BUT THE THING DAVID HAD DONE DISPLEASED THE LORD

BUT THE THING DAVID HAD DONE DISPLEASED THE LORD
Pastor Dr Dongzathawng
Fellowship of Thirsty Souls
Devotional # 53 ( Vol 4)

Thirsty Souls simtute  tuni Mangpa Ni Jingmawng Pha chivai EIle!

Tuni na um um na mun ah Pasian in ahing hepina mercy drop na tung ah hing kie sah ta hen!

TUNI TOPIC: BUT THE THING DAVID HAD DONE DISPLEASED THE LORD 

 (2 Samuel 11:27)

Introduction: 

Ka nu ka sungnu (mother in law in) in date 17 in Lamka lam ading in hing nusia ta hi. Bang ka chi ta dive aw chia thawm hau tah a ka um lai un janni jingkal in Pasian hepina (MERCY DROP) ka room sung uah hing kie in, ka nausen uh nop tah in ihmu a, jing kal ma tah tah a khanglou gige pen 8.30 Am in zong khang lou nai lou hi. Api’n a lampaina kou ading a ha-tah a hing na thumpi hiva ka chi hi. Naunei jou apat ka ihmut uh nop pen hiding hi. Hichi dan ahi Pasian nasep dan, 

A mercy drop khu banghun, leh khoimun a hing kia ding chi ki thei lou hi. A tasam leh ana lam-en te tung ah kigin lou leh lam et lou lai tahin hing kiesuh jel hi.

USA ah Trump toh ki fight ding in  koima thei phah lou lai Trump in UN ambassador ding a, ana guat Nikki Hailey hing kipan ta. Ama ana ngaisang tampi in tu in chiammui nan nei pan ta uhi. Mihing pen i limit um hi. I limit khel a i ki koisang seng chiang ahing na pah ta te zong ei hing demtu pen hing suah thei hi.

I Laibu uh Thadou version pen buaipi jel, man mama lou. Paite version pen U Dimzangai in mawpuahna hing la ding hi ta. Hatah in hing na thum pi vaw.

Ka tapa Levi School kipan ta Date 13 apat. A neute gel March 6 ah kipan ding. March hasung Inlam ah Camp leh Retreat program mun 2 ah um.

Hing na thum pi jel ua le…

TOPIC ah LUT VAI: David Silbol tung ah Pasian a lungkimta sih hi

Piono siam mama student khat leh a master pa tungtang true story khat um hi. Tua Piono student pa khu siam ta mama in ahi chiang nikhat mipi mai ah perform bawl hi.  A bawl jou in mipi te’n siam sa seng in ding in khut beeng jai jai uhi. Hinanleh tua student pa khu mipi te khut beh leh din jieh in kipah tuan lou hi. Ajiehpen ama’n ana et gige khu a gal lam a a mastor pa ahi. Mipi teng nung lam a ding pa khu ahi. A master pan khut beng lou, nui mel lou ahi chiang ama jong kipah tuan lou hi.  Mipite khut beh leh patat jieh a, ama khu point/grade hoi ding hi lou hi. A mark pie ding pa khu khu anung lam ah koima thei lou toupa ahi jaw hi. 

Tunin eite mipi hu mai mai a kipah ding ihi ei? Ei point hing pia  tah tah ding khu koi adiei? 

David in a vang lai tah, kumpi pa nah nah a ut ut in bawl thei hi. Koiman question thei lou hi. Ama ading a gin-um tah a hinkhua phal a pang, mawna nei lou,  a sepai pa Uriah khu a ji Bethsebah adei man in Uriah shi ding dan plan bawl a,jong  lawching hi. Tua jou in a kumpi hina power toh  Bethesbah ama ji ding in ki pui lut hi. 

Kumpi ahina toh, koiman bangma gen ngam lou, a thu thu in sil bol thei ma hi. A ut te that in a dei dei numei a ji ding in ki lah thei hi. A ut leh mi pasal tha sah in aji khu ki lah thei hi. Ahiin Pasian thu in “David gam tatna tung ah Pasian a lungkim tasih” chi jiau hi.

