Delightful SPRING comes after cold WINTER Or Happy Winter Comes After Terrible Monsoon

Delightful SPRING comes after cold WINTER  Or Happy Winter Comes After Terrible Monsoon

Pastor Dr Dongzathawng

Fellowship of Thirsty Souls

Devotional # 54 ( Vol 4)

Thirsty Souls simtute   i dam chiat uh maw!

Message jong gel louh na sawt sim ta e!

Abang abang hileh tunin Mangpa’n na hinna ah thil thah khat hing bawl sah ta hen!

TUNI TOPIC: Delightful SPRING comes after  cold WINTER

 Or Happy Winter Comes After Terrible Monsoon

Text :

 My beloved spoke and said to me, Arise, my darling,my beautiful one, come with me.See! The winter is past; the rains are over and gone.Flowers appear on the earth;
the season of singing has come, the cooing of doves
is heard in our land.The fig tree forms its early fruit;
the blossoming vines spread their fragrance. Arise, come, my darling; my beautiful one, come with  me.(SOS 2:10-13)

Introduction: 

1. Tulai umpi koima nei lou. Umpi nun damlou a a khao ua ni 15 val ki enkolsah hita. Panpi tu um lou nah nah Nausen enkol lou pen pen in thil dang teng bawl ngai hita.Inn nasep  Kisiam gawp ta. Gim chuh huai e. Hing thumpi jel vaw leh. Tuni zong Biah inn kai jou lou ding ka hi jieh in himi beh hing gel vang chia pang ka hi.

2. USA lam ah: pu Trump dinmun hoi ta mama e. Ama tet-sawm a pang, point 30-60  val val in kheel jung jung e. Pompeo, Niki, Pence, Ron etc teloi a boss pa uh toh kilang lawm lawm ding in kisah da uh leh maw??? Ne Sih seh uleh ka chi veh..Leitung vang  hibang ahi. EI ahing tungding te dou ding a ha pang a pang chi himai hi.

3.Meghalaya ah election result suah. Seat 60 lah ah BJP in 2 mai nga.. Christian State sap sap ding in etton uh ei.  Nagaland Baptist State ah lah sisan naisan luang e. Mun khat diah diah ah “I have decided to follow Jesus khu.. I have decided to follow____ ( candidate pa min)” in sa ta jen uhi. Candidate min zong thei non sing.

4. Eigam zong BJP govt in hoi deu in ei singtang gam ukai tah in hing tah tou sawm hita. Pu Paolianlal ading in thumsah vai. I palai ding a  telching dangte zong ang pan ngam na ding in thum pi vai. Mipi te jong moh um mai mai thei hinonlou hi. Lamkai te jong ki houna khat nei a, Mizoram hileh Naga I tribal pite kung a bang chi panlah ding e chia hoi tah a kikup hun ahi ta hi. Eithei lou a nam lamkai ten um mai mai nonlou a pan alah uh i ki nem hi. 

TOPIC ah LUT VAI: Delightful SPRING Comes After Cold WINTER

Englist poetry leh la te ah Spring toh kisai la bang jat aki phuah ta diei? Abba te a “where is the spring?” chi te thei khiah huai hi. 

India te Season khen dan in : March, April, May khu Hot summer ahia, June, July August leh September khu Monsoon (guahtui luan hun) ahi. Oct leh Nov khu Autumn ahi a,  Dec, Jan. leh Feb, khu Winter ahi.  Spring um lou hi. Chiamnui na in mikhat in India season hibang in gen hi: India has 3 seasons : Hot, Hotter and Hottest. 

ABBA te la  khat ana kija lou leh Spring jong ana ki thei kha lou ding hinalai hi.

America ten ahileh March, April leh May khu spring chi ua, June, July, Aug khu Summer chi uhi, Sept, Oct leh Nov khu Fall  Season chi uhi. Dec, Jan, leh Feb khu Winter chi uhi.

