, hinanleh a vaigei ta ding hi.
2. Ahin hibang a bangma ki lam-enlou a ka umlai in zan nitah in Rainbow Mizo Channel ka ngai kia leh thilkhat kaja hi. Abul lam in Rainbow in a Fund Raise khu a 4 veina leh atawpna ding hi ta dan in hing puang hi. “Bangdinga topsan sawm ata de aw?” chi'n ka ngaitua hi. Eite mijie hing mu a phatuam salou ata de aw ka chi hi. RAINBOW maimai in frontline te ading a sum ang thot khiah khu Lakh 40 lam ahi. Tuabangin ALpha Production leh ZAMZO leh MR WHIEEL CHAIR ten jong theitop in Fund hing thot uhi. Lungkiah huoi vot hi.
3. Ahin a tawplam ka ngai leh Tengnoupal lam a imi te'n MIZO a ki declare ding in MIZO accord umsa khu pansan ding in MIZO min a movement bawl pat ding hita chi mi muanhuaite apat ajah dan ahing gen khia a, RAINBOW pa jong kipah mama hi. Tuami goodnews in ka tha hing thousah kia hi. Gintatlou penpen eite a ding a district neupen in ina duthu samsam uh MIZONIZATION, MIZO BUS, MIZO UMBRELLA i chichi khu hing piang doh ding hitaleh kilawm hi. Adang te'n a jui thei leh i movement uh ajiahjiahkhat hing um ding hi. Lamka lamte lah gengen mai, a hoi ding dan leh a loutheilou ahi dan gengen mai lah kipan thei mongmonglou. Bang ki muanpi jong ihi uai? Lungkham huai!!
4. Tualeh kei mudanin i movement uh khu AGRESSIVE ngai kasata hi. NIA te leh CBI te mi matdan uh, Delhi lam a thot paipai dan uleh i galvante uh ahing lahsuah dan ukhu dih nonlou hi. Bang ekhat bolngaita hi. Bang ekhat i bollou leh awlawl in hing bei toutou ding ua, tangtheilou in hing koi ding ua, tua chiang MEITEI tulai tah a training lellel a sangsang a simte'n thakhat in hing bei ding uhi. Tua-chiang in ASSAM REFLE te toh pang khawm in hing bol ding uhi.

5. Khujiehin Manipur govt. khu Total Boycot and Total Non Co-operative movement i pat uh ngaita hi. I demand ua i serious tahtah uleh, India govt leh Manipur in ang piah ding chia i ngah maimai lou ding uh ahi. Ingah maimai uleh bangbang e khat hing um van, ANIMAL FARM NOVEL a bangin i leader te uh a guh in ana ki khawng mang va un, tua kaal in eite kaal ah KUKI fanatic leh ZOMI fanatic te'n a boljel bang un I UNITY uh hing susie va un, SIALMAT LEI khu i boundary uh hing hi kia ta ding hi. Tua chiang in ZERO apat ki pattha kia ding dan jong hithei nonlou ding hi.

   Kei buaina khu i demand uh lawching leh chinglou mai hilou in i lawching zou chiang ua i ki vaihawm ding dan uh ahi. Ei leh ei ki vaihawm ding khu bang ing suah ding uai mah? MIZORAM in ang etkol lou leh ei leh ei aki jatatlou ngen ki vaihom ding? I hithei lou ding dan uh musa ahi. FLAG jieh maimai a jong abuaibuai pan ki hi ta.