Bang kumpi hi in, bang lamkai hileh A tung a thunei tu Pasian a lungkimlou chiang a ban khu chijat huai hi. 2 Samuel bung 12 a David inn sung a siltung khu koi kum pi, koi pa ading in jong thuah ngap huai lou hi. Jawlnei Nathan in “Na Inn sunga tu apat TEMSAU leng ding” achi khu hoi deu in tang tung hi. A inn sung mai hilou in a lenggam pumpi ah temsau leng in kaana leh patauhna in vai hawm hi.  Ama ma jong kap kawm in , a lutung a vut kibuah in keng guah in a leng inn pi nusia in gamlam naw in kapkawm in a hinna taipi hi.

Babulon kumpi Belshezzar in a thupina leh alalna teng toh Party bawl a, Pasian inn apat  ki la :nou siangthou te” toh Ju ang dawn chiang amai tang ah khutTawng Guah in Baang ah lai hing gial hi. A ut leh Lal hina toh party bawl in nop tah in um ta ven.. Pasian nou khel khel ava demand sese khu Pasian lungkim lou ahi. 

David in zong ji tampi anei a,  a ut dan dan in numei tuamtuam ji in kipui hi. Ahiin mi poi khoilou khat ji ava lah sah a, apasal a tha sah khu Pasian lungtang su kha hi. Pasian jahnop lou lam tah khoi kha hi. 

Tunin i bawl thei, i gen thei hina vei, I hausatna toh, i thuneina toh, ei ma lalna ding, eimah ma van na ding bol thei thei i bawl mai thei. Ahiin i ki ngai tua ding khu Pasian lungkimlouna ding khat i va su kha de aw? chi ahi.

Gari man tam tah i va lah a, Inn thupi tah i tundinga, lawchinna thupi tah i lop lai in I tung ah a bul apat a guh a hing na en kai jing  i Pa Pasian a lungkimna diei?

Gentena thu khat hing gen mawh mawh vang; Ka ji nei ding in ahing gawm ding in ka na et ton hagau lam a ka mentor Rev khat  ka du thusam hi. Ama zong India a hing jin hun ding toh ki tuah hi. Lemchang ka sa mama hi. Hinanleh Hattuam ki khen huaisiet laitah ahi. Miteng liam lai tah ahijiehin ka  hattuam pi te’n hing deisah lou hi. Jingkal khat ka pa biah in a thum jou hing tung in : “Thawngpi… Biah inn a nang a dinga va thum ka hi. Thu khat hing gen vang. Hattuam buai lai tah ahi a. Pastor khu -pa  na ki gawm sah ding pen,, I hattuam ten hing awi lou hi. Na bawl tei tei ding leh kei zong hing pang lou ding ka hi” hing chi ta mai hi. 

Ka tei o. Ji nei ding in ipa ang pan lou leh khovel pumpi in hing uap nanleh jong bang a khiehna um ta ding lah?? Ka buai huai sih hi. 

Ka pa deinabang in Hoi deu in Rev Thangginmuan in ahing gawm a, prgorm  hoitah in ka chai uhi

I gen ut khu ka kiten na a Ka pa apoimaw dan ka gen ut na ahi. A tung a midang teng teng in hing nung ngat san leh zong ka pa kei lam a apan nah leh ka dinna dih na e chi thei theina khat ahi. A hiin midang teng, ka it leh ka ngaisang teng in hing dinpi in ka pa in hing taisan leh tua khu kingai tua tham ching mama thupuhna  dih lou vawt hi ding hi. 

Ei kipah mama ding in ahia a mi poimaw pen pen I pa lungkim vawt lou ding chi pen vangphat huai lou hi"

Ei kipahni, ei thangphatni, ei gualjaw ni, ei lawchiin ni, ei inn latni, ei gari latni, ei gam latni, ei kipahna gualnop ni chia i thangphat a i lam lam lai a Tung a I pa Pasian ana lungkim vawt lou ding chi pen ki ngai tua huai mama hi. 