Eigam pen India kihinanleh India season sang in America season toh kile bat hi. India sang a western te toh lungsim leh biahna a ikijop mat joh jieh uh adiei mah ih season uh jong ki tuah jaw hi. 

Western gam a bang ding a Winter hichi ki lau e ichi leh Vuh kia in Ice kia in nisa kimu lou hi. Vot chi tah in vot hi. Tutung gaal a Ukraine ten a jau pen khu winter hun ahi. Power supply hing tasam ding, Heat um lou a hinkhua man ding ngai ngam lou uhi.  

Vuhgam te ah Heater umlou a khawsah thei dan um lou hi. Inn, Car, Office,shopping centre, Factory,  Station kisan- bangkim a heater  hat ahi. Tuachilou in vot seng hi.

Khujieh in Tum lam ten Spring khu ngah la uhi, Vuh khalteng hing tui bei in, Singkung vot in ameh gop te nisa in hing sal in hing thou thah hi. Pahpee te hing mom in, sing te hing nou hi. Vasa leh ganta vot sa a, ki bu mang te hing pot khia in, singkung te ah la hing sa pan ta uhi.

Sap gam ah school/college ten Season tengin break nei uhi. Spring break, summer break, fall break, winter break ci nei uhi.  Ei lam ah pan June suti leh Christmas suti kichi mai hi. Neu lai in bu-at  suti kichi nalai hi. 

Tumlam gam a Spring khu hunnop pen ahi bang in Ei gam ading in pen WINTER khu hun nop pen hijaw leh kilawm hi. Ajieh pen November apat in bu lah kipan a, December khu christmas ha ahi a, January leh Feb khu gualnop ha, mou sa tha ha, khawmpi ha, ahi. Khujieh in Winter chiang mun dang a um ten zong inlam ki del chiat hi.  

Eigam a hun nin huai leh hamsa pen khu  Monsoon hi ding hi: June apat Sep tan. Hi hun chiang nat gual jong lang diah a, Tualeh gam leh nam sung ah jong buaina tung ut diah bang hi. Hattuam ah zong gawtana leh buaina tam dieh hi.

Khujieh in tuni i thupi uh khu HAPPY WINTER COMES AFTER TERRIBLE MONSOON chi hijaw ding hi. 

Abang hitaleh Spring hun nop dan   i Bible chang i tahlat ah naltah in hing gen sah hi. A mawi jaw ding a gen dan jong um nonlou hi. Shakespeare sang apil jaw Solomon mipil, Poet siam pen in anal thei pen in hing gen sah ta hi. I Lung sim ngaituana( Imagination)m  ah anop ding dan muthei in um ta hi.  Simpha kia vai:

My beloved spoke and said to me, “Arise, my darling,my beautiful one, come with me.See! The winter is past;the rains are over and gone.Flowers appear on the earth;the season of singing has come, the cooing of doves is heard in our land.The fig tree forms its early fruit; the blossoming vines spread their fragrance.Arise, come, my darling; my beautiful one, come with me.

Aw koi a spring hun nopsa lou ding! Singtang a teng ngei ten ithei giep ding hi. Lou ki hal na nung, gam kah na nung vel a haichi nou hing keh doh te  lah leh Singkung na teng pul bei sa apat singna  nou nou hing  sel thel  te lai a tom khat hun va jat in Paisan thupina Bible Seminary a kum 1 class a tou sang in Pasian hou pina  aw ki mu tam jaw ding hi.

Biah in kum 10 kai sang in jong ha khat hibang in gam palah ah vah in hun jang lei Pasian kinai jaw ding hi.

Hiteng i gen na in i tup pen khu hun hahsa in hun nop hing tut hi. Hun hahsa i peisuah jou chiang hun nop in hing jui hi. Hun hahsa pei suah lou in hun nop ki tung thei lou hi. Hun nop mu na ding in hun hahsah ki pai suah teitei hi. Hih hun hahsah i pai suah in imaban ah hun nop in hing na ngah thei signal ahi. 