6. A langkhat ah DRUG jua a kivei te'n MIZORAM tungtawn a anasep uh khu nga tuan sih va un, nidang a “Churachandpur apat chia DRUG KG” kichi pen "AIZAWL apat DRUG KG" chi in NEWS a hing tuang ta van, Unau MIZO ten koi ZO NAHTHLAK INSUIHKHAWM malah ah Mizoram suminsia chi in MIZORAM a um ding in jong hing dei lou in hing delkhia ding uhi. I Unau Mizoram ten ihina tahtah uh ang thei ua, ang thaa-siet ua, ang ning ma un ama uh toh i bolbol ding bol kinkin vai.
7. Khujieh a hun ang bei a, bangkim ang kichai ma in Manipur apat thil photphot Total Boycott bol hunta hi. Umjie khu DC, SP, SDO, etc te i khopi a i tou sah lai sie Manipur govt in hiate tungtawn a ahing etkol leh ahing control leh ahing dou jing uh ahi chi mang hil sih vai. Hia teng ing del khia ua, ing beisah chiang un Manipur in hing thunei khum thei nonlou ding hi. Saparate Administration i chichi u khu hing tahsua pan ding hi. Maban ah hia office te khu BIREN a ahi jingjieh in hih office te tungtawn in thil zat tuamtuam hing bawl na lai ding hi.
8. Ahi'n hibanga I um ua, DC Office, SP office etc te i suh beina ding ua PREPARATION hoitah inei uh ngai ding hi. MIZORAM mama hoi deu a i bel ua, MIZO ACCORD mama i pan san ua, MIZORAM govt in Manipur nuai a employee tengteng ahing absorb uh ngai ding a, Education board leh office jousie MIzoram govt nuai a ahi ngaita ding hi. Tuachiang in MIZORAM in jong i gam a resource um tengteng ang control ngai ding hi. Ajiehpen kumpi nasem hi jat law ahing pia ding jiehin i gam a resourse teng jong income umna ding a ahing chalai ngai ta ding hi. Tuachin i gamgi teng ah nikhat thu in MIZORAM ARM FORCE te ding dim ding a, ei Volunteer, i tangval teng khu MIZORAM police or IRB himai ding uhi.
9. Hia atung a kigente khu mothuai, haihuai, ngolhuai leh realistic lou nasa maithei ding uhi. Thil ithei seng ua, i musau seng ua, i khual thuh seng ua, high level in i en seng ua bangma i bol ngamlou uh ahi. Ka genjel bang a i ki mot thutuah phot ua, i ngolpan uh ngaita hi. MIZORAM a unaute toh iva ki kup chiang a jong ENGLISH nal tahtah toh, smart tah a ROUND table conference dan a kikup ngailou hi. NEW LAMKA a 5 STAR HOTEL a thugen pa khat dan hileh “I pupa te ki dress bang a ki dress a MIZORAM assembly suut khuam iva tuh ding uh” achi dan hileh ki ngolsah deu mai a, leh panpi ngai tah a, Bible a Gibeon nam te'n JOSHUA ava approach dan ua (juau thu chuh hilou ding in) helpless tah a iva kituhlut uh ngai hi.
10. “KUKI ka hi”, “ZOMI ka hi” chia eima ki muang kawm leh eima hina tudet teitei kawm a leh MIZOte toh level khat dan a i va houlim ding hinonlou in. “Nou thuthu ka hi ta uhi. Hing gal panpi nonlou in, nou mama in hing lamkai unla, nou makaina toh ipai ding ua, nou chichi in kang jui ding uhi.” Chia iva ki tuhlut uh ngaita hi. Bangjiehin ichi leh, i SURVIVE na ding uh lampi dang um nonlou hi ziah in. Tualeh MIZO umbrella leh MIZO BUS khu thilthah leh thil tuampi khat hituanlou hi. MIZO Accord umsa i sutjom ding uh hijaw hi.
11. MIZORAM in MIZO min nomenclature ang pom ding ua, Duhlian trawng a pom ding lai un debate tampi um ma ding hi. Ahiin mahni hihna leh min leh ham neunounoute ang paikhiah uh ngai hi. Ajiehpen India pumpi in a jatat leh international tan a ki jatat thei ding NAM leh Gam khat bolna ding in tua bang in lungsim neuneu te vui mang in lungsim lian tah ana pua uhi. Tunin MIZORAM in golden period Vanglai ni jarjou jiehjieh uhi.

EIte dark age, turbulent decades, cursed tribes, poppy, terrorist, drugs te toh ang ki et beh lai in ama un GOLDEN PERIOD mang uhi. Hibang a golden age jarjoute'n a nopsahna uh, a khang hoi uh a vanglai ni uh jarjou pi ding a aunau laizom chia ahing jawljawl lai un eite luhlul leh ki hisah deu mai in “AIZAWL a ipi a gah bolbol u ham?” kichi nalai hi.

Genkhial leh genval, gen chinglou a um leh lah ki ngaisiam mai vai… koima 100% thei ki um selou, bangma hihmi hoipen leh dihpen leh lempen ding chijong genthei umtuanlou. Thei dandan mu dandan a ikikup tua zel ua ahoipen dia igel te uh i juitou jel ding uh ahi…

Wake up my people… time is running out.. the battle is raging..

Similar writings

Thursty Souls