Tunin dih lou tah in  a lac lac, a crore a crore i ham mai thei ding uhi. In a crore a crore man honna thupi tahin i nei mai thei ding hi. Gari CM pa  a toh kibang phial jong i lei jou mai thei ding hi. Gam leh gua simseng lou i lam lam mai thei ding hi. Govt kham ah neh seng lou mai hilou in sem jong sem man lou ding khop in ji ading tan pha  i musah thei hi.  Khoi tah mun mun a development fund ding teng jong ei ading in iki hei khiah thei ding hi. 

Dih lou tahin ei boltheina toh mi gam keh sahin, mi nei mi gou lahsah in, mi patta lah sah in, mi tan ding lah sah in, mi right isuh mang sah thei hi. 

I tahsa hat leh i mi tam leh sum leh pai leh, tha gum leh singnuai mi ineite suang in koi ma’n bangma gen ngam lou, gen jou lou, gen thei lou chiin i thu thu in na i sem mai thei hi. 

Ahiin i thei ding khu i tung ah Pasian in mihing te gamtatna teng e kip a kawi a sui leh en kai pa a lungkim na diei? chi ahi. Jericho a Achan in thilguh neu khat a phual jong va pholh khiah sah a mipi mai a a inn kuan leh anei a lam, a ganta teng tanpha suh mang sah Pasian siang thou -sil sie a kipahlou Pasian ahi.

David, a kumpi hina power a mi ji lahsah pa tung a lung kimlou a , khaa deu mai a, a le 4 a ditsah pa Pasian ahi.  Ama’n koi kumpi David, Koi Saul, Koi Samson, Koi Mose Tanpha, koi Nehbuhnezer, Koi Julias Caesar, Koi British Kumpi, Koi German Kumpi, Koi US President, Koi Nepoleon,  Koi Hilter, Koi Sadam, chi khentuam  lou pa ahi. 

Aman koi hausapu, Koi CinC,koi, koi CEO, koi Minister, Koi President chi thei lou hi.  Aman mi ahing tham ngal ngal chiang koima anopsa um lou hi. Ama’n mi neu nou khat khoi mai jong thuah la in Peng chiai chuai in  um sah  jel hi. 

Tunia  ngai tua ding khu: I bawl thei na teng toh  huai thei teng huai, lam thei teng lam, lah thei teng lah, bawl thei teng bawl.. koi i suh khah, koi i pal khah, koi a liamsah, koi i kaa sah, koi i natsah chi ngai tua se lou a i bawl thei lai a, mawh gam tat khu I tung a thukhen tu  Pasian in eitung a ang tun sah chiang a guu khu kha ngieu ngeeu mai hi. 

David in kha sa ngut ngut a kum pi khat, pa khat , pasal hangsan Goliath ma a dng ngam pa khu  atapa Absalom gangpi sing bah a ki khai lia a jah in mipi mai ah kap ngut ngut mai hi. 

Tuin i sep lam lam fuh, tan mun ( post) I dei pen mu ta, a contract work pen singnuai mi thanei na toh jou ta,  work order mu ta, i gam thu a  case jong  jou ta. I minister pu nei mama ham phat huai, Thautoi te, inei khah mama jieh a hiteng piang thei. Tua mai hilou a i pastor pa mama jong ei lam a gin um tah a pang hi mai thei.  Ei hing kipapi lou um lou, Ajieh pen i jar jou kha lou um lou. Minister pu apat Singnuai mi leader, hausapu apat pastor, I be i phung  apat hattuam te ei lam apang ahi. 

Ahiin apang lou khat um ei lawm! Pasian pang kha lou hi.  Khovel pumpi ei lam a pang in Pasian pang kha lou toh Khawvel pumpi ei gal a pang in Pasian ei lam a pang khel khel. Khoi pen i tel jaw diei? 

Ei Lamka te ngaitua dan chuh Mi lian milal teng kei lam a, apan a, pastor pa ka gei a ahing thumpi ding a umjing pou leh, hattuam te kei a ahi pou leh  Pasian khu abaisa amai ve leh ichi mai thei hi. Unaute tulai pastor te pan na lam lam khu Pasian panna hi khollou hi.  Hattuam te ki heina lamlam jong Pasian umna hi khol nonlou hi. A da huai dan. Hileh kilawm mama chu hia.