Nikum Nov leh December lah a ka family ua ka  sil tuah gen doh thei lou ka tuahte ukhu nua gen ding in jong tha da huai hi. Tha kham huai ngut ngut hi. Tahsa lam hileh hagau lam hileh ka tuah kha uhi. Adiah in hagau lam a pen na dieh hi. 

Paul in jong Asia gam a ka thil tuah khah te uh na thei lou ding uh ka ut sih,,, hin jong ka ki lam en non sih uh chi vawt hi. 

“We do not want you to be uninformed, brothers and sisters,[a] about the troubles we experienced in the province of Asia. We were under great pressure, far beyond our ability to endure, so that we despaired of life itself” (2 Cor 1:8)

Ahiin kum hing thah in January hing tung Nausen kang nei ua, aban ban in Van guah tui in in lei gaw a buah bang in  hing buah hi. Guah mal mai hinonlou in guahpi in hing juh khum hi. Kipahna ngen kipahna ngen in  ka inn sung uh hing vuh khum hi. January ha leh Feb ha vang kou ading a phatna ha ( the *Month of praise) chi dinghimai hi. 

Hinanleh Pasian in kipahna taang a lam lam a, gualnop bawl bawl ding in hing dei lou jel hi. Guam lah a belam mang te sui leh tuisuah leh meikuang lah a mangthai te hun doh ding leh, belam hon vah mang leh liam te sui ding leh tuam dam ding in hing dei hi. Tuabang belam liamte i suina ah ei zong i va liam kha jela, jau leh liam leh baa in inn ing kile jel hi. 

HImite apat ka jil ahileh buaina, hahsatna, thei siem louna, lungsim natna, tha jawi theina, lung kha ngieu ngeu sah thei thu hoilou te i tuah chiang ka jir doh khu Pasian in thil lianpi khat hing tung sah ding hi ta ei chi ka mu thei ta hi

Pasian in Abraham a lawmpa hiding a thu hun thupi tah abawl pi ding in ama ading a je-etna sang pen pen ah pui hi. Abraham in tua jong pass tou jel hi. Atawp in nual a nual gual leh phel thei lou ding kum tawn a det den ding Pasian lawmpa hina THUHUN lou pi tah  piah in um hi. Ahiin hibang hamphatna nga tu ding khu Pasian in mawh tel mai mai lou hi. Suhsiangna, et chetna -sap ten scrutiny tampi peisuah sah hi.

Joseph jong hibang a migam a sap ten “against all odds” dal tu hijat, a kilem lou hijat, sil hi thei lou ding mai hilouin thil awm lou hijat kal ah a Muan Pasian in pui tou in direct in latouna ah dawmsang hi. HIpen Pasian paidan ahi. Mihing ading in thil hi thei lou ahi. Ahiin Pasian ading in hamsa lou hi. A hin ami ding jatthei a ngap, achit amu ngai ahi. A hiin hibang kaisangna leh gualzawlna pawh jah( explosive blessing) atan nading in melkuang a halsiang thouna huai se tah pei suah hi. Tuipi let pal suah a, meikuang lah ah pui in um hi. 

Ahin tu nia gingtu ten i ki hanthawn thei na ding khu: I hinkhua a hahsatna, soisahna, engbawl na, mu sitna, tuam bawl na, lungsim natna, lawsapna, mual phouna- hamsa leh khaa seng seng i tha i jung teng, i gu i tang teng geep jen a ki bawlna te i tuah chiang a i thei ding khu i ma ban ah THIL LIANPI, Pasian deisahna lian pi,  dopsangna, kai sang na , thu hoi, gual zawlna lianpi hing nai lam ta chi ithei ding ahi. 