Abraham Lincoln America Civil War lai in a loipa khat in “Pasian eilam a apan nah leh jou na vei” chi in gen hi. Lincoln in “Pasian khu a dih lamlam a pang ahi chi ka thei hi. Ei khu adih lam ina diei chi poimaw hi” chi in dawng hi. A poimaw khu Pasian eilam a apang ei chi hilou in ei khu Pasian lam ah i pang na diei? chi jong ahi. 

I sep bawl teng pai jung jung, law ching jung jung ding ni Tung lam a I pa Pasian ana lungkim lou nonlou, hing kipapi lou, hing phasah lou hi tontung ding chi khu RISKY ta lua hi. 

Mou lawm ding in, khawvel  pumpi in hing kipapi ding in, Ei ahing hing pa I Pa lungkim lou a hing tellou ding chi pen   a bawl a bawl chi hilou hi. 

Tu ni a i houlim na teng uh a point i man ta maw? David gamtatna tung ah Pasian a lungkim tasih chi ahi. Bang chi tuh in ma vang kisa in, khawvel pumpi in hing kipapi nanleh Van a I Pasian  alung kim loua, ahing kipapi lou leh bawl tei tei, phut tei tei, ma sawn tei tei pen a RISKY ta lua hi.

A chang ah ei speaker teng jong progm a ahing kichial tam a, thugen na ding i hau leh ikipah hi. Ahin akipah seng lou um hi. I ji leh itate kipah seng khollou uhi. A jieh pen apa uh  leh a pasal um lou a hun sau man khu thuah hahsa uhi.  Pasian ban a i family akipah lou leh pen adih lou khat um hi. Ki ngaitua kia poimaw hi

Progm teng del del in, thu genna ding sui kawi kawi in a ji leh atate thuah sah dil del chi pen Pasian patat pa din mun hituan lou hi. Ei speaker a jin kawi kawi in,mi teng patat nga leh mite ngainat ding a va um in, inut sia  i tate gamsa bang a sial a sial mai, etkol lou ta toh kibang chi pen paidan dih hi thei lou hi.

Achang a speaker te hiin, nam lamkai leh officer leh  mi jat huai ahilou leh hattuam a numei lamkai pipi jong  MIT DONG HUAI tah a umthei ahi. Pi Larruotmawi vanglai a champhai a concert na a pastor  lamkai lian pastor pa camera man dan a a ki buai sah dan mitdong huai hi.  

Tamvei pi Hattuam a hagau mi kisa mama lam lam thei hinapi election na mun a mitdon huai, govt office a mitdon huai, khawtaang a mitdon huai, committee a a hamdan mitdon huai thei tampi ki um hi. 

“Pishemul- About turn:” chia kinui hei veng veng a ZERO kipat thah (ahivang a Pasian umpina toh) kipat thah khu ei leh i inn sung a ding leh khang tampi adinga Pasian I damna leh gualzawlna hi jaw ding hi. 

Ahi Pasian lung kim sih leh zong a suah suah ka pai bang a pai veve ding, pai tou jel ding phu tou jel ding, i chileh leh eima thu thu Pasian in hing force tuan lou ding, Example hoi tah Kum pi Saul, Samson, Lot etc.

David vang akisia mai hilou in lungtang hasie leh kehgawp ngii ngei in kisia in, a paidih louna apat in Pasian hing bel kia a, Pasian maipha hing sui kia hi. A ga in A tawm lam a gen ding in Hepina a hausa  Pasian in a thuchiam bang in a  inn sung leh a khanggui siamphat sah in kum tampi ading in a khang gui vangbuah veve hi.

Mihangsan te khu Pasian lungkim non lou thei sa sa in paisuah tei tei lou uhi. Ki le kia ngam ua, A bul ah Zero in Pasian muang in kipan pha kia ngam uhi. Tua bang ginna khu Pasian in jatat hi.

Mangpa’n i gamtat dan ua, pilvang chiat ding in A Hagau Siangthou toh hing kai huai jel ta hen!!

Topa Thupha!

next ah : Koite e Pasian nasem tah tah??