Mial a sa sem sem leh khawvah nailam ta ahi bang in na thil tuah khu thuah jou non lou ding khop a thuah hah, top san ding a mansa, pang jou nonlou ding, a kichai mawng mawng ka hi ta chi din mun na tun chiang na thei ding khu Sawtpi pei ta apat na thum na, na gimna, na mittui luanna, na hai chi tu, na lam etnonlou khu thupi tah a hing ga khia ding, thupi tah ah hing pah khie ding, tuisuah bang a hing sou khie ding, hing luang let ding kisa ahi ta chi na thei ding ka dei hi.

Ken jong hi chi dan khu ka tuah mial mual hi.  Khujieh in I plan te, i tup te, i thumna te tanpha i dei bang leh ichi bang a apai lou chiang mawh puah siam lou leh thei siam lou a mite tung a lungkim lou, mite muda, mite tung a le thuh sawm, thupuana hoilou lou, thu hoi lou lou toh  react ding chi te khu ka bawl sawm non sih hi. Nidang lai thil in ka koi ta hi. Ajieh pen hite cha cha ahi gualzawlna thupi i muna ding a Pasian testing na a van jat…. 

HIa hattuam a mi hoi lou, mi lungsim sia, mi lungsim kawi, upa piang thah lou, lamkai mittaw, mi buai huai ichite cha cha khu ei hoina leh i thupina mun itun na ding a Pasian vanjat te ahi….Ama uh kheel lam i mu ngai ahi. 

Pasian in amite thupi tah a, adawp sang, agualzawl, a phungvuh ut chiang final test peisuah sah jel hi.  HIchi dan ahi Pasian in atate a deal dan. I test na a hamsat dan jir in i ma ban a letsong let leh neu ding ki nga hi.

Tuni nang jong hibang a thei siam lou, gen thei lou na hinkhua a na tuah lai tah himai thei hi. Khoi lam apat suah tatna, a dam dawi hing tung ding chi khu na etna lam lam bing mai thei hi. Ahiin Van leh Lei Mangpa I Pa Pasian ading in buai huai lou hi. Aman abawl dan thei a. Jan khat thu leh kam teng khat, leh moment khat in abawn in chai thei hi. En kum hi jat i gimpi khu aman kam khat in chai ding ih. 

 Tunia i phut khah te khu Ama’n thei sa sa a i hinkhua a tung ding a ahing phalsah ahi. Ajieh pen hite apat in Aman thil lian pi Ama min THupina ding bawl khiah sawm hi. Tua mi ading in A van jat thei mi sui hi. Mi tuajat lai ah Job amuan bang in nang hing muang ngam hi.  Pasian in hamsatna a amuan ngam lou khu gualzawl na khuh khum ding in muang ngam lou hi.  Tualeh Pasian in nang ang muan ngam ding ahi mu bang in nang hing soisah ding Job lawm te bang jong mi sui hi. Nang ang poimaw bang in aman mi hoilou te jong nang ma ban ding khual nan poimaw in jang hi. 

Tu leh tu in Bang hahsatna, bang nualna, bang thei siam louna, bang tha jawi thei na, bang lung thah thei in na hinkhua hing vuh mai thei. Na thei ding khu Gawljawlna lian tah, na lam et lou Pasian a pat  hing tung ding kisa ahi ta hi chi thei in. 

Na Winter Hun: Vawt leh Gaw leh keu  hing bei in na Spring hun HIng dipdep  pah sing seng hing tung ding hi ta!

Na Monsoon hun: dam thei lou natgual hun, nam leh gam thu a buai hun, hattuam a buaina chin teng, inn sung buai hun, sum leh pai bei hun, bat hau hun, guallel hun, mun kim gua chiin a buan nat niai nuai hun te hing bei in Pawl tah un, pawi- hun, gual nop hun, bu lah hun, Christmas hun hing tung ding hita…

Mangpa’n ngah jou ding in hepina hing pia ta hen!

Topa Thupha!